Բովանդակություն

Կենսագրություն

	Մսերյան Մսեր Գրիգորի
	Мсерян Мсер Григорьевич
	Պատկերիկի ստեղծման սխալ. Նման նիշք չկա
Անգլերեն:	Mseryan Mser
Հայերեն:	Մսերյան Մսեր Գրիգորի
Ծննդյան տարեթիվը:	24.12.1808
Ծննդավայրը:	Զմյուռնիա, Թուրքիա
Մահվան տարեթիվը:	02.08.1873
Մահվան վայրը:	Մոսկվա, Ռուսաստան
	Համառոտ տվյալներ:; Մատենագիր, մշակութային գործիչ:

Ծնվել է 1808թ. դեկտեմբերի 24-ին (1809թ. հունվարի 5-ին) Թուրքիայի Զմյուռնիա քաղաքում:

Սովորել է Զմյուռնիայի Մեսրոպյան վարժարանում, աշակերտել Հովհաննես Վանանդեցուն։
1825թ. տեղափոխվել է Էջմիածին, ուսումը շարունակել Գևորգյան ճեմարանում (Խաչատուր Աբովյանի հետ)։

Էջմիածնում եղել է կաթողիկոսի ատենադպիրը։
1848թ. հրավիրվել է Մոսկվա, կրոնի պատմություն և հայոց լեզու դասավանդել Լազարյան ճեմարանում։
1858-1862թթ. որդու՝ Զարմայր Մսերյանի հետ հրատարակել է «Ճռաքաղ» պարբերականը, իսկ 1861-1864թթ.՝ «Համբավաբեր Ռուսիո» պարբերականը։

Զարմայր Մսերյանի հայրն է:
«Ճռաքաղ», «Համբավաբեր Ռուսիո» պարբերականներում Մսերյանը տպագրել է կրոնաաստվածաբանական բնույթի հոդվածներ («Թէոդորոսի միայնակեցի գովեստի սուրբ աստուածածին», «Քրիստոսի թուականն»), գրաբար բանաստեղծություններ ու պոեմներ («Պարոյր պսակեալ», «Օթևանք դիւցազանց հայոց»), պահպանողական դիրքերից քննել հայ ժողովրդի ապագան։ Գաղափարների համար նրան խիստ քննադատել են Նալբանդյանը և Ա․ Նազարյանը։

Նրա որոշ ուսումնասիրություններ («Միրզայան պեյ, պատմություն վարուց նորա») և նամակներ (Խաչատուր Աբովյանին, Հարություն Ալամդարյանին) ետմահու տպագրվել են կնոջ՝ Սոփիա Մսերյանի հրատարակած «Փարոս Հայաստանի» (1879-1881) հանդեսում։

«Խմբագիր չափածո բանից» (1864) ժողովածուում Մսերյանը խորը գրաբարով գովերգել է պատմական Հայաստանն ու Աստվածաշնչի զանազան դրվագներ։ Ուշագրավ է «Յիշատակարան կենաց և գործոց մեծանուն Պայագատաց Լազարետն տոհմի» (1856) մատենագիտական-պատմաբանական աշխատությունը, որը Լազարյանների տոհմածառի գործունեությունը պատմական քննության ենթարկելու առաջին փորձն է։ Մսերյանին որպես մատենագրի է ներկայացնում «Պատմութիւն կաթողիկոսաց Էջմիածնի ի Սիմէօնէ մինչ ցՅոհաննէս» (1876) գործը։ Կրոնադավանաբանական բնույթի են «Հաւատապատում, կամ այն է մանր ումունք քրիստոնեական հաւատոյ․․․» (1850) երկհատոր մենագրությունը, «Հրահանգ քրիստոնեական հաւատոյ» (1850) և «Մանր ուսմունք ազգային եկեղեցական պատմության․․․» (1874) դասագրքերը։

Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
Հեղինակի Ազգանուն Ա. Հ.,Գրքի վերնագիր, Երևան, ԵՊՀ հրատ., 2005:
Հեղինակի Ազգանուն Ա. Հ.,Հոդվածի վերնագիր, Պատմաբանասիրական հանդես, Երևան, 2005, թիվ 2, էջ 41-45:

Մսերյան Մսեր Գրիգորի
Мсерян Мсер Григорьевич
Պատկերիկի ստեղծման սխալ. Նման նիշք չկա
Անգլերեն:	Mseryan Mser
Հայերեն:	Մսերյան Մսեր Գրիգորի
Ծննդյան տարեթիվը:	24.12.1808
Ծննդավայրը:	Զմյուռնիա, Թուրքիա
Մահվան տարեթիվը:	02.08.1873
Մահվան վայրը:	Մոսկվա, Ռուսաստան
Համառոտ տվյալներ: Մատենագիր, մշակութային գործիչ: