07:06, 29 Հոկտեմբերի 2014-ի տարբերակ

Հայրունի Աշոտ Նորայրի
Айруни Ашот Норайрович
Անգլերեն:	Hayruni Ashot
Հայերեն:	Հայրունի Աշոտ Նորայրի
Ծննդյան տարեթիվը:	01.09.1964
Ծննդավայրը:	Խաչաղբյուր, Հայաստանի Հանրապետություն
Համառոտ տվյալներ: Պատմաբան, բանասեր, թարգմանիչ:

Կենսագրություն

Ծնվել է 1964թ. սեպտեմբերի 1-ին Հայաստանի Հանրապետության Գեղարքունիքի մարզի Խաչաղբյուր գյուղում:

Կրթություն

• 1986թ. ավարտել է ԵՊՀ բանասիրական ֆակուլտետը:
• 1983-1985թթ. ԵՊՀ, հասարակական մասնագիտությունների ֆակուլտետ:
• 1987-1991թթ. ԵՊՀ, ասպիրանտուրա:

Աշխատանքային գործունեություն

• 1987-1990թթ.՝ «Վարդենիս» շրջանային օրաթերթի բաժնի վարիչ:
• 1990-1994թթ.՝ «Հայաստանի Հանրապետություն» օրաթերթի բաժնի վարիչ:
• 1993թ. Եռամսյա գիտահրապարակախոսական գործունեություն Գերմանիայում՝«Westfalenpost» պարբերականում:
• 1994-1996թթ.՝ ՀՀ ԱԳՆ երրորդ քարտուղար:
• 1998թ.-ից դասախոսում է Երևանի «Հրաչյա Աճառյան» համալսարանում:
• 2005թ.-ից դասախոսում է ԵՊՀ-ում:'
• 1995թ.` Եռամսյա դիվանագիտական կուրսեր Գերմանիայում (Բոնն, Բեռլին):

Ձեռքբերումներ

• 1991թ.՝ բանասիրական գիտությունների թեկնածու:
• 2003թ.՝ պատմական գիտությունների դոկտոր:

Այլ

• Գիտահետազոտական աշխատանքներ է կատարել Հալլեի Մարտին Լյութերի անվան (1997, Գերմանիա) և Բորխումի Ռուհրի անվան (2000) համալսարաններում:
• Աշխատությունները վերաբերում են Րաֆֆու քննադատական և հրապարակախոսական հայացքներին և Յոհաննես Լեփսիուսի հայանպաստ գործունեությանը:
• Կազմել է Յոհաննես Լեփսիուսի և նրա <<Գերմանական առաքելություն Արևելքում>> (1914) ընկերության հրատարակած պարբերական մամուլի նյութերի մատենագիտության տեղեկատուն (գերմաներեն, Մյունխեն, 1998):
• Թարգմանություններ է կատարել գերմաներենից:
• Խմբագրել է Վ. Ա. Միքայելյանի կազմած՝ Հայկական հարցին և Հայոց ցեղասպանությանը վերաբերող գերմաներեն դիվանագիտական տեղեկագրերի ժողովածուն և այլ աշխատություններ:

Կարդացվող դասընթացներ

• Հայոց պատմություն (ընդհանուր դասընթաց), Կայսերական Գերմանիայի արևելյան քաղաքականությունը և Հայկական հարցը (հատուկ դասընթաց), Հայոց ցեղասպանությունը և Հոլոքոստը (հատուկ դասընթաց), Հայ կամավորական ջոկատներն առաջին աշխարհամարտի շրջանում (հատուկ դասընթաց), Խորհրդային Հայաստանի տեղը և դերը հայոց պատմության մեջ (հատուկ դասընթաց):

Մասնակցությունը դրամաշնորհների

• 1997թ. Դրամաշնորհ Գերմանիայի՝ «Գիտությունների գերմանական ակադեմիաների համաժողով» (Akademienkonferenz) կազմակերպության կողմից գիտահետազոտական աշխատանքի վարման համար:
• 2000թ. Դրամաշնորհ Գերմանիայի՝ «Փոխանակությունների գերմանական ակադեմիական հաստատություն» (DAAD) կազմակերպության կողմից գիտահետազոտական աշխատանքի վարման համար:
• 2001թ. Դրամաշնորհ Մյունխենի Հայկական հարցերի հաստատության կողմից մենագրության հրատարակման համար:
• 2002թ. Դրամաշնորհ գերմանական «Ֆրիդրիխ Էբերտի անվան հիմնադրամի» (Friedrich Ebert-Stiftung) կողմից մենագրության հրատարակման համար:
• 2009թ. Դրամաշնորհ Կալիֆոռնիայի «Գիտության, կրթության և մշակույթի զարգացման գործիչներ» (SSECD) կազմակերպության կողմից գիտահետազոտական աշխատանքի վարման և մենագրության հրատարակման համար:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• Երևանի պետական համալսարան: