Դավթյան Հակոբ Քրիստափորի

Դավթյան Հակոբ Քրիստափորի
Давтян Яков Христофорович
Այլ անուններ:	Դավիդով
Անգլերեն:	Davtyan Hakob
Հայերեն:	Դավթյան Հակոբ Քրիստափորի
Ծննդյան տարեթիվը:	10(22).10.1888
Ծննդավայրը:	Վերին Ագուլիս, Արևելյան Հայաստան
Մահվան տարեթիվը:	28.07.1938
Համառոտ տվյալներ: Հետախույզ, դիվանագետ:

Կենսագրություն

Ծնվել է 1888թ. հոկտեմբերի 10(22)-ին Արևելյան Հայաստանի Նախիջևանի գավառի Վերին Ագուլիս գյուղում:

Մահացել է 1938թ. հուլիսի 28-ին:

Կրթություն

• 1907թ. ավարտել է Թիֆլիսի 1-ին գիմնազիան:
• Սովորել է Սանկ Պետերբուրգի համալսարանում:
• Ավարտել է Բրյուսելի ճարտարագիտական ինստիտուտը:

Աշխատանքային գործունեություն

• Խորհրդային Ռուսաստանի, այնուհետև ԽՍՀՄ արտաքին հետախուզության առաջին ղեկավար:
• 1920թ.՝ Տալլինում խորհրդային լիազոր ներկայացուցչության քարտուղար:
• Մերձբալթյան երկրների ու Լեհաստանի բաժնի վարիչ:
• 1920թ.՝ Համառուսաստանյան արտակարգ հանձնաժողովի արտասահմանյան բաժնի առաջին պետ:
• 1922-1930թթ.՝ Լիտվայում լիազոր ներկայացուցիչ:
• Պեկինում ԽՍՀՄ լիազոր ներկայացուցչության խորհրդական:
• Չինաստանում ԽՍՀՄ գործերի հավատարմատար:
• 1930-1932թթ.՝ Լենինգրադի ճարտարագիտական ինստիտուտի տնօրեն:
• 1930-1932թթ.՝ Լենինգրադի մեքենաշինական ինստիտուտի տնօրեն:
• 1932-1934թթ.՝ ԽՍՀՄ լիզոր ներկայացուցիչ Աթենքում:
• 1934-1937թթ.՝ ԽՍՀՄ լիզոր ներկայացուցիչ Վարշավայում:
• Աշխատել է Հունգարիայում, Տուվայում, Փարիզում, Թեհրանում:

Ձեռքբերումներ

• 1905թ.՝ ՌՍԴԲԿ անդամ:

Այլ

• 1908-1918թթ. եղել է վտարանդի Բելգիայում:
• Դավթյանը եղել է բազմաթիվ երկրներում, հաջողությամբ համատեղել դիվանագիտական և հետախուզական աշխատանքը:
• Արտերկրում ստեղծել է գործակալական լայն ցանց, հավաքագրել լրտեսներ:
• Տիրապետել է մի շարք լեզուների:
• Տարբեր երկրների բարձրաստիճան պաշտոնյաների հետ ստեղծել է սերտ կապեր:
• 1937թ. աշնանը Դավթյանին Լեհաստանից հետ են կանչել, մեղադրել լեհական հետախուզության հետ համագործակցելու և խորհրդային դեսպանությունում աջտրոցկիստական կազմակերպություն ստեղծելու մեջ, ձերբակալել ու ենթարկել անասելի կտտանքների:
• Դավթյանի անունը առաջինն է արձանագրված ՌԴ արտաքին հետախուզության ծառայության հուշատախտակին:
• Դարձել է անհատի պաշտամունքի զոհ: Ներքին գործերի ժողկոմ Եժովը Ստալինին ուղարկել է հետևյալ գրությունը. «Դավթյանը տվեց լրացուցիչ ցուցմունք առ այն, որ 1937 թ. Փարիզում Անդրֆեդերացիայի ներկայացուցիչ Սիմոն Փիրումովն իրեն ծանոթացրել է խոշոր նավթարդյունաբերող, անգլիահպատակ Գալուստ Գյուլբենկյանի հետ, և իրենք եկել են համաձայնության անգլիացիների ղեկավարությամբ համատեղ աշխատանք իրագործել` Հայաստանը ԽՍՀՄ-ից անջատելու ուղղությամբ»:
• 1957թ. հետմահու արդարացվել է:

Տե՛ս նաև

• Ով ով է. հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
• Давыдов Яков Христофорович:
• Հետախուզություն և հակահետախուզություն. հայկական հետքը: