Ալյանաք Հրանդ Հովսեփի

Ալյանաք Հրանդ Հովսեփի
Алянак Грант Овсепович
Անգլերեն:	Alyanak Hrant
Հայերեն:	Ալյանաք Հրանդ Հովսեփի
Ծննդյան տարեթիվը:	1880
Ծննդավայրը:	Կոստանդնուպոլիս, Թուրքիա
Մահվան տարեթիվը:	1938
Մահվան վայրը:	Փարիզ, Ֆրանսիա
Համառոտ տվյալներ: Նկարիչ, արվեստաբան:

Կենսագրություն

Ծնվել է 1880թ. Թուրքիայի Կոստանդնուպոլիս քաղաքում:

Կրթություն

• Նախնական կրթությունը ստացել է Կոստանդնուպոլսի հայկական դպրոցում:
• Սովորել է Կոստանդնուպոլսի գեղարվեստական վարժարանում:

Աշխատանքային գործունեություն

• Ալյանաքի ստեղծագործությունները բազմաժանր են՝ բնանկար, դիմանկար, կենցաղային ժանրեր:

Աշխատանքներ

• «Կես գիշեր»:
• «Լճակի վրա»:
• «Ցոլքեր»:
• «Գարնանային ժպիտ»:
• «Փախսատականները Հայաստանից»:
• «Մայրամուտը Պոլսի նավահանգստում»:
• «Պոլսի ձկնորսների ապաստարանը»:
• «Ձկնորսների դիտանոցները Պոլսի մեջ»:

Ձեռքբերումներ

• 1925թ.՝ ֆրանսիական կառավարության «Palmas Academique» արծաթե մեդալ:
• 1927թ.՝ ֆրանսիական կառավարության «Palmas Academique» ոսկե մեդալ:
• «Հանրային կրթության սպա» տիտղոս:
• «Անկախ նկարիչների միության» անդամ, Փարիզ:

Այլ

• 1896թ.-ից ապրել է Բուլղարիայում, Թիֆլիսում, Բաքվում, 1905թ.-ից՝ Փարիզում:
• Ալյանաքի բարձրագույն կրթության մասին որևէ տեղեկություն հայտնի չէ: Ավելի շատ զբաղվել է ինքնակրթությամբ:
• Մասնակցել է «Անկախների սալոնի», Հայ ազատ արվեստագետների միության ցուցահանդեսներին:
• Արվեստաբանական հոդվածների հեղինակ է:
• Նա ռեալիստական դպրոցի հետևորդ է և կապված է 19-րդ դարի եվրոպական, ռուսական ու հայկական ընդհանուր հոսանքին: Ոճով նման է ավելի շատ հայկական արվեստին՝ Հ.Շամշինյանի, Գ.Գաբրիելյանի, Խ. Տեր-Մինասյանի, Վ.Սուրենյանի կենցաղային ժանրի ստեղծագործություններին:
• Մեծ ազդեցություն են թողել իր կյանքի անցյալի հիշողությունները։ Նա տրամադրությամբ ղեկավարվող նկարիչ էր: Նրա բնանկարները ներկայացնում են Պոլսի և Փարիզի շրջակայքի բնության տեսարանները:
• Գաղթականներին նվիրված մի ամբողջ շարք է նվիրել՝ «Գաղթականներ» անունով, ինչպես նաև «Փախստականները Հայաստանից» կտավը:
• Մամուլում հանդես է եկել հրապարակումներով: Օգտագործել է Ա., Հ. Ալ., Հր. Ալ., Հր. Ալյանաք, Հ., Հ. Ա., Հր., Հր. Ա., Հրանտ, Հրանտ-Վահե, Հրասպետ, Տ. ծածկանունները:

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Եղիշե Մարտիկյան, Հայկական կերպարվեստի Պատմություն Դ, Երևան, 1987:
• La France et l'Arménie à travers l'art et l'histoire / auteur(s) : Frédéric MACLER - esquisse par Frédéric Macler. Année :1917
• Jump up ^ Kurkman, Garo (2004). Armenian painters in the Ottoman empire 1600-1923. İstanbul: Matüsalem Publications.
• Jump up ^ Stepanian, Karnig (1973). Կենսագրական բառարան. Biographical Dictionariy. (in Armenian). Yerevan: Soviet Writers. p. 54.
• ԵՊՀ Հայագիտական հետազոտությունների ինստիտուտ. Ալյանաք Հրանդ: