Մադոյան Ղուկաս Կարապետի

Մադոյան Ղուկաս Կարապետի
Мадоян Гукас Карапетович
Անգլերեն:	Madoyan Ghukas
Հայերեն:	Մադոյան Ղուկաս Կարապետի
Ծննդյան տարեթիվը:	1906
Ծննդավայրը:	Քերս, Կարսի մարզ
Մահվան տարեթիվը:	11.06.1975
Մահվան վայրը:	Երևան, Հայաստանի Հանրապետություն
Համառոտ տվյալներ: Խորհրդային Միության հերոս, փոխգնդապետ:

Կենսագրություն

Ծնվել է 1906թ. հունվարի 15-ին Կարսի մարզի Կաղզվանի գավառի Քերս գյուղում:

Կրթություն

• 1924թ. ավարտել է դիվիզիոնային հետևակային դպրոցը:
• 1940թ.ավարտել է «Վիստրել» դասընթացը։
• 1944թ. ավարտել է Մոսկվայի Մ. Ֆրունզեի անվան ռազմական ակադեմիան:
• 1946-1948թթ. սովորել է կուսակցական դպրոցում:

Ռազմական գործունեություն

• 1920-1925թթ. զորակոչվել է ԶՈւ։
• 1930-1933թթ. եղել է Հայկական Լեռնահրաձգային գնդի հրաձգային վաշտի հրամանատար։ Նորից զորակոչվել է 1940թ.։
• Հայրենական պատերազմին մասնակցել է 1941թ. հունիսի 22-ից: 1942թ. նոյեմբերի 19-ից 3-րդ հրաձգային գումարտակի հրամանատար։
• 1943թ. հունվարից մասնակցել է Կոտելնիկովո, Սոմսկ, Զերնոգրադ, Բատայսկ քաղաքների ազատագրմանը: 1943թ. փետրվարի 8-ի գիշերը Մադոյանի հրաձգային գումարտակը գրավել է Դոնի Ռոստով կայարանի մասը կազմող երկաթուղային հանգույցը, իսկ առավոտյան գլխավորել է հրաձգային բրիգադի ընտրյալ ջոկատ, որի հետ 1943թ. փետրվարի 8-14-ին պաշտպանել է Դոնի Ռոստովի կայարանը։ Հերոսական պաշտպանության 6 օրվա ընթացքում Մադոյանի ջոկատը ետ է մղել հակառակորդի 43 հակագրոհ, բայց պահել է կայարանը մինչև համալրման գալը, ոչնչացրել է 300 զինվոր, 35 ավտոմեքենա, 10 մոտոցիկլ, տանկ, 3 կրակակետ։ Մարտական առաջադրանքի օրինակելի կատարման, Դոնի Ռոստովի պաշտպանական մարտերում ցուցաբերած արիության և հերոսության համար 3-րդ հրաձգային գումարտակի (159-րդ առանձին Հրաձգային բրիգադ, 28-րդ Բանակ, Հարավային ռազմաճակատ) հրամանատար ավագ լեյտենանտ Ղ. Կ. Մադոյանին ԽՍՀՄ ԳԽՆ 1943 թվականի մարտի 31-ի հրամանագրով շնորհվել է Խորհրդային Միության հերոսի կոչում, պարգևատրվել է Լենինի շքանշանով (№ 11415) և «Ոսկե աստղ» մեդալով (№ 731, ԽՄՀ գրքույկ № 872, ԽՍՀՄ ԳԽՆ վկայական № 1343, Շքանշանային գրքույկ № 220632)։
• 1944թ. հոկտեմբերի 10-ին Դեմբիցայի (Լեհաստան) ազատագրման մարտերում ծանր վիրավորվել է։ Առողջության պատճառով զորացրվել է 1944 թվականին։

Աշխատանքային գործունեություն

• 1945-1946թթ. Երևանի քաղխորհրդի բաժնի պետ:
• 1946թ.՝ ՀԽՍՀ առևտրի փոխնախարար:
• 1948-1952թթ.՝ ՀԽՍՀ սոցապահովության փոխնախարար:
• 1952-1961թթ.՝ ՀԽՍՀ սոցապահովության նախարար:
• 1961-1975թթ.՝ ՀԽՍՀ նախարարների խորհրդում խորհրդական։

Ձեռքբերումներ

• Խորհրդային Միության հերոս (31.03.1943):
• Փոխգնդապետ (Հր. ԽՍՀՄ ՊԺԿ, N 01679, 17.05.1944)։
• Ալեքսանդր Նևսկու շքանշան (Հր. 38-րդ Բանակ, № 109, 30.11.1944, № 41918):
• «Պատվո նշան» շքանշան (Հրամանագիր ԽՍՀՄ ԳԽՆ, 28.10.1967, № 528773):
• «Մարտական վաստակի համար» մեդալ (Հրամանագիր ԽՍՀՄ ԳԽՆ, 30.04.1945):
• «Արիության համար» մեդալ:
• «Ոսկե աստղ» մեդալ:
• Դոնի Ռոստովի պատվավոր քաղաքացի (1968 թվականից):

Այլ

• ՀԽՍՀ Գերագույն խորհրդի դեպուտատ (1947, 1951, 1955, 1959):
• Մադոյանի անունով է կոչվել Դոնի Ռոստովի փողոցներից մեկը:

Նկարներ

• 
• 
• 
• 

Հրապարակումներ մամուլում

• Այսօր ԽՍՀՄ Հերոս Ղուկաս Մադոյանի ծննդյան օրն է - Life Panorama:

Տե՛ս նաև

• Ով ով է.հայեր (կենսագրական հանրագիտարան:Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
• Պարսամյան Վ.Ա., Սովետական Միության հերոս Ղուկաս Մադոյան, Ե., 1944:
• Амирханян М.Д., Армяне - Герои Советского Союза. Ер., 2005. - 202 с.
• Донская Армения. Вып. 1. Ростов/Дон, 2007.
• Парсамян В., Герой Советского Союза Гукас Мадоян [Участник боев за Ростов н/Д.]. Ер., 1944.
• ՄԱԴՈՅԱՆ ՂՈՒԿԱՍ ԿԱՐԱՊԵՏԻ:
• Герои страны.