Ղուկասյան Էդիկ Իշխանի

Ղուկասյան Էդիկ Իշխանի
Հայերեն:	Ղուկասյան Էդիկ Իշխանի
Ծննդյան տարեթիվը:	24.04.1934
Ծննդավայրը:	գ. Մեծշեն, Արցախ
Մահվան տարեթիվը:	06.03.2018
Համառոտ տվյալներ: Վիրաբույժ-ուրոլոգ: Ղարաբաղյան շարժման մասնակից:

Կենսագրություն

Ծնվել է 1934թ. ապրիլի 24-ին Արցախի Մարտակերտի շրջանի Մեծշեն գյուղում:

Մահացել է 2018թ. մարտի 6-ին:

Կրթություն

• 1942-1952 թվականներին սովորել է Մեծ-Շենի միջնակարգ դպրոցում:
• 1958թ. ավարտել է Երևանի պետական բժշկական ինստիտուտը:
• Վիրաբուժության և ուրոլոգիայի գծով կատարելագործվել է Երևանում, Թբիլիսիում, Բաքվում, Մոսկվայում և Լենինգրադում:

Աշխատանքային գործունեություն

• 1958թ. աշխատանքի է ընդունվել Ստեփանակերտի մարզային հիվանդանոցում՝ իբրև վիրաբուժական բաժանմունքի օրդինատոր:
• 1960թ.-ից սկսած մոտ 5 տասնյակ դասավանդել է Ստեփանակերտի բժշկական ուսումնարանում:
• 1971թ. նշանակվել է Ստեփանակերտի մարզային հիվանդանոցի նորաստեղծ ուրոլոգիական բաժանմունքի վարիչ՝ շարունակելով աշխատանքը վիրաբուժական բաժանմունքում:
• 1976թ. նշանակվել և մինչև 2009թ. աշխատել է սկզբում մարզառբաժնի, այնուհետև ԼՂՀ առողջապահության նախարարության գլխավոր վիրաբույժի պաշտոնում՝ կատարելով նաև գլխավոր ուրոլոգի ֆունկցիաները:
• 1991-1995թթ.՝ ՀՀ ԳԽ պատգամավոր:
• 1993-1995թթ. ղեկավարել է Արցախի պետական համալսարանի բժշկության ամբիոնը:
• 1999-2005թթ. միաժամանակ վարել է հանրապետական հիվանդանոցի ընդհանուր վիրաբուժական (վիրաբուժական և ուրոլոգիական) բաժանմունքի վարիչի պաշտոնը՝ շարունակելով, համատեղության կարգով գլխավոր վիրաբույժի աշխատանքները:
• 2005 թվականից աշխատում էր Հանրապետական բժշկական կենտրոնում, որպես վիրաբույժ-ուրոլոգ:

Ձեռքբերումներ

• 1974թ.՝ բժշկական գիտությունների թեկնածու:
• Աշխատել է ԼՂԻՄ գլխավոր վիրաբույժ:
• Պարգևատրվել է ԽՍՀՄ «Առողջապահության գերազանցիկ» մեդալով:
• Պարգևատրվել է Պիրոգովի անվան մեդալով:
• Պարգևատրվել է ԼՂՀ «Վաչագան Բարեպաշտ» մեդալով:
• Պարգևատրվել է «Մայրական երախտագիտություն Արցախի քաջորդիներին» հուշամեդալով:
• Պարգևատրվել է «Գրիգոր Լուսավորիչ» շքանշանով:
• Պարգևատրվել է «Մեսրոպ Մաշտոց» շքանշանով:
• Պարգևատրվել է «Մարշալ Հ. Մ. Բաղրամյան» մեդալով:
• Պարգևատրվել է «Շուշիի ազատագրման համար» մեդալով:
• 2014թ.՝ պարգևատրվել է ՀՀ Պատվո շքանշանով:
• Արցախի Հանրապետության վաստակավոր բժիշկ:
• Ստեփանակերտի պատվավոր քաղաքացի:
• Հայկական ուրոլոգիական Ասոցացիայի անդամ:
• 2017 թվականից Ռուսաստանի Դաշնության Բժշկակատեխնիկական գիտությունների ակադեմիայի իսկական անդամ:

Այլ

• 1989թ. Հայոց Արցախյան «ՄԻԱՑՈՒՄ» ժողովրդական շարժում կազմակերպության հիմնադիրներից է և նրա բյուրոյի անդամը, այնուհետև նրա իրավահաջորդ տնօրենների խորհրդի անդամը:
• 1989թ. ԼՂԻՄ ազգաբնակչության լիազոր ներկայացուցիչների համագումարում ընտրվել է ազգային խորհրդի, ինչպես նաև նրա նախագահության անդամ՝ ստանձնելով առողջապահության և սոցիալական աշխատանքների բնագավառը և շարժման ակտիվ բանվորական խմբի համակարգողը:
• 1989թ. Ազգային խորհրդի և Պաշտպանության պետական կոմիտեի առաջարկությամբ մի խումբ ակտիվիստների հետ հիմնադրել է զոհվածների և հաշմանդամների, հետագայում նաև անհայտ կորածներիի ըտանիքների օգնության «Հիշատակ» բարեգործական հիմնադրամը, որի խորհրդի նախագահն էր հիմնադրման օրվանից:
• 1990–1994-ին ռազմաճակատներում, դաշտային շարժական հոսպիտալներում և քաղաքացիական բուժհիմնարկներում կազմակերպել և մասնակցել է վիրավոր ազատամարտիկների բուժօգնության աշխատանքներին:
• Պատերազմի տարիներին և զինադադարից հետո զբաղվել է բարեգործությամբ. կազմակերպել է ծնողազուրկ և հաշմանդամ երեխաների նյութական օգնության և խնամքի աշխատանքներ:
• Գիտական աշխատությունները վերաբերում են ընդհանուր վիրաբուժական և ուրոլոգիական հիվանդությունների ախտորոշման և բուժման մեթոդներին: Հեղինակել է ավելի քան 15 գիտական տպագիր հոդվածներ և հաստատված նորարական առաջարկություններ:

Նկարներ

• 
• 

Հրապարակումներ մամուլում

• Կյանքից հեռացել է Արցախի վաստակավոր բժիշկ Էդիկ Ղուկասյանը:

Տե՛ս նաև

• Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
• ՀՀ նախագահի հրամանագրերը:
• Parliament.am:
• Արցախի Հանրապետության առողջապահության նախարարություն: