| Տեր-Թադևոսյան Արկադի Իվանի | |
| Тер-Тадевосян Аркадий Иванович | |
| |
| Այլ անուններ: | Թադևոսյան Արտուշ Հովհաննեսի, Կոմանդոս |
| Անգլերեն: | Ter-Tadevosyan Arkadi |
| Հայերեն: | Տեր-Թադևոսյան Արկադի Իվանի |
| Ծննդյան տարեթիվը: | 22.05.1939 |
| Ծննդավայրը: | Թբիլիսի, Վրաստանի Հանրապետություն |
| Համառոտ տվյալներ: Ռազմական գործիչ, Ղարաբաղյան պատերազմի հրամանատարներից: | |
Բովանդակություն
Կենսագրություն
Ծնվել է 1939թ. մայիսի 22 -ին Վրաստանի Խորհրդային Հանրապետության Թբիլիսի քաղաքում:
Կրթություն
- 1962թ. ավարտել է Բաքվի հետևակային ռազմական ուսումնարանը:
- 1972թ. ավարտել է Լենինգրադի ռազմական ակադեմիան:
Աշխատանքային գործունեություն
- 1962–1990թթ.` ծառայել է Լենինականում, Գերմանիայում, Չեխոսլովակիայում, Բելոռուսիայում, Երևանում տեղակայված ԽՍՀՄ զորախմբերում:
- 1988թ.-ից ակտիվ մասնակցություն է ունեցել աշխարհազորայինների ուսուցման և պատրաստման գործընթացում:
- 1990թ.-ի մայիսին զինվորագրվել է «Սասունցի Դավիթ» կամավորական ջոկատին:
- 1991թ. մայիսի 6-ին նշանակվել է ՀՀ կառավարությանն առընթեր ստեղծված Պաշտպանության կոմիտեի արտազորային պատրաստության բաժնի պետ:
- 1991թ.-ի հուլիսի 13-ին ԼՂ ինքնապաշտպանական ուժերի գործունեությունը համակարգելու և կամավորականներին ռազմակամ գործ ուսուցանելու նպատակով գործուղվել է Ստեփանակերտ:
- 1992թ. փետրվարի 24-ին ԼՂՀ ԳԽ որոշմամբ նշանակվել է ԼՂՀ նորաստեղծ ինքնապաշտպանական ուժերի հրամանատար:
- 1992–2001թթ.՝ ծառայել է ՀՀ ՊՆ-ում:
- 2001թ.-ից` ՀՀ պաշտպանական մարզատեխնիկական ընկերության նախագահ:
Ձեռքբերումներ
- 2009թ. մայիսի 8-ին ԼՂՀ նախագահի թիվ 40 հրամանագրով հայրենիքի պաշտպանության գործում մատուցած բացառիկ ծառայությունների համար Արկադի Տեր-Թադևոսյանին շնորհվել է «Արցախի հերոս» ԼՂՀ բարձրագույն կոչում և պարգևատրվել «Ոսկե արծիվ» շքանշանով:
- Պարգևատրվել է ՀՀ և ԼՂՀ «Մարտական խաչ» 1-ին աստիճանի շքանշաններով:
- 1992թ. մայիսի 25-ին շնորհվել է գեներալ-մայորի զինվորական կոչում:
Այլ
- 1991–1992թթ. Տեր-Թադևոսյանը ղեկավարել է Տողի, Սարինշենի ազատագրական, Մարտակերտի, Հադրութի և այլ շրջանների ինքնապաշտպանական մարտերը:
- 1991–1992թթ. նրա ղեկավարությամբ կազմվել է Շուշիի ազատագրման պլանը և 1992թ.-ի մայիսի 8–9-ին իրագործվել մարտավարական տեխնիկայի բարձր մակարդակով:
- Լեռնային պայմաններում վարպետորեն կռվելու համար Աֆղանստանում նրան անվանում էին «Լեռնային աղվես» («Горный лис»), իսկ Արցախում` անձնական քաջության և հրամանատարական օժտվածության համար, ազատամարտիկների և խաղաղ բնակիչների շրջանում ստացել է «Կոմանդոս» պատվանունը:
Նկարներ
- Պատկերիկի ստեղծման սխալ. Նման նիշք չկա
- Պատկերիկի ստեղծման սխալ. Նման նիշք չկա
«Արցախի հերոս» մեդալ
- Պատկերիկի ստեղծման սխալ. Նման նիշք չկա
«Մարտական խաչ» 1-ին աստիճանի շքանշան
Տեսանյութեր
Հրապարակումներ մամուլում
- Հերոսների կյանքը:
- Կոմանդոս. Հիմա ոչ մի հայ տատիկ թոռանը չի ասում` «խելոք մնա, թե չէ թուրքերը կգան` ականջներդ կկտրեն», Aravot.am:
- Եթե պատերազմ վերսկսվի՝ մեզ համար ծանր է լինելու, Ադրբեջանի և Թուրքիայի համար` ողբերգական. Ա.Տեր-Թադևոսյան, Karabakh-life.am:
- «ՇՈՒՇԻՆ ՉԳՐԱՎԵԼ ՉԷՐ ԿԱՐԵԼԻ», «Голос Армении», մայիս, 2007թ.:
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Սենոր Հասրաթյան, “Ոսկե արծիվ” շքանշանի ասպետները, Երևան, “Տիգրան Մեծ” հրատարակչություն, 2015:
- Коммандос.