06:30, 26 Մայիսի 2022-ի տարբերակ

Ղազարյան Ռաֆայել Ավետիսի
Казарян Рафаэл Аветисович
Անգլերեն:	Ghazaryan Rafael
Հայերեն:	Ղազարյան Ռաֆայել Ավետիսի
Ծննդյան տարեթիվը:	26.01.1924
Ծննդավայրը:	ք. Արմավիր, Ռուսաստան
Մահվան տարեթիվը:	03.11.2007
Մահվան վայրը:	Երևան, Հայաստանի Հանրապետություն
Համառոտ տվյալներ: Ռադիոֆիզիկոս, Ղարաբաղյան շարժման մասնակից, «Ղարաբաղ» կոմիտեի անդամ: Տեխնիկական գիտությունների դոկտոր, պրոֆեսոր, ՀՀ ԳԱԱ ակադեմիկոս:

Կենսագրություն

Ծնվել է 1924թ. հունվարի 26-ին ՌԴ Կրասնոդարի երկրամասի Արմավիր քաղաքում:

Կրթություն

• 1951թ. ավարտել է Մոսկվայի կապի էլեկտրատեխնիկական ինստիտուտը:
• 1953-1956թթ. Ռ.Ղազարյանը սովորել է Մոսկվայի կապի էլեկտրատեխնիկական ինստիտուտի ասպիրանտուրայում, որն ավարտել է` պաշտպանելով թեկնածուական ատենախոսություն:

Աշխատանքային գործունեություն

• 1958թ.-ին կազմակերպել և մինչև 1969թ. ղեկավարել է Երևանի պետական համալսարանի ռադիոֆիզիկայի և էլեկտրոնիկայի ամբիոնը:
• 1963–1990թթ.` ՀՀ ԳԱԱ ֆիզիկական հետազոտությունների ինստիտուտի իր հիմնադրած քվանտային էլեկտրոնիկայի բաժնի, 1975–1990թթ., միաժամանակ` Հայկական պետական ճարտարագիտական համալսարանի ռադիոկապի ամբիոնի վարիչ:
• 1989-1995թթ.` ՀԽՍՀ (ապա` ՀՀ) ԳԽ պատգամավոր:
• 1990թ. փետրվար-հուլիսին` ՀՀ ԳԽ փոխնախագահ, 1990–1995թթ.` ՀՀ ԳԽ կրթության, գիտության, լեզվի և մշակույթի մշտական հանձնաժողովի նախագահ:
• 1991թ.-ից` ՀՀ ԳԱԱ «Մաշտոց» ճարտարագիտական կենտրոնի (կազմակերպվել է իր նախաձեռնությամբ) տնօրեն:

Ձեռքբերումներ

• 1975թ.՝ տեխնիկական գիտությունների դոկտոր:
• 1978թ.` պրոֆեսոր:
• 1996թ.` ՀՀ ԳԱԱ ակադեմիկոս:
• Պարգևատրվել է Հայրենական պատերազմի II աստիճանի և բազմաթիվ այլ շքանշաններով ու մեդալներով:
• Պարգևատրվել է ԼՂՀ «Մխիթար Գոշ» շքանշանով:

Այլ

• 1989-ի հունվարին «Ղարաբաղ» կոմիտեի մյուս անդամների հետ ձերբակալվել է ԽՍՀՄ պատժիչ զորքերի կողմից և 5 ամիս պահվել Մոսկվայի Բուտիրյան բանտում:

Նկարներ

Մատենագիտություն

• Նա հեղինակ է ավելի քան 100 գիտական հոդվածների, «Гетеродинный прием и его применение, Итоги науки. Радиотехника, т.33» (М.,1984), «Ռադիոտեխնիկական ոչ գծային և պարամետրական շղթաներ» (Եր., 1987), “Оптические системы передачи информации по атмосферному каналу” (М.,1985) մենագրությունների և «Ռադիոտեխնիկայի պրակտիկում» (Եր., 1965) դասագրքի, համահեղինակ` «Ձեռնարկ ռադիոսովորողների համար» (Եր., 1961) գրքի: Հրատարակել է նաև «Հաշվետու եմ...» (Եր., 2003) հուշագրությունը:

Տե՛ս նաև

• Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
• ՌԱՖԱՅԵԼ ՂԱԶԱՐՅԱՆ:
• Ղազարյան Ռաֆայել Ավետիսի: