| Աբրահամ Գ Կրետացի | |
| Авраам III Кретаци | |
| |
| Անգլերեն: | Abraham III |
| Հայերեն: | Աբրահամ Գ Կրետացի |
| Ծննդավայրը: | Կանդիա, Կրետե |
| Մահվան տարեթիվը: | 18.04.1737 |
| Մահվան վայրը: | Վաղարշապատ, Հայաստան |
| Համառոտ տվյալներ: Ամենայն հայոց կաթողիկոս, պատմագիր: | |
Բովանդակություն
Կենսագրություն
Ծնվել է Կրետե կղզու Կանդիա քաղաքում:
Մահացել է 1737թ. ապրիլի 18-ին Հայաստանի Վաղարշապատ քաղաքում:
Աշխատանքային գործունեություն
- 1709-1734թթ. եղել է Թեքիրդաղի (Ռոդոսթո) թեմի առաջնորդ (Թրակիա):
- 1734թ.-ից՝ Ամենայն հայոց կաթողիկոս:
Այլ
- Հաջորդել է Աբրահամ Բ Խոշաբեցուն:
- Սերտ հարաբերություններ է հաստատել Նադիր ղուլի խանի (1736թ.-ից՝ Նադիր շահ) հետ, նրա օգնությամբ վերականգնել է Էջմիածնի կաթողիկոսական աթոռի կալվածատիրական իրավունքները, գերությունից և աքսորից փրկել բազմաթիվ հայերի: Աբրահամ Գ-ի միջնորդությամբ Նադիր շահը թույլատրել է Մելիք Հակոբջանյանին Երևանում հիմնել դրամատուն և հատել արծաթե և պղնձե դրամներ:
- Նրա «Պատմագրութիւն անցիցն իւրոց և Նատր-Շահին պարսից» աշխատությունում (բաղկացած է 53 գլխից) նկարագրված են իր կաթողիոկոսության ժամանակի և Նադիր շահի իշխանության առաջին տարիների իրադարձությունները:
- Հայտնի են Աբրահամ Գ-ի մի քանի կոնդակները:
- Կաթողիկոսական գահին նրան հաջորդել է Ղազար Ա Ջահկեցին:
- Աճյունն ամփոփված է Ս. Շողակաթ վանքում:
Մատենագիտություն
- Աբրահամ Գ, Պատմագրութիւն անցիցն իւրոց և Նատր-Շահին պարսից, Կալկաթա, 1796 (ֆրանսերեն՝ 1876, ռուսերեն՝ 1973):
- Աբրահամ Գ, Պատմութիւն Անցից Տեառն Աբրահամու՝ Սրբազան Կաթուղիկոսին Հայոց Թաքիրդաղցւոյ, առ Նադրշահ Արքայիւն Պարսից, Կալկաթա, 1796:
- Աբրահամ Գ, Յիշատակարան:
- Աբրահամ Գ, Պատմութիւն Անի քաղաքին:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- «Քրիստոնյա Հայաստան» հանրագիտարան, գլխ. խմբ. Հովհ. Այվազյան, Հայկական հանրագիտարան հրատ., Երևան, 2002, էջ 10:
- Անասյան Հ., Հայկական մատենագիտություն,հ. 1, Ե., 1959:
- Աբրահամ Գ Կրետացի, ԵՊՀ Հայագիտական հետազոտությունների ինստիտուտի կայք:
- Աբրահամ Գ Կրետացի, Արա Նախշքարյան:
- Աբրահամ Գ Կրետացի, Քրիստոնյա Հայաստան, մաս 1:
- Աբրահամ Գ Կրետացի, Քրիստոնյա Հայաստան, մաս 2: