Ռուբեն Գ

Ռուբեն Գ
Рубен Третий
Անգլերեն:	Ruben Third
Հայերեն:	Ռուբեն Գ
Ծննդյան տարեթիվը:	1145
Մահվան տարեթիվը:	1187
Մահվան վայրը:	Սիս, Կիլիկիա
Համառոտ տվյալներ: Կիլիկիայի իշխան:

Բովանդակություն

Կենսագրություն

Ծնվել է 1145թ.:

Մահացել է 1187թ. Կիլիկիայի մայրաքաղաք Սիսում: Ամփոփվել է Դրազարկի վանքում:

Աշխատանքային գործունեություն

• 1175թ.-ից՝ Կիլիկիայի հայոց իշխանապետ:
• 1180թ.՝ Մանուիլ I կայսեր մահից հետո Ռուբենը վերացրել է կայսրության վերջին հենակետները Դաշտային Կիլիկիայում, բյուզանդական տարրից մաքրել ծովեզերքը (Ալեքսանդրետից մինչև Սելևկիա):
• 1182թ.՝ պաշարել է Հեթումյան հզոր և դեռև կիսանկախ իշխանության կենտրոն Լաբրոնը:

Այլ

• Ռուբինյանների (1080-1219թթ.) իշխանական և թագավորական տոհմից:
• Գահ է բարձրացել հորեղբոր՝ Մլեհի դավադրական սպանությունից հետո:
• Գահակալման սկզբին մահապատժի է ենթարկել Մլեհի դավադիրներին, զսպել որոշ իշխանների անջատամետ ձգտումները, Բյուզանդիայից ազատագրել Ադանա և Մսիս քաղաքները:
• Ռուբենի դեմ երկարատև պայքարում Հեթումյաններն օգնություն են խնդրել Անտիօքի դուքս Բոհեմունդից, որը 1185թ. Ռուբենին հրավիրել է Անտիոք, խարդախորեն ձերբակալել է նրան և իր զորքով ներխուժել Դաշտային Կիլիկիա: Սակայն հանդիպելով Ռուբենի եղբոր՝ հայկական զորաբանակի զորավար Լևոնի հակահարվածին, Բոհեմունդը նահանջել է:
• 1187թ. Լևոնը փրկագնել է Ռուբենին, բայց վերջինս գահը կամովին հանձնել է եղբորը՝ Լևոնին, ինքը դարձել կրոնավոր:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Ալիշան Ղ, Սիսուան, Վնտ., 1885: