| Ասար Սեբաստացի | |
| Асар Себастаци | |
| |
| Անգլերեն: | Asar Sebastatsi |
| Հայերեն: | Ասար Սեբաստացի |
| Համառոտ տվյալներ: XVII դարի գիտնական, բժիշկ: | |
Բովանդակություն
Կենսագրություն
Աշխատանքային գործունեություն
- Գրել է «Գիրք բժշկական արհեստի» բժշկարանը՝ հինգլեզվյան բժշկական բառարանի հավելվածով (1614, Մատենադարան, ձեռ. N 413):
- 1625թ. խմբագրել է XII դարի ասորի բժիշկ Աբու Սաիդի «Յաղագս կազմութեան մարդոյ» երկը (հրտ.՝ 1974, հայ., ռուս.):
- Կազմել է տոմարական աղյուսակներ (լուսնացույց, ամսացույց):
- Հայտնի է նաև որպես տաղասաց:
Այլ
- Սեբաստիայի հայ բժշկական դպրոցի ներկայացուցիչ է:
- «Գիրք բժշկական արհեստի»-ն ընդրկում է 140 գլուխ: Այն օտարազգի և հայ (Մխիթար Հերացի, Ամիրդովլաթ Ամասիացի և ուր.) բժիշկների կորած աշխատությունների պատառիկների խմբագրությունն է:
- Նրա խմբագրած «Յաղագս կազմութեան մարդոյ» երկը ընդգրկել է աչքի կազմության մասին Մխիթար Հերացու ակնաբուժության վերաբերյալ աշխատությունից (այժմ կորած) մի հատված:
- Ենթադրվում է, որ Ասար Սեբաստացուն է պատկանում նաև «Դուռն որ ցուցանէ զպատճառներն» խորագրով անանուն բժշկական բնագիրը:
Մատենագիտություն
- Ասար Սեբաստացի, Գիրք բժշկական արհեստի (քննական բնագիր, աշխատասիր.՝ Դ.Մ. Կարապետյանի), Ե., 1993:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Կարապետյան Դ.Մ., Բժիշկ Ասար Սեբաստացի, «Բնագիտության և տեխնիկայի պատմությունից. Գիտական աշխատությունների ժողովածու», № 8, 1973, 242-265 էջ: