| Հակոբ Սանահնեցի | |
| Акоп Санахнеци | |
| |
| Այլ անուններ: | Հակոբոս Քարափնեցի |
| Անգլերեն: | Hakob Sanahneci |
| Հայերեն: | Հակոբ Սանահնեցի |
| Մահվան տարեթիվը: | 1085 |
| Մահվան վայրը: | Ուռհե, Եդեսիա |
| Համառոտ տվյալներ: Ժամանակագիր, դավանաբան: | |
Բովանդակություն
Կենսագրություն
Մահացել է 1085թ. Եդեսիայի Ուռհե քաղաքում:
Կրթություն
- Աշակերտել է Սանահինի վանահայր, ապա՝ Պետրոս Ա Գետադարձի հակաթոռ կաթողիկոս (1037-1038թթ.) Դիոսկորոսին:
Այլ
- Մատթեոս Ուռհայեցին նրան անվանել է «սուրբ գրոց քաջագիտակ», որ «յուրացրել էր Աստծո Հին ու Նոր կտակարանները, ուսանել և հմտացել հռետորական արվեստին, ծանոթացել փիլիսոփայական խորիմաստ բոլոր գիտություններին»:
- Եռանդուն մասնակցություն է ունեցել հայ-հունական եկեղեցական բանակցություններին և դավանաբանական վեճերին:
- 1065թ. Կոստանդնուպոլսում մասնակցել է հույն բարձրաստիճան կղերականների հետ դավանաբանական բանավեճին, բյուզանդական կայսր Կոստանդին Դուկասի ճնշմամբ կազմել և ստորագրել է հայ և հույն եկեղեցիների միության գիր, որը կայսրի ներկայությամբ պատռել է Հայոց նախկին արքա Գագիկ Բ Բագրատունին։
- Նրա «Ժամանակագրությունից» մեզ են հասել փոքր հատվածներ (Մատենադարան, ձեռագիր 9832, «Ի ժամանակագրութենէ Յակոբայ քահանայի»), որն օգտագործել է Մատթեոս Ուռհայեցին իր «ժամանակագրության» մեջ՝ 1085թ. նախորդող դեպքերի նկարագրության համար:
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005: