07:52, 6 Հունվարի 2015-ի տարբերակ

Ահարոնյան Գերսամ Փանոսի
Ааронян Герсам Паносович
Անգլերեն:	Aharonyan Gersam
Հայերեն:	Ահարոնյան Գերսամ Փանոսի
Ծննդյան տարեթիվը:	09.11.1916
Ծննդավայրը:	Մարաշ, Կիլիկիա
Մահվան տարեթիվը:	20.01.1981
Մահվան վայրը:	Բեյրութ, Լիբանան
Համառոտ տվյալներ: Հասարակական գործիչ, հրապարակագիր, մանկավարժ:

Կենսագրություն

Ծնվել է 1916թ. նոյեմբերի 9-ին Կիլիկիայի Մարաշ քաղաքում:

Մահացել է 1981թ. հունվարի 20-ին Լիբանանի մայրաքաղաք Բեյրութում:

Կրթություն

• Տարրական կրթությունն ստացել է Հալեպի Բեթել հայ ավետարանական նախակրթարանում:
• Սովորել է Հալեպի «Ալեփփո» քոլեջում:
• 1937թ. ավարտել է Կիպրոսի Մելգոնյան կրթական հաստատությունը:

Աշխատանքային գործունեություն

• 1937-1942թթ.՝ Կիպրոսի Մելգոնյան կրթական հաստատության ուսուցիչ:
• 1942թ.-ից դասավանդել է Բեյրութի ՀԲԸՄ Դարուհի Հակոբյան և Կովակիմյան-Մանիուկյան երկրորդական վարժարաններում:
• 1966թ.-ից դասավանդել է Բեյրութի Երվանդ Հյուսիսյանի հայագիտական հիմնարկում:
• 1948-1981թթ.՝ «Զարթոնքի» (Բեյրութ) խմբագիր:

Ձեռքբերումներ

• 1969թ.՝ Նյու Յորքի ակադեմիայի պատվավոր դոկտոր:

Այլ

• ՌԱԿ-ի ղեկավարներից է, Թեքեյան մշակութային միության հիմնադիրներից:
• «Անի» գրական ամսագրի հիմնադիրներից է:
• Իր ստեղծագործություններում արծարծել է Հայկական հարցի ծագման, էության, հայ ազատագրական պայքարի, ցեղասպանության դրդապատճառների խնդիրները:
• Ահարոնյանը գտնում էր, որ չպետք է թույլ տալ Հայկական հարցի մոռացումը կամ անտեսումը, որ արդի պայմաններում այդ հարցի բնական լուծումը Թուրքիայի կողմից բռնագրավված հայկական տարածքների գրեթե մի մասի ազատագրումն ու կցումն է գոյություն ունեցող հայկական պետությանը (Ահարոնյանի կենդանության օրոք` Հայկական ԽՍՀ-ին):
• Ահարոնյանն առաջարկում էր ստեղծել հայ դատի հետապնդման կենտրոնական մարմին, ի նպաստ Հայ դատի նախապատրաստել միջազգային հասարակական կարծիք և հայկական տարածքների հարցը դարձնել ՄԱԿ-ի քննարկման առարկա:

Նկարներ

• 
• 

  Իսամ Պարուտ, Մովսես Տեր-Գալուստյան, Մոհմեն Սլիմ, Գերասմ Ահարոնյան, Բարունակ Թովմասյան, Հայկ Պալյան

• 
• 
• 

Հրապարակումներ մամուլում

• Մահուան 33-րդ Տարելից Մեծ Երազի` Առաջնորդ Ընկեր Գերսամ Ահարոնեանի, Հայերն այսօր:
• Մեծասքանչ Հայորդի՝ Ընկ. Գերսամ Ահարոնեանի Յիշատակին Նուիրուած Հանդիսութիւն (Մահուան Երեսնամեակին Առիթով), Հայերն այսօր:
• Գերսամ Ահարոնեանը Դպրոց, Հնոց, Դարբնոց, Keghart.com:
• Գերսամ Ահարոնեանը Դպրոց, Հնոց, Դարբնոց, Նոյյան տապան:
• Յիշատակի Հանդիսութիւն՝ Գերսամ Ահարոնեանի Մահուան 30րդ Տարելիցին Առթիւ, Asbarez.com:

Մատենագիտություն

• Ահարոնյան Գ.Փ., Մեծ երազի ճամբուն վրայ, 1964:
• Ահարոնյան Գ.Փ., Խոհեր յիսնամյակի ավարտին. 1915-1965, 1966:
• Ահարոնյան Գ.Փ., Հայկական հարցը արաբ ժողովրդի հանրային կարծիքի առջև, 1965 (արաբերեն):
• Ահարոնյան Գ.Փ., Յուշամատեան Մեծ եղեռնի. 1915-1965, 1965 (համահեղինակ):

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• ՀՍՀ, հատոր 1, Ե., 1974, էջ 236:
• Գառնիկ Ստեփանյան, Կենսագրական բառարան, հատոր 1, Ե., «Հայաստան», 1973, էջ 61-62:
• Հայկական համառոտ հանրագիտարան, հատոր 1, Ե., ՀԽՀԳԽ, 1990, էջ 117-118:
• «Հայկական հարց» հանրագիտարան, Երևան, 1996:
• Գերսամ Ահարոնյան, ԵՊՀ Հայագիտական հետազոտությունների ինստիտուտի կայք:
• Գերսամ Ահարոնյան, Բանասիրության հանրագիտարան: