Ախվերդյան Գևորգ Ախվերդիի

Ախվերդյան Գևորգ Ախվերդիի
Ахвердян Геворг Ахвердович
Անգլերեն:	Akhverdyan Gevorg
Հայերեն:	Ախվերդյան Գևորգ Ախվերդիի
Ծննդյան տարեթիվը:	05.06.1818
Ծննդավայրը:	Թիֆլիս, Վրաստան
Մահվան տարեթիվը:	17.11.1861
Մահվան վայրը:	Թիֆլիս, Վրաստան
Համառոտ տվյալներ: Բանասեր, բժիշկ, տնտեսագետ:

Կենսագրություն

Ծնվել է 1818թ. հունիսի 5-ին Վրաստանի Թիֆլիս քաղաքում:

Կրթություն

• 1834թ. ավարտել է Մոսկվայի Լազարյան ճեմարանը:
• 1839թ. ավարտել է Մոսկվայի համալսարանի բժշկության բաժինը:

Աշխատանքային գործունեություն

• Ղեկավարել է Կովկասյան շրջանի դասագրքեր հաստատող կոմիտեի հայոց լեզվի բաժինը:
• Մասնակցել է Կովկասյան երկրամասի ոսկու արդյունահանման նախագծի մշակմանը:

Այլ

• Հանդես է եկել նաև համքարային կազմակերպությունների պաշտպանությամբ, գրել ուսումնասիրություն Թիֆլիսի համքարությունների մասին:
• Հայտնաբերել է Սայաթ-Նովայի «Դավթարը» (հայատառ 114 ադրբ., վրացատառ 46 հայ. և մի քանի վրաց. երգեր):
• Վերծանել է հայկական երգերը, դրանց գրառման համար մշակել հնչյունային տառադարձման հատուկ համակարգ:
• «Գուսանք» գրքի հ. 1-ը նվիրված է Սայաթ-Նովային, որին կցել է առանձին ուսումնասիրություն Թիֆլիսի բարբառի մասին:
• Գ. Ախվերդյանի հավաքած հայ աշուղական երգերի հաջորդ հատորը («Գուսանք», հ. 2) հրատարակել է նրա դուստր Մանե Ախվերդյանը 1903թ., Թիֆլիսում:
• Տպագրության է պատրաստել նաև Պետրոս դի Սարգիս Գիլանենցի օրագրերը` Ջուղայի բարբառի ուսումնասիրությամբ:
• Ախվերդյանի «Նյութեր Վրաստանի պատմության համար` հայկական աղբյուրների հաղորդած տեղեկություններով» աշխատությունը (անտիպ) պահպանվում է ԳԱԹ-ում:

Մատենագիտություն

• Ախվերդյան Գ.Ա., Պետրոս դի Սարգիս Գիլանենցի օրագրերը, Ջուղայի բարբառի ուսումնասիրություն:
• Ախվերդյան Գ.Ա., Նյութեր Վրաստանի պատմության համար՝ հայկական աղբյուրների հաղորդած տեղեկություններով:
• Ախվերդյան Գ.Ա., Գուսանք», հ. 1, Մոսկվա, 1852:
• Ախվերդյան Գ.Ա., Գուսանք», հ. 2, Թիֆլիս, 1903:

Տե՛ս նաև

• Ով ով է.հայեր(կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1,Աբալյան-Ղուշչյան, 2005:
• Էնֆիաճյանց Հ., Գեորգ Ախվերդյան. «Կռունկ Հայոց աշխարհին», Թիֆլիս, 1861, № 11:
• Լևոնյան Գ., Գևորգ Ախվերդյան. Կյանքը և գործերը. «Անահիտ», Փարիզ, 1929, № 2:
• Ավետիսյան Ա., Գևորգ Ախվերդյան, Երևան, 1963:
• AV Production - Գևորգ Ախվերդյան: