| Ավանյան Արայիկ Արտուշի | |
| Аванян Араик Артушович | |
| |
| Անգլերեն: | Avanyan Ara |
| Հայերեն: | Ավանյան Արայիկ Արտուշի |
| Ծննդյան տարեթիվը: | 13.08.1967 |
| Ծննդավայրը: | Լիճք, Հայաստանի Հանրապետություն |
| Համառոտ տվյալներ: Երգիչ (տենոր): | |
Բովանդակություն
Կենսագրություն
Ծնվել է 1967թ. օգոստոսի 13-ին Հայաստանի Խորհրդային Հանրապետության Գեղարքունիքի մարզի Լիճք գյուղում:
Կրթություն
- Դպրոցին զուգահեռ սովորել և ավարտել է Մարտունու երաժշտական դպրոցի ակորդեոնի դասարանը (թռիչքով, 5 տարվա փոխարեն 3 տարի):
- 1982թ. շարունակել է ուսումը Րաֆֆու անվան դպրոցում:
- 1989թ. ավարտել է Երևանի Ռ. Մելիքյանի անվան երաժշտական ուսումնարանի ժողգործիքների բաժինը:
- 1995թ. ավարտել է Կոմիտասի անվան կոնսերվատորիայի վոկալ բաժինը (ուսանել է երգի պրոֆեսոր Սերգեյ Դանիելյանի դասարանում, ընդունվել է քննությունների ավարտից հետո միանգամից երկրորդ նախապատրաստական դասարան հանձնաժողովի նախագահ Գոհար Գասպարյանի պատասխանատվությամբ):
Աշխատանքային գործունեություն
- 1987-1989թթ. ծառայել է խորհրդային բանակում:
- 1993-1997թթ. աշխատել է Երևանի օպերայի և բալետի թատրոնում:
- 1997թ.-ից՝ Ստրասբուրգի Ազգային օպերային թատրոնի մեներգիչ:
- 2005-2006թթ. Կոմիտասի անվան կոնսերվատորիայի ռեկտոր Սերգեյ Սարաջաևի հրավերով դասավանդել է կոնսերվատորիայում:
- 2006-2007թթ. աշխատել է Անգեր-Նանթես օպերայում:
- 2008-2010թթ. աշխատել է Մոնտե-Կառլոյի օպերայում:
Դերերգեր
- Սարո (Ա. Տիգրանյանի «Անուշ»):
- Պողիտոս (Դոնիցետտիի «Պողիկտոս»):
- Կասիո (Վերդիի «Օթելլո»):
- Առլեկին (Պեպպե, Լեոնկավոլլայի «Պայացներ»):
Ձեռքբերումներ
- 1994թ.՝ «Բացառիկ կարգի մրցանակ» (Երևան):
- 1997թ.՝ Ֆ. Վինիասի անվան փառատոնի դափնեկիր (Բարսելոն):
- 1999թ.՝ Մարմանդ քաղաքի վոկալիստների ամենամյա մրցույթի մրցանակ (Ֆրանսիա):
- 1999թ.՝ «Բաբել» փառատոնի դափնեկիր (Ստրասբուրգ):
Այլ
- 1998թ.-ից Ստրասբուրգի մայր տաճարում, Մեծ Եղեռի տարելիցին բողոքի և ցասման համերգներ է տվել՝ կատարելով հայ հոգևոր և Կոմիտասի երգերը:
- 2012-ին հանդես է եկել Ֆրանսիական հայտնի փառատոնում` «Opera en plain air» (Օպերա բաց երկնքի տակ)` կատարելով Ռադամեսի դրամատիկ դերը Վերդիի «Աիդա» օպերայում: Բեմադրող ռեժիսորը Ellie Chouragu-ին է եղել, ով հետաքրքիր զուգադիպությամբ իր առաջին ֆիլմը նկարահանել է Շարլ Ազնավուրի մասնակցությամբ, և առաջին օպերային բեմադրությունը իր մասնակցությամբ: Այս դերով Ա. Ավանյանը հանդես է եկել Ֆրանսիայի ամենահայտնի թագավորական ամրոցներում, այդ թվում` Կարկասոնում, որտեղ ելույթ են ունեցել Մայքլ Ջեքսոնը, Լուչիանո Պավարոտին, Միշել Լեգրանը և շատ ուրիշներ:
Նկարներ
Տեսանյութեր
Հրապարակումներ մամուլում
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- ԵՊՀ Հայագիտական հետազոտությունների ինստիտուտ:
- Լիճք-Գեղարքունիք: