| Թամազյան Համլետ Սերգեյի | |
| Фамилия Имя Отчество | |
| |
| Այլ անուններ: | Ազգանուն Անուն Հայրանուն2 |
| Անգլերեն: | Surname Name |
| Հայերեն: | Թամազյան Համլետ Սերգեյի |
| Ծննդյան տարեթիվը: | 01.05.1947 |
| Ծննդավայրը: | Օձուն, Հայաստանի Հանրապետություն |
| Մահվան տարեթիվը: | 27.02.2011 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Վիրաբույժ: | |
Բովանդակություն
Կենսագրություն
Ծնվել է 1947թ. մայիսի 1-ին Խորհրդային Հայաստանի Թումանյանի շրջանի Ուզունլար (ներկայիս Օձուն) գյուղում:
Մահացել է 2011թ. փետրվարի 27-ին Հայաստանի Հանրապետության Երևան քաղաքում:
Կրթություն
- Ավարտել է Երևանի Գրիբոեդովի անվան դպրոցը:
- 1966-1972թթ.՝ Երևանի Պետական բժշկական ինստիտուտի բուժական ֆակուլտետ:
Աշխատանքային գործունեություն
- Ուսանողական տարիներին աշխատել է Երևանի II բուժմիավորումում որպես բուժակ:
- Աշխատել է Ալավերդիի Կենտրոնական շրջանային հիվանդանոցում որպես վիրաբույժ:
- 1973-1978թթ. գլխավորել է Ախթալայի շրջանային հիվանդանոցի վիրաբուժության բաժանմունքը` միաժամանակ 1977թ.-ից լինելով վիրաբուժության գծով շրջանի գլխավոր մասնագետ:
- 1978թ.՝ Ալժիրի Սուկ-Ախրասի քաղաքի հիվանդանոցի գլխավոր վիրաբույժ:
- 1983թ.՝ ԽՍՀՄ ԲԳԱ վիրաբուժության Համամիութենական գիտական կենտրոնի (ՎՀԳԿ) Երևանյան մասնաճյուղի վիրաբուժական բաժանմունքի վարիչ, առաջատար գիտաշխատող:
- 1992թ.՝ Միքայելյանի անվան վիրաբուժական ինստիտուտի տնօրեն:
- 1994թ.՝ ԱԱԻ վիրաբուժական նեղ մասնագիտությունների ամբիոնի վարիչ:
- 2001թ. «Միքայելյան վիրաբուժության ինստիտուտ» ՓԲԸ-ի ղեկավար:
- 2003թ.՝ ՀՀ ազգային ժողովի պատգամավոր:
Գիտական գործունեություն
- Հ.Ս.Թամազյանի գիտագործնական գործունեության մեջ յուրահատուկ տեղ էր զբաղեցնում լյարդի փոխպատվաստումը, շաքարային դիաբետով հիվանդների մոտ ենթաստամոքսային գեղձի կղզյակային բջիջների կուլտուրայի պատվաստումը, որը նպաստում էր վերքերի լավացմանը առաջնային ձգումով` ինսուլինի ներարկումների քանակի զգալի նվազեցման ֆոնի վրա:
- Թամազյանի մեծ թվով գիտական աշխատանքներ նվիրված են ստամոքսի և տասերկումատնյա աղիքի խոցային հիվանդության բուժման տարբեր տեսակետներին: Ունենալով գաստրոդուոդենալ (ստամոքս-տասերկումատնյաաղիքային) խոցերի վիրաբուժական բուժման, դրանց բարդությունների, ինչպես նաև վիրահատված ստամոքսի հիվանդությունների կրկնակի միջամտությունների մեծ փորձ, նա մշակել և զարգացրել է այդ հարցերում սկզբունքորեն նոր գիտական մոտեցումներ: Նրա կողմից առաջարկվել է ֆիբրոգաստրոդուոդենոսկոպիայի նոր մեթոդիկա, որի միջոցով կատարվում է ստամոքսի և տասերկումատնյա աղիքի հյուսվածքային արյունաշրջանառության հետազոտում միկրոցիրկուլյատոր հունի մակարդակով և հաշվարկվում հյուսվածքային արյունահոսքը արյունահոսության գագաթնակետին և 48 ժամ անց: Դա թույլ է տալիս որոշելու վիրաբուժական միջամտության ամենաբարենպաստ ժամկետները ստամոքս-տասերկումատնյաաղիքային արյունահոսությունների ժամանակ:
- Ուշադրության են արժանի նաև նրա աշխատանքները` հիմնված գիտական վերջին ձեռքբերումների վրա, որոնք պարզաբանում էին որովայնի խոռոչի վիրահատական միջամտություններից հետո առաջացող բարդությունների ժամանակ օրգանիզմի ներքին միջավայրում տեղի ունեցող կենսական կարևոր օրգանների և համակարգերի կողմից ախտաֆիզիոլոգիական, իմունաբանական և գործառնական (ֆունկցիոնալ) տեղաշարժերի կարևոր հարցերը: Մասնավորապես, պերիտոնիտների (որովայնամզի բորբոքում) ժամանակ ներծին (էնդոգեն) թունավորման խնդիրների ուսումնասիրումը, դրա առաջացման ախտածագումային հիմքերը, հնարավորություն տվեցին մշակել վտանգավոր հետվիրահատական հետևանքների զարգացման մեխանիզմների գնահատման նոր չափորոշիչներ և վերակառուցել դետոքսիկացիոն (ապաթունավորման) բուժման մեթոդները: Նոր մշակումները պաշտպանվում էին հեղինակային իրավունքներով:
Ձեռքբերումներ
- 1995թ.՝ բժշկական գիտությունների դոկտոր:
- 1997թ.՝ Վրաստանի ԲԳԱ ակադեմիկոս:
- 2002թ.՝ պրոֆեսոր:
- Բռնցքամարտի Հայաստանյան ֆեդերացիայի անդամ:
Այլ
- 1978թ. հոկտեմբերին ՀԽՍՀ ԱՆ ուղեգրով Հ.Ս. Թամազյանը մեկնում է Ալժիրի Ժողովրդական Դեմոկրատական հանրապետություն:
- 1983թ. ակադեմիկոս Ա.Լ. Միքայելյանի հրավերով Հ.Ս. Թամազյանը տեղափոխվում է աշխատելու ԽՍՀՄ Բժշկական գիտությունների Ակադեմիայի վիրաբուժության Համամիութենական գիտական կենտրոնի (ՎՀԳԿ) Երևանյան մասնաճյուղում:
- 2001թ. ինստիտուտը վերաձևավորվում է «Միքայելյան վիրաբուժության ինստիտուտ» ՓԲԸ-ի, որի ղեկավարն է դառնում Հ.Ս. Թամազյանը: Հետագա տարիներին Համլետ Սերգեևիչը և նրա աշակերտները ակտիվորեն մասնակցում են վիրաբուժական միջազգային գիտաժողովների, համագումարների և գիտական համախորհրդակցությունների (սիմպոզիում) աշխատանքներին: Ինստիտուտը նոր կապեր է հաստատում և համագործակցում առաջատար կլինիկաների հետ` ՌԲԳԱ վիրաբուժության ազգային կենտրոնի հետ Մոսկվայում, Բժշկական կենտրոններ «Վեստչեստեր» Նյու-Յորքում, «Բոժոն» Փարիզում, «Շարիտե» Բեռլինում, ակադեմիկոս Էրիսթավու անվան կլինիկական և փորձարարական վիրաբուժության ինստիտուտի հետ Թբիլիսիում և այլն:
- Համլետ Սերգեյի Թամազյանը 231 գիտական աշխատանքների հեղինակ է, այդ թվում 12 մենագրությունների: Նրա ղեկավարությամբ իրականցվել ու պաշտպանվել են 8 դոկտորական և 37 թեկնածուական ատենախոսություններ:
Նկարներ
նկարի նկարագրության տեքստ
Տեսանյութեր
Հրապարակումներ մամուլում
Մատենագիտություն
Տե՛ս նաև
- Ով ով է.հայեր (կենսագրական հանրագիտարան:Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
- Հեղինակի Ազգանուն Ա. Հ.,Գրքի վերնագիր, Երևան, ԵՊՀ հրատ., 2005:
- Հեղինակի Ազգանուն Ա. Հ.,Հոդվածի վերնագիր, Պատմաբանասիրական հանդես, Երևան, 2005, թիվ 2, էջ 41-45: