Աշոտ Գ Ողորմած

Աշոտ Գ Ողորմած
Ашот III Вогормац
Անգլերեն:	Ashot III
Հայերեն:	Աշոտ Գ Ողորմած
Մահվան տարեթիվը:	977
Համառոտ տվյալներ: Հայոց թագավոր:

Կենսագրություն

Մահացել է 977թ.:

Աշխատանքային գործունեություն

• 953թ.-ից՝ Հայոց թագավոր:
• Կատարելագործել է երկրի վարչական կառավարման համակարգը, ինչի շնորհիվ ձևավորվել է հայկական թագավորությունների դաշնակցային միություն՝ Աշոտ Գ-ի գերագահությամբ: Թագավորության հոգևոր կենտրոններն են դարձել նրա և կնոջ՝ Խոսրովանույշ թագուհու հովանավորությամբ կառուցված Սանահինի և Հաղպատի վանքերը:
• 958թ. որդուն՝ Սմբատ Բ-ին, կարգել է գահակից:
• 961թ. մայրաքաղաք է հռչակել Անին:
• Բյուգանդական կայսրությունը 967 թ. խարդախ միջոցներով զավթելով Տարոնի Բագրատունյաց իշխանությունը և այն դարձնելով առանձին բանակաթեմ՝ արդեն 970-ական թթ. սկսեց սպաոնալ հայոց թագավորությանը: Աշոտ Գ-ն հայկական 80 հազարանոց զորաբանակով Հարք գավառում ընդառաջ ելավ իր տիրույթներին սպառնացող բյուզանդական զորքերին, և կայսր Հովհաննես I Չմշկիկը 974 թ. խոհեմաբար խաղաղության և բարեկամության պայմանագիր ստորագրելով՝ հեռացավ Բագրատունյաց սահմաններից:

Այլ

• Հաջորդել է հորը՝ Աբաս Բագրատունուն:
• Նշանավորվել է շինարարական աշխատանքներով (հատկապես Անիի կառուցմամբ), ինչպես նաև զինված ուժերի հզորացմամբ:
• Աշոտ Գ-ի գահակալումը նշանավորվել է երկրի տնտեսական, քաղաքական, մշակութայի վերելքով:
• Իր գթասրտության և ժողովրդի նկատմամբ ցուցաբերած հոգատարության համար ստացել է «Ողորմած» պատվանունը:
• Թաղված է Հոռոմոսի վանքում:

Նկարներ

• 

  Աշոտ Ողորմածի արձանը Գյումրիում

• 

  Հաղպատի վանքը

• 

  Սանահինի և Հաղպատի վանական համալիրը

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Հայոց պատմություն: Հնագույն ժամանակներից մինչև մեր օրերը, Երևան, 2012, էջ 98-99:
• Աշոտ Գ Ողորման, ԵՊՀ Հայագիտական հետազոտությունների ինստիտուտի կայք:
• Աշոտ Գ Ողորմած, Հայկական հանրագիտարան:
• Աշոտ Գ Ողորմած, Արքայագիտարան: