19:03, 27 Հունվարի 2014-ի տարբերակ

Կենսագրություն

Ծնվել է 1954 թվականի ապրիլի 12-ին Գեղարքունիքի մարզի Սարուխան գյուղում:

«Հայաստան» համահայկական հիմնադրամի և մի շարք այլ հիմնադրամների հոգաբարձուների խորհրդի անդամ է, Հայ-ամերիկյան առողջության կենտրոնի համահիմնադիր, Հայ կանանց միջազգային միության նախագահ, ԵՊՀ-ի, ԵԲՀ-ի խորհուրդների անդամ, ԳՊՀ-ի խորհրդի նախագահ:

Ստեղծել է երիտասարդական խորհրդարանը:

Դասավանդում է ՀՀ պետական կառավարման ակադեմիայում և Գավառի պետական համալսարանում:

Հայաստանի Հանրապետական կուսակցություն, ՀՀԿ գործադիր մարմնի անդամ է:

Կրթություն

1970 թ. ոսկե մեդալով ավարտել է Գավառի թիվ 1 դպրոցը,

1975թ. ավարտել է Երևանի պետական համալսարանի կիրառական մաթեմատիկայի ֆակուլտետը,

1989թ. գերազանցությամբ ավարտել է Մոսկվայի հասարակական գիտությունների ակադեմիան,

1994թ. գերազանցությամբ ավարտել է Երևանի պետական համալսարանի իրավաբանական ֆակուլտետը: Իրավաբանական գիտությունների դոկտոր-պրոֆեսոր է:

Աշխատանքային գործունեություն

1975-1983թթ. -Երևանի պետական համալսարանի կիրառական մաթեմատիկայի ֆակուլտետի դասախոս,

1978-1983թթ. -ԵՊՀ ԼԿԵՄ կոմիտեի քարտուղարի տեղակալ, քարտուղար,

1983-1985թթ. - ՀԼԿԵՄ կենտկոմի քարտուղար,

1985-1990թթ. - ՀԼԿԵՄ կենտկոմի առաջին քարտուղար, ընտրվել է ՀամԼկեմ Կենտկոմի բյուրոյի անդամ (Մոսկվա),

1986-1990թթ.- ՀԽՍՀ Գերագույն խորհրդի պատգամավոր,ԳԽ նախագահության անդամ,

1990-1995թթ.- ՀՀ ԳԽ և ԱԺ պատգամավոր, ԱԺ սոցիալական առողջապահության և բնության պահպանության հարցերի մշտական հանձնաժողովի փոխնախագահ,

1995-1996թթ.-ՀՀ ԳԽ և ԱԺ պատգամավոր, ԱԺ սոցիալական առողջապահության և բնության պահպանության հարցերի մշտական հանձնաժողովի նախագահ,

1995-1997թթ.- ԱՊՀ երկրների միջխորհրդարանական վեհաժողովի սոցիալական հարցերի հանձնաժողովի փոխնախագահ,

1996-1998թթ. -ՀՀ սոցիալական ապահովության նախարար,

1996-2008թթ.- Միջխորհրդարանական միության միջազգային վեհաժողովի հայաստանյան պատվիրակության անդամ, ապա՝ ղեկավար, Կանանց հիմնախնդիրները համակարգող խորհրդի անդամ,

1999-2003թթ.- ԱԺ արտաքին հարաբերությունների մշտական հանձնաժողովի անդամ, ԵՄ-Հայաստան հանձնաժողովի փոխնախագահ,

2003-2008թթ.- ԱԺ գիտության, կրթության, մշակույթի և երիտասարդության հարցերի մշտական հանձնաժողովի նախագահ,

06.2008թ.-10.2008թ. -ՀՀ ԱԳՆ սփյուռքի հետ կապերի պետական կոմիտեի նախագահ,

01.10.2008թ.-առ այսօր- ՀՀ սփյուռքի նախարար,

2012թ. հունիսի 16-ին վերանշանակվել է ՀՀ սփյուռքի նախարարի պաշտոնում:

2013թ. մայիսի 8-ին նշանակվել է ՀՀ սփյուռքի նախարարի պաշտոնում:

Ձեռքբերումներ

Ճանաչվել է տարվա լավագույն կին, տարվա լավագույն պատգամավոր, լավագույն քաղաքական գործիչ:

2008 թ. ՀՀ Նախագահի հրամանագրով նրան շնորհվել է ՀՀ արտակարգ և լիազոր դեսպանի կոչում: Պարգևատրվել է «Պատվո նշան» շքանշանով, Ֆրանսիայի Նախագահի կողմից՝ «Արժանիքի համար» շքանշանով, 2011թ. ՀՀ Նախագահի հրամանագրով պարգևատրվել է «Մխիթար Գոշ» մեդալով, 2012թ. Հալեպի Հայկական Բարեգործական Ընդհանուր Միության Հայ Երիտասարդաց Ընկերակցության ոսկե մեդալով, Խաչատուր Աբովյանի մեդալով:

Ունի կառավարական գերատեսչական այլ պարգևներ:

Կապ

Հեռ՝ (+374 10) 58-56-01 (122)

Էլ. փոստ՝ minister@mindiaspora.am

Հղումներ

ՀՀ սփյուռքի նախարարության պաշտոնական կայք

ՀՀ կառավարության պաշտոնական կայք