Աբրահամյան Արա Արշավիրի

Աբրահամյան Արա Արշավիրի
Абрамян Ара Аршавирович
Անգլերեն:	Abrahamyan Ara
Հայերեն:	Աբրահամյան Արա Արշավիրի
Ծննդյան տարեթիվը:	15.04.1957
Ծննդավայրը:	Մալիշկա, Հայաստանի Հանրապետություն
Համառոտ տվյալներ: Հասարակական գործիչ, բարերար:

Կենսագրություն

Ծնվել է 1957թ. ապրիլի 15-ին Հայաստանի Խորհրդային Հանրապետության Վայոց ձորի մարզի Մալիշկա գյուղում:

Կրթություն

• Ավարտել է Հայաստանի գյուղատնտեսական ինստիտուտը (ՀԳԻ)՝ տնտեսագետի մասնագիտությամբ:

Աշխատանքային գործունեություն

• Աշխատանքային գործունեությունը սկսել է «Նեյրոն» արտադրական միությունից, անցել է ճանապարհ ինժեներից մինչև գլխավոր տնօրեն:
• 1989թ.-ից՝ ԽՍՀՄ էլեկտրոնային արդյունաբերության նախարարության հաղորդակցությունների վարչության պետի տեղակալ:
• 1991թ.-ից՝ «КОМЭКС» ընկերության գլխավոր տնօրեն:
• 1993թ.-ից՝ Մոսկվայի «Սոգլասիե» ընկերության հիմնադիր-նախագահ:
• 1994թ. հիմնում է «Ռուսաստանյան պաշտպանական տեխնոլոգիաներ» կոնցեռնը:
• 2000թ.-ից՝ Ռուսաստանի հայերի միության նախագահ:
• 2003թ.-ից՝ Համաշխարհային հայկական կոնգրեսի նախագահ:
• 2006թ. հիմնադրել է «Ավիացոն-տիեզերական արտադրական համակարգեր» միացյալ կոնստրուկտիվ բյուրո» միջազգային ռազմավարական կոնսորցիումը:
• Հարավային Կորեայի, Բրազիլիայի, Արգենտինայի, Ֆրանսիայի, Նիգերիայի և Լիբիայի հետ Ռուսաստանի արտադրողների խորհուրդների համանախագահ:

Հասարակական գործունեություն

• Արա Աբրահամյանը մեծապես նպաստել է թե՛ Հայաստանի Հանրապետության և թե՛ Ռուսաստանի Դաշնության մշակութային և տնտեսական կյանքի զարգացմանը: Նա հիմնել է բազմաթիվ ընկերություններ, հիմնադրամներ և նախաձեռնել կարևոր բարեգործական և մարդասիրական ծրագրեր: Նա մասնակցել է տարբեր մարդասիրական նախաձեռնությունների՝աջակցելով բազմաթիվ մարդկանց:
• 2005թ. Հասարակածային Գվինեայում և Նիգերիայում ձերբակալված հայ օդաչուները և ռուս նավաստիները կալանքից ազատ արձակվեցին Արա Աբրահամյանի անձնական միջամտության և գործուն դիվանագիտական ջանքերի շնորհիվ:
• Արա Աբրահամյանի բարեգործությամբ իր հայրենի գյուղում՝ Մալիշկայում, 2000թ. կառուցվում է Ս. Աննա հայկական եկեղեցին և հայ - ռուսական բարեկամության թանգարանը: Նա նաև աջակցել է գյուղի դպրոցի կառուցմանը և նորագույն սարքավորումներով վերազինմանը: Նմանատիպ դպրոցաշինական մեկ ծրագիր էլ իրականացվել է Ստեփանակերտում: Իր հայրենի Վայոց ձորի բազմաթիվ դպրոցներում նրա աջակցությամբ բացվել են համակարգչային դասարաններ՝ հագեցած նորագույն մոդելների համակարգիչներով և այլ սարքավորումներով:
• Արա Աբրահամյանը մեծագույն ուշադրություն է դարձնում կրթությանը և նպատակ ունենալով պահպանել հայերենը Ռուսաստանի հայ գաղթօջախներում՝ հատկապես աջակցում է հայերեն լեզվի ուսուցմանը դպրոցահասակ երեխաների շրջանում:
• 2001թ. Երևանում Արա Աբրահամյանի միջոցներով բացվեց «Արշավիր և Պայծառ Աբրահամյաններ» բարեգործական ճաշարանը:
• Արա Աբրահամյանի ֆինանսական աջակցության շնորհիվ երկու բնակելի շենք՝ 130 բնակարաններով, գնվեցին և նվիրաբերվեցին անտուն փախստականներին:
• 2003թ. ստեղծել է «Գործարարների Ռուսաստան-Արգենտինա Խորհուրդը» և ներկայումս հանդիսանում է նրա համանախագահը՝ ռուսական կողմից:

Ձեռքբերումներ

• 1991թ.՝ ԽՍՀՄ Էլեկտրոնային արտադրության նախարարության «Պատվավոր աշխատակից» կրծքանշան:
• 1996թ.՝ ՌԴ նախագահի պատվոգիր:
• 1998թ. Ս. Կոստանտին Մեծի շքանշան:
• 1999թ.՝ Ռուսաստանի պատվավոր շինարար:
• 1999թ.՝ ՅՈւՆԵՍԿՕ-ի պատվոգիր (Կրեմլի վերակառուցմանը մասնակցելու համար):
• 2000թ.՝ Հայ եկեղեցու «Ս. Գրիգոր Լուսավորիչ» շքանշան:
• 2001թ.՝ «Ուղղափառ Ռուսաստան» Համառուսական հասարակական շարժման «Ինքնանվեր ծառայության» մեդալ:
• 2001թ.՝ ՌԴ Պաշտպանության նախարարության «Ռազմական բարեկամության ամրապնդման» մեդալ:
• 2001, 2003, 2005, 2011թթ.՝ Ռուսաստանի «Տարվա մարդ» ազգային մրցանակներ:
• 2002թ.՝ ՌԴ բարեկամության շքանշան:
• 2003թ.՝ ՀՀ ԳԱԱ ոսկե մեդալ:
• 2003թ.՝ ՅՈւՆԵՍԿՕ-ի «Խաղաղության դեսպան» պատվավոր կոչում:
• 2005թ.՝ Ֆրանսիայի Պատվո լեգեոնի շքանշան:
• 2007թ.՝ Ռուսաստանի Դաշնության Պատվո շքանշան՝ միջազգային համագործակցություններում խոշոր ավանդի և հասարակական ու բարեգործական ակտիվ գործունեության համար:
• 2010թ.՝ ՀՀ Պատվո շքանշան՝ հայ-ռուսական բարեկամության խորացման և ազգային շահերի պաշտպանության գործում անձնական մեծ ավանդի համար:
• 2010թ.՝ Լեռնային Ղարաբաղի Հանրապետության «Ս. Գրիգոր Լուսավորիչ» պետական մրցանակ:
• 2014թ.՝ «Կոմանդոր» Մայիսյան շքանշան Արգենտինայի կառավարության կողմից:

Այլ

• Ձեռնարկել է ՀՀ և ԼՂՀ դպրոցները համակարգիչներով ապահովելու ծրագիր:
• Ունի 7 ՌԴ հեղինակային իրավունք հայտնագործությունների համար:
• Նախքան Լիբիայի քաղաքացիական պատերազմը Արա Աբրահամյանը Լիբիայի տնտեսության մեջ 1 միլիարդ դոլլար ներդրում է կատարել: Ինչպես հետո ինքն է արտահայտվել. «Քադաֆֆին կորցրեց երկիրը, ես՝ փողերս»:

Նկարներ

• Պատկերիկի ստեղծման սխալ. Նման նիշք չկա
• Պատկերիկի ստեղծման սխալ. Նման նիշք չկա
• Պատկերիկի ստեղծման սխալ. Նման նիշք չկա
• 
• 
• 

Տեսանյութեր

• Կուզեի, որ երբեք բարեգործական ճաշարաններ չլինեին. Արա Աբրահամյան:
• Արա Աբրահամյան, Համաշխարհային հայկական կոնգրես:
• Արա Աբրահամյան. ԵՏՄ-ը միանալով Հայաստանի անկախությունը չի սասանվի, Ազատություն ռադիոկայան:
• Արա Աբրահամյան, Աշխարհի հայերը:
• Արա Աբրահամյան, Բանաձև:
• Հարցազրույց Արա Աբրահամյանի հետ, մաս 1:
• Հարցազրույց Արա Աբրահամյանի հետ, մաս 2:
• Hranush Hakobyan & Ara Abrahamyan signed an agreement on "Cooperation":
• Արա Աբրահամյան:
• Ара Аршавирович Абрамян.
• Ара Абрамян награжден орденом «За заслуги перед Отечеством».

Հրապարակումներ մամուլում

• Արա Աբրահամյանի նյութերը «Առավոտ» լրատվականում:
• Արա Աբրահամյանի նյութերը «Հայկական ժամանակում»:
• Արա Աբրահամյան. ԵՏՄ-ը միանալով Հայաստանի անկախությունը չի սասանվի:
• Արա Աբրահամյան. Գագիկ Ծառուկյանին պետք չէ համեմատել Սերժ Սարգսյանի հետ, Այսօր լրատվական:
• Վլադիմիր Պուտինն Արա Աբրահամյանին պարգևատրել է Հայրենիքին ցուցաբերած ծառայությունների համար IV աստիճանի շքանշանով:
• Արա Աբրահամյան. Ռուսաստանի հայերի միությունը կանգնած է Սերժ Սարգսյանի կողքին, Պանարմենիան:
• Ара Абраамян: «НАГОРНЫЙ КАРАБАХ – СИМВОЛ СВОБОДЫ И ДОБЛЕСТИ».
• Национальный Совет молодежных и детских объединений России.

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Армянская бизнес-элита России.Биографический справочник.-Ер.:Научно-образовательный фонд "Нораванк", 2009.
• Большая русская биографическая энциклопедия.
• Биография на сайте zakonia.ru.
• Биография на сайте biograph.ru.
• Ара Аршавирович Абрамян. Биография – Союз Армян России.