Գևորգ Բ Գառնեցի

Գևորգ Բ Գառնեցի
Геворг Б Гарнеци
Անգլերեն:	Gevorg II
Հայերեն:	Գևորգ Բ Գառնեցի
Մահվան տարեթիվը:	897
Մահվան վայրը:	Վասպուրական, Մեծ Հայք
Համառոտ տվյալներ: Ամենայն հայոց կաթողիկոս:

Բովանդակություն

Կենսագրություն

Մահացել է 897թ. Մեծ Հայքի Վասպուրական նահանգում:

Աշխատանքային գործունեություն

• 877թ.-ից՝ Ամենայն հայոց կաթողիկոս:

Այլ

• Հաջորդել է Զաքարիա Ա Ձագեցուն:
• Գևորգ Գառնեցին եղել է ժամանակի ամենանշանավոր հոգևորականներից: Հովհաննես Դրասխանակերտցին նրան ներկայացնում է որպես կաթողիկոսական տան պատվական այր:
• Գևորգ Բ Գառնեցու կաթողկոսության առաջին կեսը՝ 877–885 թվականները, անցել է խաղաղ և հանդարտ: Կարգավորել է Արծրունյաց Գրիգոր–Դերենիկ իշխանի և Տարոնի Աշոտ Կյուրոպաղատի հարաբերությունները։ Այս շրջանում քաղկեդոնականության հետ կապված անհամաձայնության խնդիրներ են ծագում Գևորգ Բ Գառնեցու և Մաշտոց վարդապետի միջև, որն ավարտվում է կաթողիկոսի կողմից սպառնացող նզովքով: Գևորգ Բ Գառնեցին, սատարելով Աշոտ Բագրատունուն, մի քանի նախարարների նախաձեռնությամբ Արաբական խալիֆայության առջև բարձրացրել է հայկական պետականության վերականգման հարցը:
• 885թ. Աշոտ Բագրատունուն օծել է Հայոց թագավոր (Աշոտ Ա): Օրհնել է նաև Բյուզանդիայի կայսր Բարսեղ l–ի ուղարկած թագը:
• Աշոտ l–ի մահվան նախօրյակին, նրա իսկ հանձնարարությամբ, Գևորգ Բ Գառնեցուն են հանձնվում արծաթ և ոսկի՝ տնանկներին և աղքատներին բաժանելու համար:
• 890 թվականին թագավոր է օծել Աշոտի որդուն՝ Սմբատ Ա Բագրատունուն:
• 894 թվականին Դվինում տեղի է ունենում ավերիչ երկրաշարժ, և հայրապետանոցը ժամանակավորապես տեղափոխվել է Զվարթնոց: Նույն թվականին Դողսի ճակատամարտի նախօրյակին՝ Ատրպատականի ամիրա Աֆշինը ձերբակալել է հաշտության առաջարկով իր մոտ եկած Գևորգ Բ Գառնեցուն։ Երկու ամիս Փայտակարանում մնալուց հետո Աղվանից իշխան Համամի միջնորդությամբ ազատվել է՝ փրկագին վճարելով:
• Գևորգ Բ Գառնեցին պահպանել է Հայաստանի ներքին խաղաղությունը՝ վերջ տալով խառնակություններին։ Նա կարգավորել է Վասպուրականի Արծրունիների ու Տարոնի Բագրատունիների գժտությունները, ինչպես նաև Սմբատ Ա Բագրատունու և նրա հորեղբայր Աբասի միջև վեճերը:
• Նրան հաջորդել է Մաշտոց Ա Եղիվարդցին:
• Աճյունն ամփոփված է Ձորավանքում, Կոխպամք գյուղի մոտ:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005: