Ընթացիկ տարբերակը 08:35, 24 Օգոստոսի 2014-ի դրությամբ

Ծառուկյան Գագիկ Նիկոլայի
Царукян Гагик Николаевич
Անգլերեն:	Tsarukyan Gagik
Հայերեն:	Ծառուկյան Գագիկ Նիկոլայի
Ծննդյան տարեթիվը:	02.11.1956
Ծննդավայրը:	Առինջ, Հայաստանի Հանրապետություն
Համառոտ տվյալներ: Մարզիկ, հասրակական և մարզական գործիչ, գործարար:

Կենսագրություն

Ծնվել է 1956թ. նոյեմբերի 2-ին Հայաստանի Հանրապետության Կոտայքի մարզի Առինջ գյուղում:

Կրթություն

• 1979թ. ավարտել է ՀԳԻ-ն:

Աշխատանքային գործունեություն

• Բարգավաճ Հայաստան կուսակցության (ԲՀԿ) հիմնադիր նախագահ:
• 1995թ.՝ «Մուլտի գրուպ» կոնցեռնի հիմնադիր-նախագահ:
• 2000-2004թթ.՝ ՀԱՕԿ-ի փոխնախագահ:
• 2003թ.-ից ՀՀ Ազգային Ժողովի պատգամավոր:
• 2004թ.-ից նախագահ:
• 2008թ. ղեկավարում է Հայաստանի Ազգային Օլիմպիական Կոմիտեն:
• Ծավալում է բարեգործական գործունեություն:
• 2003-2007թթ. հանդիսացել է ՀՀ ԱԺ Պաշտպանության, ազգային անվտանգության և ներքին գործերի մշտական հանձնաժողովի անդամ։
• 2009թ. վերընտրվել է ԲՀԿ նախագահի պաշտոնում:

Ձեռքբերումներ

• 1998թ. Միջազգային կարգի սպորտի վարպետ:
• 1998թ.՝ Գերծանր քաշային կարգում բազկամարտի Եվրոպայի չեմպիոն:
• 1996թ, 1998թ.՝ աշխարհի կրկնակի բրոնզե մեդալակիր:
• 2000թ.՝ ՄՕԿ-ի «Օլիմպիական շքանշան» շքանշան:
• 2002թ.՝ «Գրիգոր Լուսավորիչ» շքանշան:
• 2003թ.՝ ՀՀ Մովսես Խորենացու մեդալ:
• 2007թ.՝ ծանրամարտի միջազգային ֆեդերացիայի բարձրագույն պարգև՝ ոսկե մեդալ
• 2007թ. պարգևատրվել է Պատվո շքանշանով։
• 2007 թ.՝ «Սուրբ իշխան Ալեքսանդր Նևսկու» I աստիճանի շքանշան։
• 2007թ.՝ «Դմիտրի Դանսկոյ» առաջին աստիճանի շքանշան՝ հայ և ռուս ժողովրդների բարեկամության ամրապնդման գործում վաստակի համար։
• 2008թ.՝ «Հայրենիքին մատուցած ծառայությունների համար» 1-ին աստիճանի մեդալ՝ ֆիզիկական կուլտուրայի և սպորտի զարգացման գործում ներդրած նշանակալի ավանդի համար։
• 2009թ.՝ «Տարվա լավագույն եվրոպացի» մրցանակը ՀՀ ԱԺ եվրոպական ինտեգրացիայի հարցերով մշտական հանձնաժողովում աշխատանքների ակտիվ մասնակցության, երիտասարդ քաղաքական գործիչների և սերնդափոխության գործընթացի աջակցման և ՀՀ հասարակական-քաղաքական դաշտում եվրոպական ավանդույթների տարածման համար։
• 2009թ.՝ ոսկե մեդալ:

Այլ

• Գագիկ Ծառուկյանը ձեռնարկատիրական գործունեությամբ սկսել է զբաղվել 1980-ական թվականներից։
• 1990-1992թթ. Գագիկ Ծառուկյանը զբաղեցրել է «Արմենիա» ընկերության գործադիր տնօրենի պաշտոնը, իսկ 1992 թվականից ծավալել է ագարակատիրական և ձեռնարկատիրական գործունեություն, ստեղծել է կաթնամթերքի արտադրության ձեռնարկություն Աբովյանի շրջանի Առինջ գյուղում (Կոտայքի մարզ)։
• 1995թ. Գագիկ Ծառուկյանը հիմնադրում և նախագահում է «Մուլտի Գրուպ» բազմաճյուղ կոնցեռնը, որն այժմ ներառում է Աբովյանի «Կոտայք» գարեջրի գործարանը, Երևանի քիմիադեղագործական ֆիրման, «Մեկ» կահույքի խանութների ցանցը, «Արարատ» կոնյակի, գինու, օղու կոմբինատը, «Արարատ» ցեմենտի գործարանը, «Ավիասերվիս» բաժնետիրական ընկերությունը, «Մուլտի Սթոուն» քարի արդյունաբերական մշակման ընկերությունը, «Մուլտի ռեստ Հաուս» ընկերությունը, «Գլոբալ մոթորս» փակ բաժնետիրական ընկերությունը, «Մուլտի սիթի հաուս» ընկերությունը։
• 2002թ. Երևանի «Արարատ» կոնյակի-գինու-օղու կոմբինատը, ձեռք բերելով նոր սեփականատեր և մտնելով «Մուլտի Գրուպ» կոնցեռնի կազմի մեջ, նոր շունչ ստացավ։ Գագիկ Ծառուկյանի ջանքերով 50 միլիոն դոլարին համարժեք դրամ ներդրվել է վերանորոգման և շինարարական աշխատանքների, շշալցման նոր գծի և կաղնե տակառների ձեռքբերման համար, աջակցել է, որպեսզի հին ձեռագրերի, թանգարանային նմուշների, ընտանեկան արխիվների միջոցով կոմբինատի մասնագետներն ու տեխնոլոգները վերականգնենայն հարուստ փորձը, որը կուտակվել էր ձեռնարկության գոյության երկար տարիների ընթացքում։
• «Արարատ» կոնյակի-գինու-օղու կոմբինատը այն եզակի գործարաններից է, որտեղ պահվում են 50 և ավելի տարի հնեցված կոնյակի սպիրտեր։
• Գագիկ Ծառուկյանի հիմնադրած «Մուլտի Գրուպ» ընկերությունը պարբերաբար գումարներ է տրամադրում բարեգործությանը և միաժամանակ Հայաստանի ազգային օլիմպիական կոմիտեի հովանավորն է։
• Նա Հայաստանի Ազգային Օլիմպիական կոմիտեի նախագահ է ընտրվել 2004 թվականին։ ՀԱՕԿ-ի նախագահ Գագիկ Ծառուկյանի ղեկավարությամբ հայ մարզիկների պատվիրակությունը 2008թ. Պեկինի օլիմպիադայում ցուցաբերեցին աննախադեպ արդյունք՝ վերադառնալով 6 բրոնզե մեդալ նվաճած։
• 2007թ. մայիսի 12-ին կայացած ընտրությունների արդյունքում Գագիկ Ծառուկյանի ղեկավարած «Բարգավաճ Հայաստան» կուսակցությունը մասնակցում է ԱԺ չորրորդ գումարման ընտրություններին և ստանում 204 443 քվե՝ ԱԺ-ում ձեռք բերելով 25 մանդատ։
• 2009թ. փետրվարի 12-ին կայացած «Բարգավաճ Հայաստան» կուսակցության չորրորդ համագումարում Գագիկ Ծառուկյանը վերընտրվում է ԲՀԿ նախագահի պաշտոնում։ «Բարգավաճ Հայաստան» կուսակցության չորրորդ համագումարի արդյունքում ընտրվում է նոր Քաղաքական խորհուրդ՝ բաղկացած 93 անդամներից։ Գագիկ Ծառուկյանը ԲՀԿ նորընտիր Քաղաքական խորհրդի ղեկավարն է։

Ծնողներ

• Գագիկ Ծառուկյանը ծնվել է Նիկոլայ և Ռոզա Ծառուկյանների ընտանիքում։ Ընտանիքի հայրը՝ Նիկոլայ Ծառուկյանը, մասնագիտությամբ էլեկտրատեխնիկ է, այժմ զբաղվում է հասարակական գործունեությամբ։ Գագիկ Ծառուկյանի մայրը՝ Ռոզա Ծառուկյանը, մասնագիտությամբ հաշվապահ է և «Մուլտի Ագրո» սահմանափակ պատասխանատվությամբ ընկերության նախագահն է, միաժամանակ «Բարգավաճ Հայաստան» կուսակցության Կանանց խորհրդի պատվավոր նախագահը։ Նիկոլայ և Ռոզա Ծառուկյանները միջոցներ են տրամադրում բարեգործական միջոցառումներ իրականացնելու համար։

Մանկություն

• Գագիկ Ծառուկյանը սովորել է Առինջ գյուղի դպրոցում։ Մինչև այժմ էլ Գագիկ Ծառուկյանը տարին մի քանի անգամ այցելում է Առինջի դպրոցը և հանդիպում դպրոցում դասավանդող ուսուցիչներին։
• Առինջի դպրոցում էլ Գագիկ Ծառուկյանը ծանոթացել է իր ապագա կնոջ՝ Ջավահիրի հետ, ով նույնպես սովորում էր Առինջի դպրոցում։ Գագիկ Ծառուկյանը դպրոցական տարիներից աչքի է ընկել իր ֆիզիկական տվյալներով, ինչն էլ մեծապես իր ազդեցությունն է թողել Գագիկ Ծառուկյանի բարձրագույն կրթության ընտրության գործում։

Ընտանիք

• Գագիկ Ծառուկյանի կինն է Ջավահիր Ծառուկյանը։ Գագիկ և Ջավահիր Ծառուկյաններն ունեն վեց զավակներ։
• Ռոզա, Գայանե և Էմմա Ծառուկյանները գերազանցությամբ ավարտել են Անանիա Շիրակացու անվան ճեմարանը։ Ռոզան և Էմման սովորում են Երևանի Պետական Բժշկական Համալսարանում։ Գայանե Ծառուկյանն ավարտել է Երևանի Պետական Համալսարանի իրավաբանության ֆակուլտետը գերազանցության դիպլոմով։
• Անահիտը և Նվերը Ծառուկյանները սովորում են Անանիա Շիրակացու անվան ճեմարանում։

«Բարգավաճ Հայաստան» խմբակցություն

• Այժմ «Բարգավաճ Հայաստան» կուսակցությունը ՀՀ Ազգային Ժողովում ներկայացված է 27 պատգամավորներով, իսկ Գագիկ Ծառուկյանի ղեկավարած «Բարգավաճ Հայաստան» խմբակցությունը ներկայացվածությամբ ՀՀ Ազգային Ժողովում երկրորդն է։
• ԱԺ «Բարգավաճ Հայաստան» խմբակցության անդամների թիվը 25-ն է, «Բարգավաճ Հայաստան» կուսակցության անդամներ են նաև պատգամավորներ Մարտուն Գրիգորյանը և Ռուստամ Գասպարյանը։

Նկարներ

Տեսանյութեր

• Բելառուսի Հանրապետության նախագահ Ալեքսանդր Լուկաշենկոն և "Բարգավաճ Հայաստան" կուսակցության նախագահ Գագիկ Ծառուկյանը:
• Տեղի ունեցավ Ս. Հովհաննես Մկրտչի եկեղեցու օծման արարողությունը:
• Հարցազրույց ԲՀԿ նախագահ Գագիկ Ծառուկյանի հետ:
• Գլխավոր դատախազը Գագիկ Ծառուկյանի ճնշումների մասին:
• Գագիկ Ծառուկյան. «ԲՀԿ-ն չի կարող ընդդիմություն դառնալ»:
• ԲՀԿ առաջնորդ Գագիկ Ծառուկյանի այցը Գյումրի:
• Գագիկ Ծառուկյան հիմնադրամը կարտոֆիլի սերմացուով է ապահովել Շիրակի մարզի բնակիչներին:
• Գագիկ Ծառուկյան բարեգործական հիմնադրամի աջակցությամբ, բազմաթիվ համայնքներ տրակտորներ են ստացել:

Հրապարակումներ մամուլում

• «Մեր երկիրը դարձնելու ենք բարգավաճ ու բարեկեցիկ»:
• Տեղադրվեցին նոր կառուցվող եկեղեցիների զանգերը:
• Հախվերդյանը՝ Ծառուկյանի հետ հանդիպման մասին:
• Գագիկ Ծառուկյանն ընդունեց Պատանեկան օլիմպիական խաղեր մեկնող մարզիկներին:
• Գագիկ Ծառուկյան․ «Այս անգամ հաղթանակը շրջանցելու է Մելիք-Ադամյան փողոցը»:
• Գագիկ Ծառուկյանը վարչապետի հրաժարականի մասին:
• Գագիկ Ծառուկյանը` հին ու նոր վարչապետերի, Հովիկ Աբրահամյանի հետ խնամիական կապի, իր խոստումների և այլնի մասին:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• Գագիկ Ծառուկյան: