Ընթացիկ տարբերակը 11:04, 10 Մայիսի 2018-ի դրությամբ

Աբրահամ Երևանցի
Абраам Ереванци
Անգլերեն:	Abraham Yerevantsi
Հայերեն:	Աբրահամ Երևանցի
Ծննդյան տարեթիվը:	1680
Մահվան տարեթիվը:	1740
Համառոտ տվյալներ: XVIII դարի պատմագիր:

Կենսագրություն

Ծնվել է 1680թ.:

Աշխատանքային գործունեություն

• Զբաղվել է պատմագրությամբ, գրել է երկեր:

Այլ

• Աբրահամի կյանքի մասին քիչ բան է հայտնի։ Եղել է Հովհաննեսի որդին, ապրել Երևանում՝ Արևելյան Հայաստանի պարսկական ռազմական պաշտպանության կենտրոնում։ Ձեռագրի ոճը և պարզ լեզուն ցույց է տալիս, որ նա հոգևորական կամ իշխան չէր։ Եվրոպական ռազմական եզրաբանության իմացությունը, ռազմական գործողությունների մանրամասն նկարագրությունը որոշ հիմք են տալիս ենթադրելու, որ Աբրահամ Երևանցին եղել է կա՛մ զինվոր, կա՛մ փորձառու առևտրական, որն աջակցել է բանակին:
• Աբրահամ Երևանցու «Պատմութիւն պատերազմացն...» երկը արժեքավոր աղբյուր է Անդրկովկասի և թուրք-պարսկական հարաբերությունների պատմության համար։ Ընդգրկում է աֆղանների ապստամբությունից մինչև Նադիր Շահի գահակալությունը կատարված դեպքերը (1721-1736): Գրքի 2-րդ գլխում մանրամասն նկարագրված է 1724թ. Երևանի պաշտպանությունը: Կան նաև տեղեկագրական տվյալներ Երևանի և շրջակա առանձին գավառների մասին:
• «Պատմության» բնագիրը, որից ընդօրինակված է Երևանի Մեսրոպ Մաշտոցի անվան Մատենադարանի համար 8069 ձեոագիրը, գտնվում է Վենետիկի Մխիթարյան մատենադարանում:

Մատենագիտություն

• Աբրահամ Երևանցի, Պատմութիւն պատերազմացն 1721-1736 թուի, հրտ.՝ 1938 (ռուսերեն՝ 1939):

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Հայկական համառոտ հանրագիտարան, հատոր 1, Ե., ՀԽՀ գլխավոր խմբագրություն, 1990, էջ 21:
• Պատմութիւն թագայորի պարսից:
• Абраам Ереванци.