| Վերմիշև Ալեքսանդր Ալեքսանդրի | |
| Вермишев Александр Александрович | |
| Պատկերիկի ստեղծման սխալ. Նման նիշք չկա
| |
| Անգլերեն: | Vermishev Aleqsandr |
| Հայերեն: | Վերմիշև Ալեքսանդր Ալեքսանդրի |
| Ծննդյան տարեթիվը: | 10.09.1879 |
| Ծննդավայրը: | Սանկտ Պետերբուրգ, Ռուսաստան |
| Մահվան տարեթիվը: | 31.08.1919 |
| Մահվան վայրը: | Ելեց, Ռուսաստան |
| Համառոտ տվյալներ: Հեղափոխական գործիչ, դրամատուրգ, բանաստեղծ, հրապարակախոս, իրավաբան: | |
Բովանդակություն
Կենսագրություն
Ծնվել է 1879թ. սեպտեմբերի 10-ին Ռուսաստանի Սանկտ Պետերբուրգ քաղաքում:
Կրթություն
- 1902—1907թթ. ընդհատումներով սովորել է Պետերբուրգի համալսարանի իրավաբանական ֆակուլտետում:
- 1910թ. էքստեռն ավարտել է Յուրևի (Տարտու) համալսարանի իրավաբանական ֆակուլտետը:
Աշխատանքային գործունեություն
- Աշխատակցել է «Պրավդա»-ին և «Պրոս վեշչենիե» («Просвещение») ամսագրին։
- Կուսակցական աշխատանք է կատարել Պետերբուրգում, Ցարիցինում, Բաքվում, Սարատովում։
Ձեռքբերումներ
- 1903թ.-ից՝ Կոմկուսի անդամ:
Այլ
- 1882թ. Վերմիշևները տեղափոխվել են Հայաստան, որտեղ ընտանիքի հայրը նշանակվել է անտառապետ։
- Վերմիշևը տիրապետել է հայերեն, ռուսերեն, ադրբեջաներեն, վրացերեն, ֆիններեն լեզուներին:
- Նրա վրա մեծ ազդեցություն են գործել հոր հեղափոխական-նարոդնիկական հայացքները։ Պետերբուրգում մասնակցել է 1905—1907թթ. հեղափոխությանը, որին ձոնել է «Ճշմարտության ճանապարհին» պիեսը։
- Բարեկամական սերտ կապերի մեջ է եղել Ստեփան Շահումյանի, Ալեքսանդր Մասնիկյանի, Ս․ Լուկաշինի, Լ․Կարախանի, Կամոյի, Վահան Տերյանի , Վ․ Բրյուսովի և այլ նշանավոր հեղափոխական ու գրական գործիչների հետ։ Հանդես է եկել Մաքսիմ Գորկու ստեղծագործության թյուր մեկնության դեմ։
- 1906թ. Տերիոկիում (այժմ՝ Զելենոգորսկ)՝ ՌԽԴԲԿ Կենտկոմի կազմակերպած կուսակցական ժողովում, առաջին անգամ հանդիպել է Վլադիմիր Իլյիչ Լենինին։ Նրան է նվիրել իր «Պատանի Ռուսիա» պիեսը։
- Հեղափոխական գործունեության համար բանտարկվել է, աքսորվել, ենթարկվել հալածանքի։
- Մասնակցել է Սովետների համառուսաստանյան առաջին համագումարին։ Հոկտեմբերյան հեղափոխության օրերին եղել է Ձմեռային պալատը գրոհողների շարքերում, քաղաքացիական կռիվների ժամանակ՝ բրիգադի զինկոմիսար (կռվել է գեներալ Ցուդենիչի զորքերի դեմ), այնուհետև հարավային ռազմաճակատում՝ պահեստիրավորվել է, գերվել (Ելեցում) և գազանաբար սպանվել սպիտակգվարդիականների կողմից։
- Վերմիշևի պոեզիային բնորոշ է հեղափոխական-մարտական լավատեսությունը, քնարականությունը։
- Վերմիշևը գրել է հանրահայտ «Աչեր սևորակ, դուք աչեր այրող․․․» երգի տեքստն ու երաժշտությունը, բանաստեղծություններ՝ նվիրված Ս․ Լուկաշինին, Հայաստանին, հայ և ռուս ժողովուրդների բարեկամությանը։
- Վերմիշև անունով կա օվկիանոսային ջերմանավ, միկրոշրջան՝ Լիպեցկ քաղաքում, դպրոցներ, փողոցներ, մշակույթի պալատ՝ Լենինգրադում։ Նրա մասին գրվել են վեպեր, պոեմներ, դրամաներ։ Ելեցում կանգնեցված է արձան։
Նկարներ
- Պատկերիկի ստեղծման սխալ. Նման նիշք չկա
Մատենագիտություն
Պիեսներ
- «Համբավաբերներ»:
- «Մոլի սեր»:
- «Կարմիր ճշմարտություն» (վերջինս Վլադիմիր Իլյիչ Լենինի հանձնարարությամբ գրախոսել է Մաքսիմ Գորկին, քանիցս բեմադրվել է)։
- «Ճշմարտության ճանապարհին»:
- «Պատանի Ռուսիա»:
Տե՛ս նաև
- Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
- Дубинская А., Быль о легендарном комиссаре, М., 1968.
- Сухотин Я.Л., Песню расстрелять нельзя!, Л., 1968.
- Вермишев А.А. (1879‒1919). Библ. указатель, Воронеж, 1969,
- Большая Советская энциклопедия: В 30 т. - 3-е изд. - М., 1969-1978, Том: 4, Стр.: 535.
- Вермишев Александр Александрович (1879–1919).
- Вермишев Александр Александрович.