Հովհաննիսյան Մհեր Սուրենի
| Հովհաննիսյան Մհեր Սուրենի | |
| Оганнисян Мгер Суренович | |
| |
| Անգլերեն: | Hovhannisyan Mher |
| Հայերեն: | Հովհաննիսյան Մհեր Սուրենի |
| Ծննդյան տարեթիվը: | 26.11.1982 |
| Ծննդավայրը: | Կապան, Հայաստանի Հանրապետություն |
| Համառոտ տվյալներ: Պատմ. գիտ. թեկնածու, ԵՊՀ դոցենտ,ռադիոհաղորդավար: | |
Բովանդակություն
Կենսագրություն
Ծնվել է 1982թ. նոյեմբերի 26-ին ներկայիս Հայաստանի Հանրապետության Սյունիքի մարզի Կապան քաղաքում:
Կրթություն
- 2009 թ. պաշտպանել է թեկնածուական ատենախոսություն:
- 2006-2009 թթ.՝ Երևանի պետական համալսարանի ասպիրանտուրա:
- 2004-2006 թթ.՝ Երևանի պետական համալսարանի պատմության ֆակուլտետ մագիստրատուրա:
- 2000-2004 թթ.՝ Երևանի պետական համալսարանի պատմության ֆակուլտետ բակալավրիատ:
- 1989-2000 թթ.՝ Կապանի թիվ 13 միջնակարգ դպրոց:
Աշխատանքային գործունեություն
- 2018 թ-ից ԵՊՀ Պատմության ֆակուլտետի Հայոց պատմության ամբիոնի դոցենտ:
- 2017 թ-ից ՀՀՌ «Համասփյուռք» հաղորդման հեղինակ-վարող:
- 2016-2018 թթ. «Հայաստանի պատմագետների միություն» ՀԿ-ի գործադիր տնօրեն:
- 2016-2017 թթ. «Սփյուռք» ամառային դպրոցի ղեկավար:
- 2012-2018 թթ. ԵՊՀ Հայագիտական հետազոտությունների ինստիտուտի փոխտնօրեն:
- 2012 թ. մարտի 30-հուլիսի 10 ԵՊՀ Հայագիտական հետազոտությունների ինստիտուտի գիտական քարտուղար:
- 2010-2018 թթ. ԵՊՀ Պատմության ֆակուլտետի Հայոց պատմության ամբիոնի ասիստենտ:
- 2009-2018 թթ. ԵՊՀ Հայագիտական հետազոտությունների ինստիտուտի Վիրտուալ հայագիտության և տեղեկատվության բաժնի հիմնադիր վարիչ:
- 2004-2010 թթ. Երևանի Ա. Ս. Պուշկինի անվան թիվ 8 միջնակարգ դպրոցում պատմության ուսուցիչ:
Նախագծեր
- Հեղինակ է հայագիտական ուղղվածության մի շարք կայքերի (www.armin.am, www.historyofarmenia.am, www.armenianarchaeology.am, www.armenianlanguage.am, www.armeniaculture.am, www.armenianreligion.am, www.armeniandiaspora.am, www.armeniansgenocide.am, Մհեր Հովհաննիսյանի պաշտոնական կայքը՝ www.hayaget.info, www.spyurk.info):
Ձեռքբերումներ
- 2018թ.՝ դոցենտ:
- 2009թ.՝ պատմական գիտությունների թեկնածու:
Անդամակցություն
- 2016 թվականից հանդիսանում է «Հայաստանի պատմագետների միություն» ՀԿ անդամ:
Մեդիա
Նկարներ
- Պատկերիկի ստեղծման սխալ. Նման նիշք չկա
Մհեր Հովհաննիսյանի բաց դասախոսությունը Մոսկվայի պետական համալսարանի պատմության ֆակուլտետում (2016 թ. նոյեմբեր):
- Պատկերիկի ստեղծման սխալ. Նման նիշք չկա
Մհեր Հովհաննիսյանը Երվանդ Փամբուկյանի հետ (լիբանանահայ պատմաբան) Արամ Մանուկյանի նամականու հրատարակման հարցերի քննարկման ժամանակ, Երևան, ԵՊՀ:
- Պատկերիկի ստեղծման սխալ. Նման նիշք չկա
«Սփյուռք» ամառային դպրոցի 2017 թ. բացման արարողության ժամանակ:
- Պատկերիկի ստեղծման սխալ. Նման նիշք չկա
Մհեր Հովհաննիսյանի ելույթը «Սփյուռք» ամառային դպրոցի 2017 թ. բացման արարողության ժամանակ:
Մհեր Հովհաննիսյանի բաց դասախոսությունը Կալիֆորնիայի նահանգային համալսարանում (Նորթրիջ,2020):
Մհեր Հովհաննիսյանի բաց դասախոսությունը Կալիֆորնիայի նահանգային համալսարանում (Նորթրիջ,2020, աջից առաջինը հյուրընկալող կառույցի պատասխանատու ԿՆՀՆ Հայագիտական ծրագրի ղեկավար, պրոֆեսոր Վահրամ Շէմմասյան է):
Տեսանյութեր
Աուդիոնյութեր
Հրապարակումներ տպագիր մամուլում
Մասնագիտական հետաքրքրություններ
Մասնագիտական հետաքրքրությունների դաշտը ներառում է 1910-20-ական թթ. հայ հասարակական-քաղաքական ուժերի գործունեության, ինչպես նաև Այսրկովկասում և Ռուսաստանում Հայ հեղափոխական դաշնակցության և ՌՍԴԲ(բ)Կ, տարածաշրջանային այլ կուսակցությունների միջև տեղ գտած հարաբերությունների, 1917-1921 թթ. Այսրկովկասում տեղի ունեցած ռազմաքաղաքական զարգացումների և ազգամիջյան հարաբերությունների, 1918-1920 թթ․ Հայաստանի Հանրապետության ներքին և արտաքին քաղաքականության՝ ի մասնավորի նաև 1917-1921 թթ. հայ-ռուսական հարաբերությունների պատմության խնդիրները, Հայոց պատմության ուսումնամեթոդական հարցերի գիտագործնական ուսումնասիրությունը։ Զուգահեռաբար վերոհիշյալ գիտակրթական հարցերին՝ Հովհաննիսյանն իր ուսումնասիրությունները սկսել է նաև երկու նոր հետազոտական ուղղություններով իրականացնել։ 2009 թվականից նրա հետազոտությունների ծիրում են հայտնվել համացանցում հայագիտության ներկայացվածության խնդիրները, որի ծավալած գիտակրթական գործունեությունը արտահայտվել է գիտագործնական կենտրոնի՝ ԵՊՀ ՀՀԻ «Վիրտուալ հայագիտության և տեղեկատվության բաժնի» հիմնադրմամբ և «Հայագիտության արդի մարտահրավերները համացանցում» դասընթացի մշակմամբ ու ԵՊՀ մագիստրոսական կրթական ծրագրում դասընթացի ներդրմամբ։ Այս մասով Հովհաննիսյանն իրականացրել է նաև հայագիտական գիտահանրամատչելի կայքերի նախագծման, ծրագրավորման աշխատանքներ, ինչպես նաև՝ համացանցային կրթական ծրագրեր: Սփյուռքի թեմատիկ շրջանակում կազմակերպել և իրականացրել է, ինչպես նաև մասնակից է եղել Հայ սփյուռքի հայապահպանությանն ուղղված կրթամշակութային և հետազոտական ծրագրերի: 2011 թվականից սկսած Հայկական սփյուռքի հետ Հովհաննիսյանի կողմից գիտակրթական կապեր հաստատելու հնարավորությանը զուգահեռ՝ հետզհետե ընթացք են ստացել Հայկական սփյուռքը հետազոտելու և միաժամանակ նաև գիտակրթական ոլորտում գործնական ծրագրեր իրականացնելու քայլերը։ Արդյունքում, Ռուսաստանի, Լիբանանի, Սիրիայի հայկական համայնքային կառույցների հետ գիտակրթական համատեղ ծրագրերի իրականացում, ՀՀ սփյուռքի նախարարության հովանու ներքո գործող «Սփյուռք» ամառային դպրոցի 2016 և 2017 թվականների ԵՊՀ կողմից ծրագրի կազմակերպում, 2017 թվականից Սփյուռքի տարաբնույթ հիմնախնդիրներին անդրադարձող «Համասփյուռք» ռադիոհաղորդման հիմնում, Սփյուռքի հայրենագիտական առարկաներ դասավանդող ուսուցիչների համար արտագնա և համացանցային հեռավար մասնագիտական դասընթացների մշակում և իրագործում, 2020 թվականից «spyurk.info» լրատվական և վերլուծական համացանցային նախագծի մշակում և կառավարում:
Մատենագիտություն
Գիտական հոդվածներ
- Լեռնային Ղարաբաղի հիմնախնդրի ներկայացվածության որոշ հարցեր համացանցի ադրբեջանական տիրույթում, «Լրաբեր հասարակական գիտությունների», Երևան, 2020, թիվ 1, էջ 80-96:
- Հայոց անկախ պետականության վերականգնման խնդիրը 1917-1918 թթ. ՀՅԴ-ՌՍԴԲ(Բ)Կ հարաբերությունների համատեքստում, «Հայագիտության հարցեր» հանդես, Երևան, 2018, N 2(14), էջ 3-10:
- Закавказье в годы Первой миравой войны глазами русского очевидца, «Казаки и горцы в годы Первой мировой войны», Ростов-на-Дону, 2014, ст. 274-277:
- Համացանցային քարոզչության հակահայկական դրսևորումները, «Հայագիտական միջազգային երկրորդ համաժողով. Հայագիտությունը և արդի ժամանակաշրջանի մարտահրավերները: Զեկուցումների ժողովածու», Երևան, ՀՀ ԳԱԱ «Գիտություն» հրատ., 2014, էջ 121-124:
- Հայագիտութեան ներկայացուածութեան հիմնախնդիրները համացանցում, «Հայկական Անդրսահմանային Տարածականութիւնը Եւ Արդի Հաղորդակցական Միջոցները» Գիտաժողովի Նիւթեր, Haigazian University Press, Պէյրութ, 2014, էջ 223-231:
- Համացանցի հայագիտական ռեսուրսները Հայաստան-Սփյուռք գիտակրթական գործակցության համատեքստում, «Սփյուռքագիտություն», տարեգիրք, Երևան, 2012, էջ 142-151:
- Հայոց ցեղասպանության ներկայացման խնդիրները համացանցում, «Պատմություն և մշակույթ», հայագիտական հանդես Ա, Երևան, 2011, էջ 94-101:
- Դիվանագիտական «փնտրտուքները» Դաշնակցության և բոլշևիկների միջև 1918թ.,«Լրատու», գիտական հոդվածների ժողովածու, Ստեփանակերտ, 2009, N 2 (6), էջ 3-11:
- Դաշնակցության «թիկունքային քաղաքականության» առանձնահատկությունները,«Բանբեր Հայաստանի արխիվների», Երևան, 2009, N 1, էջ 195-197:
- Դաշնակցություն-բոլշևիկներ համագործակցության դրդապատճառները Բաքվում,«Կրթությունը և գիտությունը Արցախում», Երևան, 2009, N 1, էջ 92-96:
- Բոլշևիկներ-Դաշնակցություն բանակցությունները Թիֆլիսում (1917թ. դեկտեմբեր -1918թ. հունվար),«Բանբեր Երևանի համալսարանի», Երևան, 2008, N 3 (126), էջ 131-138։
Ուսումնամեթոդկան աշխատանքներ
- Գիտական հղումների չափորոշիչները արևմտյան պատմագիտական հետազոտություններում, «Պատմություն և մշակույթ» հայագիտական հանդես , Երևան, ԵՊՀ հրատ., 2017, էջ 345-349:
- Հայագիտության արդի մարտահրավերները համացանցում (Ծրագիր), Երևան, ԵՊՀ հրատ., 2010:
