| Հակոբյան Հրանտ Խաչատուրի | |
| Акопян Грант Хачатурович | |
| |
| Անգլերեն: | Hakobyan Hrach |
| Հայերեն: | Հակոբյան Հրանտ Խաչատուրի |
| Ծննդյան տարեթիվը: | 17.12.1927 |
| Ծննդավայրը: | Սարուխան, Հայաստանի Հանրապետություն |
| Մահվան տարեթիվը: | 23.11.2011 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Փիլիսոփա: | |
Բովանդակություն
Կենսագրություն
Ծնվել է 1927թ. դեկտեմբերի 17-ին Հայաստանի Հանրապետության Գեղարքունիքի մարզի Սարուխան գյուղում:
Մահացել է 2011թ. նոյեմբերի 23-ին Հայաստանի Հանրապետության մայրաքաղաք Երևանում:
Կրթություն
- 1946-1948թթ. սովորել և ավարտել է Կամոյի (այժմ` Գավառի) մանկավարժական տեխնիկումը:
- 1950թ. ավարտել է ՀՊՄԻ պատմության ֆակուլտետի հեռակա բաժինը:
- 1955թ.՝ ԵՊՀ բանասիրության ֆակուլտետի հեռակա բաժինը:
Աշխատանքային գործունեություն
- 1950-1954թթ.՝ որպես ուսուցիչ աշխատել է Բասար-գեչարի շրջանի (այժմ` Վարդենիսի), ապա Կամոյի շրջանի Կարմիրգյուղի, Բատիկյանի (այժմ` Գանձակ գյուղի) դպրոցներում, այնուհետև նշանակվել Գեղարքունիք գյուղի դպրոցի ուսմասվար:
- 1944-1946թթ. աշխատել է գյուղի կոլտնտեսությունում:
- 1956թ.՝ Սարուխանի միջնակարգ դպրոցի տնօրեն:
- 1962թ.՝ Կամոյի կուսշրջկոմի ագիտացիայի ու պրոպագանդայի բաժնի վարիչ:
- 1964-1985թթ.՝ ԵՊԻ դասախոս:
- 1985-2003թթ.՝ ԵՊՀ ամբիոնի վարիչ:
- 1993թ.-ից՝ Գավառի պետական համալսարանի հիմնադիր-ռեկտոր:
- 2006թ.-ից՝ ԳՊՀ խորհրդի նախագահ:
Ձեռքբերումներ
- 1989թ.՝ փիլիսոփայական գիտությունների դոկտոր:
- 1989թ.՝ պրոֆեսոր:
- ՀՀ վաստակավոր մանկավարժ:
- 1987թ.՝ «ԽՍՀՄ աշխատանքի վետերան» մեդալ:
- ՀՀ Կրթության և գիտության նախարարության ոսկե մեդալ:
- Երևանի պետական համալսարանի ոսկե մեդալ:
- Մեծ մարդասեր Ֆրիտյոֆ Նանսենի անվան ոսկե մեդալ:
- 2008թ.՝ Քեմբրիջի միջազգային կենսագրությունների կենտրոնի հուշամեդալ:
- 2010թ. ՀՀ Նախագահի հրամանագրով ստացել է Հայաստանի Հանրապետության վաստակավոր մանկավարժի կոչում:
- Քեմբրիջի միջազգային կենսագրությունների կենտրոնի կողմից ճանաչվել է «XXI դարի նշանավոր մտավորականներից» մեկը:
Այլ
- Աշխատությունները վերաբերում են Րաֆֆու փիլիսոփայական հայացքների վերլուծությանը:
- Նրա նախաձեռնությամբ և ակտիվ մասնակցությամբ ԵՊՀ գիտական խորհուրդը վերանայում է ուսումնական պլանները և Մայր բուհում սկսում են դասավանդել ոչ թե աթեիզմի տեսություն, այլ «Կրոնների պատմություն և տեսություն» առարկան, ինչն այդ ժամանակի համար բացառիկ խիզախ քայլ էր: Այդ նորարարությունն իր տարածումն է գտնում նաև մյուս բարձրագույն ուսումնական հաստատություններում:
- Հրանտ Հակոբյանը գործուն մասնակցություն է ունենում ԵՊՀ աստվածաբանության ֆակուլտետի բացմանը և ֆակուլտետում շուրջ մեկ տասնամյակ ղեկավարել է Կրոնագիտության ամբիոնը:
- Հրանտ Հակոբյանը Գավառի պատվավոր քաղաքացի է: Հեղինակ է մեկ տասնյակ մենագրությունների ու գրքերի, ավելի քան 100 գիտական ու հրապարակախոսական հոդվածների:
Նկարներ
Տեսանյութեր
Հրապարակումներ մամուլում
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
- ՀՐԱՆՏ ԽԱՉԱՏՈՒՐԻ ՀԱԿՈԲՅԱՆ: