Դարբնի

Դարբնի
Дарбни
Այլ անուններ:	Մնացականյան Արշավիր Միքայելի
Անգլերեն:	Darbni
Հայերեն:	Դարբնի
Ծննդյան տարեթիվը:	16.01.1910
Ծննդավայրը:	Գետաշեն, Լեռնային Ղարաբաղի Հանրապետություն
Մահվան տարեթիվը:	17.11.1980
Մահվան վայրը:	Երևան, Հայաստանի Հանրապետություն
Համառոտ տվյալներ: Գրող, առակագիր, դրամատուրգ, թարգմանիչ:

Կենսագրություն

Ծնվել է 1910թ. հունվարի 16-ին Լեռնային Ղարաբաղի Հանրապետության Շահումյանի շրջանի գետաշեն գյուղում:

Մահացել է 1980թ. նոյեմբերի 17-ին Խորհրդային Հայաստանի Երևան քաղաքում:

Կրթություն

• Ավարտել է Բաքվի Հովհաննես Թումանյանի անվան միջնակարգ դպրոցը:
• Սովորել է Մոսկվայի կինեմատոգրաֆիայի ինստիտուտի գրական-սցենարական ֆակուլտետում:

Աշխատանքային գործունեություն

• Երկար տարիներ աշխատել է Բաքվի հայկական դրամատիկական թատրոնում որպես գրական-գեղարվեստական բաժնի վարիչ:
• Հայրենական մեծ պատերազմի ժամանակ եղել է սակրավորների առանձին գումարտակի կոմիսար:
• Դիվիզիայի թերթի խմբագրի տեղակալ:
• 1949-1950թթ.՝ ՀԳՄ վարչության քարտուղար:
• Աշխատել է «Սովետական գրականություն» ամսագրում:
• «Հայֆիլմ» կինոստուդիա:
• Հայաստանի կինոաշխատողների միություն:
• 1966-1980թթ. որպես խորհրդական աշխատել է Հայաստանի գրողների միությունում:

Ձեռքբերումներ

• 1937թ.՝ ԽՍՀՄ գրողների միության անդամ:
• Կարմիր աստղի շքանշան:
• Հայրենական պատերազմի երկրորդ աստիճանի շքանշան:
• «Պատվո նշան» շքանշան:

Այլ

• Հայրը դարբին էր, որից էլ մակաբերել է Դարբնի գրական անունը:
• Գրել է առակներ, բանաստեղծություններ մանուկների ու մեծերի համար:
• Նրա ստեղծագործությունները թարգմանվել և առանձին գրքով լույս են տեսել ռուսերեն, ադրբեջաներեն, ուկրաիներեն:
• Նրա անդրանիկ պիեսը՝ «Հողը ծիծաղում է» բեմադրվել է Բաքվի հայկական թատրոնում:
• «Երբ բացվում է մանուշակը» դրաման Մոսկվայում արժանացել է խրախուսական մրցանակի և բեմադրվել է Ադրբեջանի և Հայաստանի մի շարք թատրոններում:
• 1948թ.-ից բնակվել է Երևանում:

Մատենագիտություն

• Դարբնի, Երկեր, հ.1, Երևան, 1972:
• Դարբնի, Մանկությունը չի ծերանում (բանաստեղծություններ, առակներ), Երևան, 1981:
• Դարբնի, Առակներ, ժողովածու, 1952:
• Դարբնի, Ծաղիկներ և շաղիկներ, ժողովածու, 1959:
• Դարբնի, Բալիկներ ու ծաղիկներ, ժողովածու, 1963:
• Դարբնի, Երգեր այգաբացի, ժողովածու, 1978:
• Դարբնի, Հողը ծիծաղում է, պիես:
• Դարբնի, Արծիվներ, պիես:
• Դարբնի, Դատավճիռ, պիես:
• Դարբնի, Երբ բացվում է մանուշակը, պիես:
• Դարբնի, Վրեժ, պիես:

Տե՛ս նաև

• Ով ով է. հայեր (կենսագրական հանրագիտարան: Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• ՊԱՏՄՈՒԹՅԱՆ ԱՅՍ ՕՐԸ - Արշավիր Դարբնի: