Համբարձումյան Համազասպ Ասատուրի

Համբարձումյան Համազասպ Ասատուրի
Амбарцумян Амазасп Асатурович
Անգլերեն:	Hambarcumyan Hamazasp
Հայերեն:	Համբարձումյան Համազասպ Ասատուրի
Ծննդյան տարեթիվը:	25.09.1880
Ծննդավայրը:	Բասարգեչար, Հայաստանի Հանրապետություն
Մահվան տարեթիվը:	03.02.1965
Մահվան վայրը:	Երևան, Հայաստանի Հանրապետություն
Համառոտ տվյալներ: Թարգմանիչ, գրականագետ, բանաստեղծ:

Կենսագրություն

Ծնվել է 1880թ. սեպտեմբերի 25-ին Հայաստանի Հանրապետության Բասարգեչար (այժմ՝ Վարդենիս) գյուղում:

Մահացել է 1965թ. փետրվարի 3-ին Հայաստանի Հանրապետության մայրաքաղաք Երևանում:

Կրթություն

• Մեկ տարի սովորել է Երևանի թեմական դպրոցում:
• 1897թ. ավարտել է Թիֆլիսի Ներսիսյան դպրոցը:
• 1900թ. վարտել է Լազարյան ճեմարանը:
• Մեկ տարի սովորել Թիֆլիսի երկրորդ արական գիմնազիայում:
• 1908թ. ավարտել է Սանկտ Պետերբուրգի համալսարանի իրավաբանական ֆակուլտետը:

Աշխատանքային գործունեություն

• Որպես ուսուցիչ աշխատել է Թիֆլիսի միջնակարգ դպրոցներում:
• Աշխատակցել է «Բանբեր», «Գործ», «Մշակ», «Արշալույս», «Հորիզոն», «Զակավկազսկայա րեչ» և այլ թերթերին՝ տպագրելով հրապարակախոսական հոդվածներ, բանաստեղծություններ:
• Մասնակցել է Կովկասի հայ գրողների ընկերության աշխատանքներին որպես քարտուղար:
• 1925թ. տեղափոխվել է Լենինգրադ, դասավանդել Լենինգրադի համալսարանում և այլ հաստատություններում:
• Հետագայում տեղափոխվել է Երևան, ԵՊՀ-ում և այլ ուսումնական հաստատություններում դասավանդել հունական գրականություն, միաժամանակ նվիրվել հունական գրականության ուսումնասիրման և առանձին գործերի թարգմանության աշխատանքին։

Ձեռքբերումներ

• 1953թ.՝ բանասիրական գիտությունների դոկտոր:
• 1954թ.՝ պրոֆեսոր:
• 1962թ.՝ ՀԽՍՀ գիտության վաստակավոր գործիչ:

Այլ

• Թաղված է Բյուրականում:
• Վ. Հ. Համբարձումյանի և Գ. Հ. Համբարձումյանի հայրը:
• Թարգմանել է եվրոպացի և ռուս բանաստեղծներից, հին հունարենից:
• Նրա անունով դպրոց է կոչվել Վարդենիսում:
• 1927-1928թթ. Վիեննայում տպագրել է իր բանաստեղծությունները երեք հատորով, մի հատորով լույս է ընծայել ռուսերեն բանաստեղծությունները:

Մատենագիտություն

• Արիւն էջեր, բանաստեղծությունների ժողովածու, 1903:
• Անհունի էջերում, բանաստեղծությունների ժողովածու, 1904:
• Հպարտ հոգու երգերից, բանաստեղծությունների ժողովածու, 1905:
• Բանաստեղծութիւններ, բանաստեղծությունների ժողովածու, հատոր 1-3, 1927-1929:
• Մտորումներ Հոմերոսի մասին, 1964:

Թարգմանություններ

• Հույն ողբերգակներ, 1950:
• Հոմերոս, Իլիական, 1955:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• Բանասիրության հանրագիտարան: