Մեղրյան Շահեն Զինավորի
Hayazg-ից
15:54, 27 Հոկտեմբերի 2015 տարբերակ, Vtovmasyan (քննարկում | ներդրում)
| Մեղրյան Շահեն Զինավորի | |
| |
| Հայերեն: | Մեղրյան Շահեն Զինավորի |
| Ծննդյան տարեթիվը: | 02.01.1952 |
| Ծննդավայրը: | Գյուլիստան, ԽՍՀՄ |
| Մահվան տարեթիվը: | 17.04.1993 |
| Մահվան վայրը: | Գյուլիստան, ԼՂՀ Շահումյանի շրջան |
| Համառոտ տվյալներ: Ղարաբաղյան ազատագրական շարժման գործիչ, Շահումյանի ինքնապաշտպանության ուժերի հրամանատար, հայդուկապետ: | |
Բովանդակություն
Կենսագրություն
Ծնվել է 1952թ. հունվարի 2 -ին Արցախի Շահումյանի շրջանի Գյուլիստան գյուղում:
Մահացել է 1993թ. ապրիլի 17 -ին ԼՂՀ Շահումյանի շրջանի Գյուլիստան գյուղում:
Կրթություն
- 1975թ. ավարտել է Երևանի պետական համալսարանի տնտեսագիտության ֆակուլտետը:
Աշխատանքային գործունեություն
- 1975թ. համալսարանն ավարտելուց հետո, նախ` աշխատել է որպես տնտեսագետ, ապա` շրջանի կոմերիտմիության առաջին քարտուղար:
- 1981-1988թթ.՝ Շահումյանի պահածոների գործարանի տնօրեն:
- 1988-1991թթ.՝ Շահումյանի շրջանի ագրոարդյունաբերության վարչության պետ:
- 1991-1992թթ.՝ Շահումյանի շրջգործկոմի նախագահ և կուսշրջկոմի առաջին քարտուղար:
Ձեռքբերումներ
- Հետմահու պարգևատրվել է ՀՀ և ԼՂՀ «Մարտական խաչ» 1-ին աստիճանի շքանշանով:
- Հետմահու պարգևատրվել է Հայ առաքելական եկեղեցու «Սուրբ Գրիգոր» շքանշանով:
- 2014թ. հոկտեմբերի 24-ին ԼՂՀ նախագահի հրամանագրով հայրենիքի պաշտպանության գործում մատուցած բացառիկ ծառայությունների համար Շահեն Զինավորի Մեղրյանն արժանացել է «Արցախի հերոս» ԼՂՀ բարձրագույն կոչման և պարգևատրվել «Ոսկե արծիվ» շքանշանով:
Այլ
- Ղարաբաղյան պատերազմի սկզբին Մեղրյանը կազմակերպել է կամավորական մարտական ջոկատներ և շրջանի ինքնապաշտպանությունը: Զուգահեռաբար անլեգալ հանդիպումներ է ունեցել ՀՀ և ԼՂՀ ղեկավարների հետ, շրջանի օրհասական պահերին բողոք- հեռագրերով դիմել ԽՍՀՄ նախագահ Մ.Գորբաչովին և ՌԽՖՍՀ նախագահ Բ.Ելցինին:
- 1990թ. անդամագրվել է ՀՅԴ կուսակցությանը:
- 1990թ.-ի հունվարի 8-ին Մեղրյանը և շրջանի ողջ ղեկավարությունը պատանդվել են Մարտունաշեն գյուղի մոտ: 1990թ.-ի հունվարի 18-ին փոխանակումով ազատվել են:
- Մեղրյանիի ստեղծած ինքնապաշտպանության ջոկատը 1990թ.-ի հունվարին Մանաշիդ գյուղում ընդհարվել է գյուղի բնակչությանը տեղահանող ադրբեջանական ուժերի հետ և հետ շպրտել հակառակորդին գյուղի սահմաններից:
- 1991թ.-ին Մեղրյանի ղեկավարությամբ ազատագրվել են «Օղակ» գործողության ժամանակ զավթված Էրքեջ, Բուզլուխ և Մանաշիդ գյուղերը: Այս ռազմական գործողությունն առաջինն էր Ղարաբաղյան պատերազմի ժամանակ, երբ կամավոր ազատամարտիկներն իրենց ուժերով ազատագրել են զավթված տարածքներ: Երկու ամիս հետո` նոյեմբերի 29-ին հայկական ուժերը` Մեղրյանի հրամանատարությամբ վերահսկողության տակ առան ադրբեջանական Թոդան գյուղը:
- 1992թ.-ի հունիսի 13-ին, Շահումյանի շրջանի և Գետաշենի ենթաշրջանի բնակչության բռնի տեղահանումից հետո, Մեղրյանը Հաթերք գյուղում կազմակերպել է պարտիզանական ջոկատ և ԼՂՀ հյուսիսում մասնակցել Մարտակերտի շրջանի գյուղերի (Հաթերք, Ականաբերդ, Մադաղիս, Տոնաշեն, Դաստագիր), Գյուլիստանի ազատագրական մարտերին, Սարսանգի հիդրոհանգույցի ռազմական գործողությանը` պարտության մատնելով ադրբեջանական բանակի Գերանբո յի գնդին:
- 1993թ. մարտի 11-ին «Եղնիկներ» ջոկատի տրամադրության տակ եղած ուժերի և միջոցների հիմքի վրա կազմավորվոց Հատուկ նշանակության գունդ` Շահեն Մեղրյանի հրամանատարությամբ:
- Զոհվել է ուղղաթիռի վթարից: Թաղված է Եռաբլուրում, որտեղ կանգնեցված է նրա հիշատակը հավերժացնող հուշարձան:
- Մեղրյանի անունն է կրում ՊՆ մեկ զորամաս:
- 1997թ.-ից գործում է «Շահեն Մեղրյան» բարեգործական հիմնադրամը:
Նկարներ
Տեսանյութեր
- ՇԱՀԵՆ ՄԵՂՐՅԱՆԻ ԵՐԳԸ (Վեր կաց Շահեն):
- Վերադարձնում ենք մեզ հասցրած վիրավորանքները - Շահեն Մեղրյան:
- Արցախի հերոս Շահեն Մեղրյան ԼՂՀ "Ոսկե արծիվ" շքանշանակիր:
Հրապարակումներ մամուլում
- Բացվեց Շահեն Մեղրյանի հուշարձանը. Սկսեցինք Շահումյանով, պիտի ազատագրենք այն, Aysor.am:
- «Շահեն Մեղրյանի աննկուն ոգին իմանալու համար բավական է իմանալ, որ նա Գյուլիստանի նահապետ Զինավոր դայու արժանավոր զավակն էր», «Առավոտ» օրաթերթ:
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Սենոր Հասրաթյան, “Ոսկե արծիվ” շքանշանի ասպետները, Երևան, “Տիգրան Մեծ” հրատարակչություն, 2015:
