| Հակոբյան Սարգիս Արշակի | |
| Акопян Саркис Аршакович | |
| |
| Անգլերեն: | Hakobyan Sargis |
| Հայերեն: | Հակոբյան Սարգիս Արշակի |
| Ծննդյան տարեթիվը: | 15(28).05.1915 |
| Ծննդավայրը: | Չովդառ, Ադրբեջան |
| Մահվան տարեթիվը: | 10.06.2005 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Ֆիզիոլոգ: | |
Բովանդակություն
Կենսագրություն
Ծնվել է 1915թ. մայիսի 15(28)-ին այժմ՝ Ադրբեջանի Դաշքեսանի շրջանի Չովդառ գյուղում:
Մահացել է 2005թ. հունիսի 10-ին Հայաստանի Հանրապետության մայրաքաղաք Երևանում:
Կրթություն
- Սովորել է Գանձակի գյուղատնտեսական տեխնիկումում:
- 1939թ. ավարտել է Բաքվի համալսարանը:
Աշխատանքային գործունեություն
- Որպես լաբորատորիայի վարիչ աշխատել է Բաքվի Արյան փոխներարկման ինստիտուտում:
- Աշխատել է Բաքվի համալսարանի ֆիզիոլոգիայի, բժշկական ինստիտուտի կենսաքիմիայի ամբիոններում:
- ԵՊՀ-ում նա ղեկավարել է Մարդու և կենդանիների ֆիզիոլոգիայի ամբիոնը:
- Աշխատել է նաև Պրահայի և Տիրանայի համալսարաններում, հիմնադրել Տիրանայի համալսարանի և Բժշկական ինստիտուտի ֆիզիոլոգիայի ամբիոնները:
- 1949-1954թթ.՝ Երևանի արյունաբանության և արյան փոխներարկման ինստիտուտի լաբորատորիայի վարիչ:
- 1949-1973թթ.՝ ԵՊՀ մարդու և կենդանիների ֆիզիոլոգիայի ամբիոնի վարիչ:
- 1973-1998թթ.՝ գիտական խորհրդատու:
Ձեռքբերումներ
- 1955թ.՝ կենսաբանական գիտությունների դոկտոր:
- 1956թ.՝ պրոֆեսոր:
- 1962թ.՝ ՀՀ գիտության վաստակավոր գործիչ:
Այլ
- Հակոբյանը Բաքվից Երևան է տեղափոխվել 1949թ-ին:
- Աշխատանքները վերաբերում են արյունաբանության և արյան փոխներարկման հարցերին:
- Զբաղվել է միջավայրի ծայրահեղ գործոնների (իոնացնող ճառագայթում, թթվածնաքաղց, թրթռում, աղմուկ) ազդեցության պայմաններում սիրտանոթային, շնչառության, մարսողության, արտաթորության համակարգերի գործունեության և կենսառիթմերի ուսումնասիրմամբ:
- Նա բացահայտել է ՀՀ որոշ հանքային ջրերի բուժիչ ներգործությունը օրգանիզմի վրա:
- Գործուղվել է Մոսկվայի ուղեղի ինստիտուտ, որտեղ նշանավոր ուղեղագետ, պրոֆեսոր Սարգիսովի ղեկավարությամբ կատարել է գիտական հետազոտություններ: Հակոբյանի գիտական աշխատանքները, սակայն, ընդհատվել են Երկրորդ համաշխարհային պատերազմի ժամանակ: Նա մեկնել է ռազմաճակատ, վիրավորվել և մարտական շքանշաններով ու մեդալներով պարգևատրված՝ վերադարձել Բաքու:
- Վիտամին «8»-ի հեղինակը Սարգիս Հակոբյանն է: Այդ գյուտի շնորհիվ է, որ կանխվել է Հայաստանի երկաթ պարունակող հանքային ջրերում առաջացած նստվածքը՝ բարձրացնելով հանքային ջրերի բուժիչ ներգործությունը:
Տե՛ս նաև
- Ով ով է.հայեր(կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
- ՆԱ ԱՄԲՈՂՋՈՎԻՆ ՆՎԻՐՎԵԼ ԷՐ ԳԻՏՈՒԹՅԱՆԸ ԵՒ ՄԱՅՐ ԲՈՒՀԻՆ: