Ալեքսանյան Արտո Բոգդանի
Hayazg-ից
| Ալեքսանյան Արտո Բոգդանի | |
| Алексанян Арто Богданович | |
| |
| Այլ անուններ: | Ալեքսանյան Արտո Ասատուրի |
| Անգլերեն: | Aleksanyan Arto |
| Հայերեն: | Ալեքսանյան Արտո Բոգդանի |
| Ծննդյան տարեթիվը: | 29.08.1892 |
| Ծննդավայրը: | Թիֆլիս, Վրաստան |
| Մահվան տարեթիվը: | 05.01.1971 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Համաճարակաբան: | |
Բովանդակություն
Կենսագրություն
Ծնվել է 1892թ. օգոստոսի 29-ին (սեպտեմբերի 10) Վրաստանի Թիֆլիս քաղաքում:
Կրթություն
- 1916թ. ավարտել է Օդեսայի համալսարանի բժշկական ֆակուլտետը:
- Կովկասյան ռազմաճակատում ծառայել է որպես զինվորական բժիշկ:
Աշխատանքային գործունեություն
- 1920–1926թթ. աշխատել է Նոյեմբերյանի, Դիլիջանի և Նոր Բայազետի շրջաններում որպես տեղամասային և սանիտարական բժիշկ։
- 1935-1971թթ.՝ ԵԲԻ համաճարակաբանության և բժշկական մակաբուծության ամբիոնի հիմնադիր-վարիչ:
Ձեռքբերումներ
- 1940թ.՝ բժշկական գիտությունների դոկտոր, պրոֆեսոր:
- 1955թ.՝ ՀԽՍՀ գիտության վաստակավոր գործիչ:
- 1960թ.՝ ԽՍՀՄ ԲԳԱ ակադեմիկոս:
- ՀԽՍՀ առողջապահության նախարարության գիտաբժշկական խորհրդի նախագահ:
- ՀԽՍՀ մանրէաբանների, համաճարակագետների ու վարակագետների ընկերության նախագահ:
Այլ
- Վ.Ա. Ալեքսանյանի հայրն է:
- 1927թ. Երևանում կազմակերպել է Հայաստանում առաջին սանհիգիենային լաբորատորիան, որի հիմքի վրա 1971թ. կազմավորվել է Համաճարակաբանության, վիրուսաբանության և բժշկական մակաբուծաբանության ինստիտուտը (1971թ.-ից՝ Ալեքսանյանի անունով):
- Աշխատանքները վերաբերում են ընդհանուր համաճարակաբանության, երկրամասային ախտաբանության, դիֆթերիայի և դիզենտերիայի կանխարգելմանն ու իմունիտետի հարցերի ուսումնասիրությանը: Ներդրել է դիֆթերիայի կրկնակի պատվաստման նոր համակարգ, որը նպաստել է այդ հիվանդության վերացմանը Հայաստանում. կիրառվել է նաև ԽՍՀՄ հանրապետություններում:
Հրապարակումներ մամուլում
Մատենագիտություն
- Ալեքսանյան Ա.Բ., Դիֆթերիա, Ե., 1949:
- Ալեքսանյան Ա.Բ., Ընդհանուր և մասնավոր էպիդեմոլոգիա, Ե., 1960:
- Ալեքսանյան Ա.Բ., Վակցինաներ, շիճուկներ և բակտերիոֆագեր, Ե., 1965 (համահեղինակ):
- Ալեքսանյան Ա.Բ., Ինֆեկցիոն և վիրուսային հիվանդությունների էպիդեմոլոգիան ու պրոֆիլակտիկան, Ե., 1975:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Մարտիրոսյան Վ., Արտո Ալեքսանյան (Կյանքը և գործը), Ե., 1990:
- Айриян А. П. Армянские учёные-медики. Ер., 1998 - 276 с.
- «Կոչումով բժիշկ» նախագծի յոթերորդ անդրադարձը նվիրված է Ալեքսանյան-Զիլֆյան ընտանիքին:
- Арто Богданович Алексанян.
- Большая Медицинская Энциклопедия АЛЕКСАНЯН Арто Богданович.
