Ընթացիկ տարբերակը 06:35, 7 Հունիսի 2022-ի դրությամբ

Ղամբարյան Արշակ Սեդրակի
Гамбарян Аршак Седракович
Այլ անուններ:	«Արջ»
Անգլերեն:	Ghambaryan Arshak
Հայերեն:	Ղամբարյան Արշակ Սեդրակի
Ծննդյան տարեթիվը:	06.10.1958
Ծննդավայրը:	Երևան, Հայաստանի Հանրապետություն
Մահվան տարեթիվը:	21.04.1994
Մահվան վայրը:	գ. Կարմիրավան, Արցախ
Համառոտ տվյալներ: Ազատամարտիկ, Ղարաբաղյան շարժման մասնակից:

Կենսագրություն

Ծնվել է 1958թ. հոկտեմբերի 6-ին Հայաստանի Հանրապետության Երևան քաղաքում:

Կրթություն

• Ավարտել է Երևանի թիվ 31 դպրոցը։

Աշխատանքային գործունեություն

• 1976-1978թթ.՝ ծառայել է ԽՍՀՄ ԶՈՒ-ում:

Ձեռքբերումներ

• Հետմահու պարգևատրվել է ՀՀ և ԼՂՀ «Մարտական խաչ» 1-ին աստիճանի շքանշաններով:

Այլ

• 1988-ին Երևանի Անկախության հրապարակում հայտարարել է անժամկետ հացադուլ` Լեռնային Ղարաբաղը Հայաստանին վերամիավորելու պահանջով և դադարեցրել է 22 օր անց` բժիշկների պահանջով:
• 1989-ի փետրվարին Գորիսում, որպես շարժման մասնակից, ձերբակալվել է խորհրդային դատախազության հատուկ խմբի պահանջով և մինչև սեպտեմբեր կալանվել Գորիսի ու Նուբարաշենի մեկուսարաններում:
• 1990–1994-ին «Մուշ» և «Արծիվ-5» (հրամանատարի տեղակալ) ջոկատների կազմերում Ա. Ղամբարյանը (մինչև 1993-ը եղբոր` Ղ. Ղամբարյանի հետ) մասնակցել է ՀՀ Արարատի (Երասխ), Իջևանի, Նոյեմբերյանի, Գորիսի (Կոռնիձոր, Խնձորեսկ), Սիսիանի, Կապանի և ԼՂՀ Շահումյանի, Մարտակերտի (Մեծշեն, Ումուդլու, Հակոբ Կամարի, Կարմիրավան), Շուշիի, Լաչինի («Մարդասիրական միջանցք»), Մարտունիի, Ֆիզուլիի (Հորադիզ) ինքնապաշտպանական և ազատագրական մարտերին:
• 1994-ի ապրիլի 21-ի գիշերը Շենգավիթի գրոհային ջոկատի 38 ազատամարտիկներ դիրքավորվել են Կարմիրավանի մատույցներում: Հակառակորդը լուսաբացին նախահարձակ է եղել: Զգալով շրջապատման վտանգը` Ա. Ղամբարյանը և 13 ազատամարտիկներ կրակը վերցրել են իրենց վրա և ապահովել մյուսների նահանջը: Շրջապատման մեջ Ա. Ղամբարյանը ձեռնամարտի է բռնվել հակառակորդի զինվորների հետ, սպանել նրանցից մեկին և զոհվել:
• Թաղված է Եռաբլուրում:
• Ա. Ղամբարյանին է նվիրված Աղասի Իսպիրյանի կատարմամբ «Արշակ Ղամբարյանի հիշատակին» երգը։
• 2018 թվականին Երևանի Շենգավիթ համայնքում տեղադրվել է Արշակ Ղամբարյանի կիսանդրին, քանդակագործ՝ Հայկ Թոքմաջյան:

Տեսանյութեր

• Արշակ Ղամբարյան (Արջ):
• Ճանաչենք մեր հերոսներին. ԱՐՇԱԿ ՂԱՄԲԱՐՅԱՆ:

Հրապարակումներ մամուլում

• ԱՐՋԸ:

Տե՛ս նաև

• Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
• Արշակ Ղամբարյան.Կենսագրություն: