07:02, 12 Մարտի 2017-ի տարբերակ

Մեծատուրյան Միսաք Կարապետի
Այլ անուններ:	Մեծարենց Միսաք
Անգլերեն:	Metsarents Misak
Հայերեն:	Մեծատուրյան Միսաք Կարապետի
Ծննդյան տարեթիվը:	19.01.1886
Ծննդավայրը:	Բինկյան, Արևմտյան Հայաստան
Մահվան տարեթիվը:	22.06.1908
Մահվան վայրը:	Կ.Պոլիս, Թուրքիա
Համառոտ տվյալներ: Բանաստեղծ, գրող:

Կենսագրություն

Ծնվել է 1886թ. հունվարի 19-ին Արևմտյան Հայաստանի (այժմ` Թուրքիա) Սեբաստիա նահանգի Բինկյան գյուղում:

Մահացել է 1908թ. հունիսի 22-ին Թուրքիայի Կ.Պոլիս քաղաքում:

Կրթություն

• 1892թ.-ից հաճախել է Մեսրոպյան վարժարան:
• 1894-1896թթ. սովորել է Սվազի Արամյան դպրոցում:
• 1896-1901թթ. սովորել է Մարզվանի «Անատոլիա» գիշերօթիկ քոլեջում:
• 1902-1905թթ. սովորել է Կ.Պոլսի Կեդրոն վարժարանում:

Աշխատանքային գործունեություն

• 1903թ.-ից անդամակցել է «Մասիս», «Հանրագիտակ», «Արևելյան մամուլ» պարբերականներին:

Ձեռքբերումներ

• 1903թ.` «Մասիս» հանդեսի գրական մրցանակ:

Այլ

• 1895թ.-ին Մեծատուրյանների ընտանիքը տեղափոխվել է Սեբաստիա քաղաք:
• 1901թ. օգոստոսին թուրք մսագործ տղաները, շփոթելով իրենց հակառակորդի հետ, Մեծարենցին փողոցում ծեծում են և դանակահարում, որից հետո էլ նրա մոտ երևում են թոքախտի առաջին նշանները:
• 1905թ. հիվանդությունը նրան ստիպում է թողնել Կեդրոնական դպրոցը և ապրել Պոլսի արվարձաններից մեկում (Թոփ Աբու):
• 1902թ. գրում է մի շարք ոտանավորներ, որոնք մտնում են 1903թ. իր ուսուցիչ Հ. Ասատուրին հանձնած Բաբախումներ տետրի մեջ:
• Միսաք Մեծարենցի ստեղծագործությունների հիմնական թեման անհատի ներաշխարհն է 20-րդ դարասկզբի կյանքի բարդ ու հակասական պայմաններում, արդարության և ներդաշնակ կյանքի երազանքը:
• Մեծարենցի գրական ժառանգությունն ընդգրկում է 130 քնար և շուրջ մեկ տասնյակ արձակ բանաստեղծություններ ու պատմվածքներ, մի քանի գրաքննադատական հոդված:

Մեջբերումներ Մեծարենցի մասին

• Մեծարենցի պոեզիան ազնիվ կոչ է մարդուն՝ վերադառնալու ինքն իրեն: Եվ որքան հեռանանք մենք բնությունից, որքան հեռանանք ինքներս մեզանից, այնքան ավելի սիրելի ու մոտիկ պիտի դառնա մեզ Մեծարենցը, այնքան ավելի կարոտենք պիտի նրա ստեղծած բանաստեղծական աշխարհը: Վահագն Դավթյան
• Մեր երկրին նկարագեղ քաղցրությունները, մեր հոգիին ընդոծին դալկությունները, մեր շնորհն ու տրտմանուշ երազանքները սքանչելի ծաղիկներու նման կը բուսնին անոր (Մեծարենցի) արնաշաղախ էջերուն: Հակոբ Օշական
• Արյուն է եղել աշխարհում: – Եղել է եղեռն ու կռիվ: Լեռնացել են ուժեր վիթխարի՝ ամեհի ելած իրար դեմ: Աշխարհից հեռու մի գյուղում, եղեգնյա մի սրինգ կտրած, Արև է երգել ու գարուն այս հիվանդ, հանճարեղ պատանին: Եղիշե Չարենց

Տեսանյութեր

• Միսակ Մեծարենց Բանաստեղծություններ:
• Միսաք Մեծարենց. Պոեզիա:
• ՄԻՍԱՔ ՄԵԾԱՐԵՆՑ "ԵՐԵԿՈՅԱՆ ՂՈՂԱՆՋՆԵՐ":
• ՄԻՍԱՔ ՄԵԾԱՐԵՆՑ - ՀԱՅԱԴԱՐԱՆ - Թատրոն 32:
• ՄԻՍԱԿ ՄԵԾԱՐԵՆՑ վավերագրական ֆիլմ:
• Միսակ Մեծարենց-Գաղտնի թղթապանակ-Երկիր:

Մատենագիտություն

Բանաստեղծությունների ժողովածուներ

• Մեծարենց Մ. Կ., Բաբախումներ (կենդանության օրոք չի տպագրվել):
• Մեծարենց Մ. Կ., Ծիածան, 1907:
• Մեծարենց Մ. Կ., Նոր տաղեր, 1907:

Բանաստեղծություններ

• Մեծարենց Մ. Կ., Մարմնի վերք, սրտի վերք, 1901:
• Մեծարենց Մ. Կ., Անանուն:
• Մեծարենց Մ. Կ., Մերժում:
• Մեծարենց Մ. Կ., Երազի օրեր:
• Մեծարենց Մ. Կ., Վայրկյան:
• Մեծարենց Մ. Կ., Այգերգ:
• Մեծարենց Մ. Կ., Առտվան արևի մեջ:
• Մեծարենց Մ. Կ., Արևին:
• Մեծարենց Մ. Կ., Աքասիաներու շուքին տակ:
• Մեծարենց Մ. Կ., Բյուրեղի դյութանք:
• Մեծարենց Մ. Կ., Աշնանային հեծություններ:
• Մեծարենց Մ. Կ., Գարունը կ’ապրեցնե:
• Մեծարենց Մ. Կ., Գետափի երազանք:
• Մեծարենց Մ. Կ., Երազի պահեր:
• Մեծարենց Մ. Կ., Թրթռումներ:
• Մեծարենց Մ. Կ., Իրիկունը:
• Մեծարենց Մ. Կ., Կայծեր:
• Մեծարենց Մ. Կ., Կիրակմուտք:
• Մեծարենց Մ. Կ., Հիւղը:
• Մեծարենց Մ. Կ., Հովին անցքը:
• Մեծարենց Մ. Կ., Մեռելոց:
• Մեծարենց Մ. Կ., Նավակները:

Հոդվածներ

• Մեծարենց Մ. Կ., Ինքնաքննադատության փորձ մը:
• Մեծարենց Մ. Կ., Նարեկացիին հետ:

Տե՛ս նաև

• Անուշավան Մակարյան, Մ.Մեծարենցի ստեղծագործությունը, Երևան, Երևանի հեռակա մանկավարժական ինստիտուտի հրատարակություն, 1968, էջ 61:
• Մեծարենց Մ. Կ.,բանաստեղծություններ:
• Մեծարենց Մ. Կ.,կենսագրություն:
• Շարուրյան Ա. Ս., Հաղորդումներ, Միսաք Մեծարենցի «Ծիածան» ժողովածուի ստեղծագործական պատմությունից, էջ 89-94: