Հովսեփյան Դավիթ Արամայիսի
Hayazg-ից
17:01, 23 Հունվարի 2015 տարբերակ, AniZakaryan (քննարկում | ներդրում)
| Հովսեփյան Դավիթ Արամայիսի | |
| Овсепян Давид Арамаисович | |
| |
| Անգլերեն: | Hovsepyan Davit |
| Հայերեն: | Հովսեփյան Դավիթ Արամայիսի |
| Ծննդյան տարեթիվը: | 01.07.1971 |
| Ծննդավայրը: | Երևան, Հայաստանի Հանրապետություն |
| Մահվան տարեթիվը: | 30.07.1989 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Բանաստեղծ: | |
Բովանդակություն
Կենսագրություն
Ծնվել է 1971թ. հուլիսի 1-ին Հայաստանի Հանրապետության մայրաքաղաք Երևանում:
Մահացել է 1989թ. հուլիսի 30-ին Հայաստանի Հանրապետության մայրաքաղաք Երևանում:
Կրթություն
- Սովորել է Երևանի Մանուկ Աբեղյանի անվան մաթեմատիկական թեքումով թիվ 3 դպրոցում` մինչև 8-րդ դասարան:
- 1987թ. ավարտել է Երևանի Խրիմյան Հայրիկի անվան հայագիտական թեքումով միջնակարգ դպրոցը։
Աշխատանքային գործունեություն
- 1988թ. ստեղծել է «Զորավար Անդրանիկ» ընկերությունը, դարձել նրա նախագահը:
Ձեռքբերումներ
- ՌԴ Սուրբ Գեորգիի 1-ին աստիճանի «Ոսկե խաչ» շքանշան:
- «Մայրական երախտագիտություն Արցախի քաջորդիներին» հուշամեդալ:
- «Ոսկե խաչ» շքանշան:
- 1992թ. (հետմահու) ՀԳՄ անդամ:
Այլ
- Մանուկ օրերից Դավիթն իր շրջապատում տարբերվում, առանձնանում էր իր բնույթով` աշխույժ էր ու ժիր, հետաքրքրասեր էր ու հնարամիտ, համարձակ էր, ուներ կազմակերպչական ջիղ ու միշտ առաջնորդի դեր էր ստանձնում: Ընկերները նրան շատ էին սիրում և օրնիբուն պտտվում էին նրա շուրջը: Նաև շատ աշխատասեր էր, օժտված էր ստեղծագործական անուրանալի ունակություններով, ձիրք ու շնորհներով:
- Նրա առաջին բանաստեղծությունները՝ «Ինչ փույթ թե ունես շուրթեր գեղեցիկ» և «Սևակի շիրմաքարի առաջ», տպագրվել են «Գարուն» ամսագրի 1988 թվականի № 1-ում։
- Դավիթն ուներ նաև լրագրողական ձիրք և քաղաքացիական հստակ դիրքորոշում: Նա իր օրագրում գրում է` «Գնացի Ռադիոտուն, դարձա «Իմ հասակակիցը» հաղորդաշարի անդամ»: Հետո, որպես սկսնակ լրագրող հարցախույզ է անցկացնում Շիրազի պոեզիայի շուրջ. 1988թ. հունվար, փետրվար: Մեկ ամիս անց Հրազդանի շրջանի Ալափարս գյուղում հարցազրույց է վարում Սուրբ Վարդան Մամիկոնյան եկեղեցու ներկայացուցիչ Սամվել Ղազարյանի հետ:
- Գրել է մարդկային հոգին գովերգող քնարաշունչ երգերի մի փունջ։
- 1986թ. իր տան սենյակներից մեկը վերածել է «Հովհաննես Շիրազի թանգարանի»։
- Ղարաբաղյան շարժման մասնակից:
- Նրա անունով է կոչվել Երևանի 191-րդ դպրոցը:
- Նրան է նվիրված «Ապրողների մեջ փնտրեցեք նրան» տեսաֆիլմը (ռեժիսոր՝ Ջ. Կաժոյան):
Նկարներ
Մատենագիտություն
- Հովսեփյան Դ. Ա., Եթե արցունքը խոսել գիտենար, բանաստեղծությունների ժողովածու, 1991:
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
- ԳԱՐՆԱՆ ՏԱՍՆՈՒԹ ԱԿՆԹԱՐԹ...
