| Անասյան Հենրիկ Հակոբի | |
| Анасян Генрих Акобович | |
| |
| Անգլերեն: | Anasyan Henrik |
| Հայերեն: | Անասյան Հենրիկ Հակոբի |
| Ծննդյան տարեթիվը: | 10.04.1937 |
| Ծննդավայրը: | Երևան, Հայաստանի Հանրապետություն |
| Համառոտ տվյալներ: Դիրիժոր, կոմպոզիտոր, գրող, հասարակական գործիչ: | |
Բովանդակություն
Կենսագրություն
Ծնվել է 1937թ. ապրիլի 10-ին Հայաստանի Խորհրդային Հանրապետության մայրաքաղաք Երևանում:
Կրթություն
- 1966թ. ավարտել է Երևանի կոնսերվատորիան:
Աշխատանքային գործունեություն
- 1962-1978թթ. աշխատել է ՀԽՍՀ հեռուստառադիոյի երաժշտական բաժնում:
- 1966-1967թթ.՝ Հայաստանի սիմֆոնիկ նվագախմբի դիրիժոր:
- 1974-1977թթ.՝ Հայաստանի երգի-պարի անսամբլի դիրիժոր:
- 1978թ. ստեղծել է «Սիփան» երգչախումբը:
- Եղել է «Սարդարապատ» երգի-պարի անսամբլի գեղարվեստական ղեկավարը:
Այլ
- Հակոբ Անանյանի որդին է, Արմեն Անասյանի հայրը:
- 1978թ.-ից բնակվում է Լոս Անջելեսում:
- Նրա հիմնադրած «Սիփան» երգչախումբը ունեցել է ելույթներ Երևանում (1990, 1991, 1997):
- Ստեղծել է «Սրբազան համերգ» շարքը՝ նվիրված մեծ եղեռնի զոհերի հիշատակին, գրել «Հայրենիք և սեր», «Սայաթ-Նովա» սյուիտները, «Ճանապարհ» սիմֆոնիկ պոեմը, կոնցերտ՝ դուդուկի և նվագախմբի համար, խմբերգեր, երգեր («Սիրում եմ», «Երազ աղջիկ» և այլն):
- Հեղինակ է երաժշտական գործերի («Իմ հայրենիք», «Կռունկ, բարով դառնաս», 1997), գրական, երաժշտագիտական, հրապարակախոսական հոդվածների ժողովածուների:
Նկարներ
Արա Գևորգյանի և Ռուզաննա Սիրունյանի հետ
Հրապարակումներ մամուլում
- Հարցազրույց Հենրիկ Անասյանի հետ, Humor.am:
- Հենրիկ Անասյան. «Հայաստանը բնօրրան է, իսկ սփյուռքը` ապրելավայրը», Առավոտ – Լուրեր Հայաստանից:
- Ամերիկահայ կոմպոզիտոր Հենրիկ Անասյանը ստեղծագործելու համար Հայաստանի հողից է ուժ ստանում, Արմենպրեսս:
- Հենրիկ Անասյան. «Արվեստագետը չպետք է տուրք տա ժողովրդի ճաշակին», Այսօր:
Մատենագիտություն
- Անասյան Հ.Հ., Լուռ ցավեր (հոդվածների ժողովածու), 1990:
- Անասյան Հ.Հ., Ա՜յս եմ ես... (հոդվածների ժողովածու), 1993-2004:
- Անասյան Հ.Հ., Հայրենիք և սեր (մեներգերի ընտրանի), Ե., 2004:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Հենրիկ Անասյան, AV Production: