| Աղանյան Գյուտ | |
| Аганян Гют | |
| |
| Այլ անուններ: | Գյուտ Քահանա, Տեր-Առաքելյան Հարություն |
| Անգլերեն: | Aghanyan Gyut |
| Հայերեն: | Աղանյան Գյուտ |
| Ծննդյան տարեթիվը: | 1856 |
| Ծննդավայրը: | Թիֆլիս, Վրաստան |
| Մահվան տարեթիվը: | 1920 |
| Մահվան վայրը: | Թիֆլիս, Վրաստան |
| Համառոտ տվյալներ: Պատմաբան, ազգագրագետ, թարգմանիչ, մանկավարժ: | |
Բովանդակություն
Կենսագրություն
Ծնվել է 1856թ. Վրաստանի մայրաքաղաք Թիֆլիսում:
Մահացել է 1920թ. Վրաստանի մայրաքաղաք Թիֆլիսում:
Կրթություն
- 1873թ. ավարտել է Թիֆլիսի Ներսիսյան դպրոցը:
Աշխատանքային գործունեություն
- 1876թ.-ից դասավանդել է Թիֆլիսի Ներսիսյան դպրոցում:
- 1896-1912թթ. խմբագրել ու հրատարակել է «Լումա» հանդեսը, աշխատակցել «Մեղու», «Արձագանք», «Նոր դար» և այլ պարբերականներին:
Այլ
- Հեղինակել է կրոնական դասագրքեր, տոմարագիտական աշխատություններ, հրատարակել է պատի օրացույց (1889-1903):
- Գյուտ Աղանյանի ամենամեծ գործը տասներեք ծավալուն հատորներով «Դիվան հայոց պատմության» ժողովածուն է՝ արժեքավոր առաջաբաններով ու ծանոթություններով:
- Թարգմանել է Մ. Սերվանտեսի, Չ. Դիկենսի, Գ. Հոֆմանի, Հ. Սենկևիչի ստեղծագործություններից, աշխարհաբարի է վերածել Եղիշեի «Վարդանանց պատմությունը»:
- Պատմական խնդիրները լուսաբանել է եկեղեցու շահերի տեսանկյունից:
Մատենագիտություն
- Աղայան Գ., Դիվան հայոց պատմության, 1893-1917:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005: