Հովհաննես Կոլոտ Բաղիշեցի

Հովհաննես Կոլոտ Բաղիշեցի
Ованес Колот Багишеци
Այլ անուններ:	Հովհաննես Թ
Անգլերեն:	Hovhannes Kolot Baghisheci
Հայերեն:	Հովհաննես Կոլոտ Բաղիշեցի
Ծննդյան տարեթիվը:	1678
Ծննդավայրը:	Բաղեշ, Մեծ Հայք
Մահվան տարեթիվը:	13.02.1741
Համառոտ տվյալներ: Կոստանդնուպոլսի հայոց պատրիարք, հայ կրոնական, քաղաքական, հասարակական և մշակութային գործիչ:

Կենսագրություն

Ծնվել է 1678թ. Մեծ Հայքի Աղձնիք նահանգի Բաղեշ քաղաքում:

Մահացել է 1741թ. փետրվարի 13-ին:

Կրթություն

• Սովորել է տեղի Ամրդոլու վանքի համալսարանում, որտեղ դասավանդել են Վարդան արք Բաղիշեցին և Գրիգոր վարդապետ Շիրվանցին։

Աշխատանքային գործունեություն

• Ավարտելուց հետո 1689թ. նա ձեռնադրվել է կուսակրոն քահանա:
• 1706թ. անդամակցել է Մշո Սուրբ Կարապետ (Գլակա) վանքի միաբանությանը։
• 1715թ.-ից՝ Կոստանդնուպոլսի հայոց պատրիարք:
• 1726թ.-ից՝ եպիսկոպոս:

Այլ

• «Կոլոտ» մականունը ստացել է իր կարճ հասակի պատճառով։
• Հաստատել է (1715) Երուսաղեմի հայոց պատրիարքարանի աթոռի ինքնուրույնությունը:
• Նրա պաշտոնավարության շրջանու զարթոնք է ապրել Կոստանդնուպոլսի հայոց ազգային շակութային ու կրթական կյանքը, կառուցվել է Սկյուտարի Սուրբ Կարապետ եկեղեցին, վերաշինվել Ղալաթիայի՝ նախկինու այրված Սուրբ Լուսավորիչ եկեղեցին:
• Երկրաշարժից վնասված վանքի վերանորոգման համար հանգանակություն կատարելու առաքելությամբ 1712թ. նա գնացել է Պոլիս, որտեղից հայոց պատրիարքությունը նրան ուղարկել է Երուսաղեմ, որն այդ շրջանում ուղղակիորեն կապված էր Պոլսո պատրիարքական աթոռին։
• Աչքի է ընկել իր ճարտասանությամբ։
• Նորոգվել են Սկյուտարի Սուրբ Խաչ և Օրթագյուղի եկեղեցիները:
• 1715թ. բացվել է Կոստանդնուպոլսի առաջին դպրանոցը, որը մատենադարանի հետ միասին հետագայում տեղափոխվել է Գումգափուի պատրիարքարան:
• Բացվել է երկու նոր տպարան. արժանահիշատակ է Սրապյան տպարանը, որը գործել է մինչև 19-րդ դարի կեսը:
• Նրա աջակցությամբ հրատարակվել են Ագաթանգեղոսի, Փավստոս Բուզանդի, Գրիգոր Տաթևացու և այլոց ստեղծագործություններ, կատարվել մի շարք թարգմանություններ:
• 1741թ. ամփոփված է Կոստանդնուպոլսի Սուրբ Լուսավորիչ եկեղեցու բակում:

Մատենագիտություն

• Հովհաննես Կ. Բ., Բաբգէն Ծ. Վ. Կիւլէսէրեան, Կոլոտ Յոհաննես պատրարք:
• Հովհաննես Կ. Բ., Սուրբ Լուսավորիչ եկեղեցին-Կոլոտի հիշատակարանները:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• ՄԵԾԱՐՎԵԼ Է ԱՐԵՎՄՏԱՀԱՅ ՎԵՐԱԾՆՆԴԻ ՌԱՀՎԻՐԱ ՀՈՎՀԱՆՆԵՍ ԿՈԼՈՏ ԲԱՂԻՇԵՑԻՆ: