Անանուն Դավիթ

Անանուն Դավիթ
Ананун Давид
Այլ անուններ:	Տեր-Դանիելյան
Անգլերեն:	Ananun Davit
Հայերեն:	Անանուն Դավիթ
Ծննդյան տարեթիվը:	1879
Ծննդավայրը:	Մեծշեն, Լեռնային Ղարաբաղ
Մահվան տարեթիվը:	1942
Մահվան վայրը:	Աստրախան, Ռուսաստան
Համառոտ տվյալներ: Հրապարակախոս, պատմաբան, հասարակական գործիչ:

Կենսագրություն

Ծնվել է 1879թ. Լեռնային Ղարաբաղի Մեծշեն գյուղում (այժմ՝ ԼՂՀ Մարտակերտի շրջանում):

Աշխատանքային գործունեություն

• Աշխատակցել է Թիֆլիսում և Երևանում լույս տեսնող հայ պարբերական մամուլին:
• 1920-1926թթ.` Երևանի հեղափոխության թանգարանի տնօրեն:

Այլ

• Նախապես հարել է ՍԴՀԿ, ապա՝ ՀՀԴ, 1905թ.-ից՝ Հայ սոցիալ-դեմոկրատական բանվորական կազմակերպությանը (սպեցիֆիկներ)՝ դառնալով վերջինիս գաղափարախոսը:
• Անանունը հեղինակ է հայ ժողովրդի նոր պատմության հարցերի, ազգամիջյան հարաբերությունների վերաբերյալ աշխատությունների:
• «Ռուսահայերի հասարակական զարգացումը» աշխատության մեջ շարադրել է Արևելյան Հայաստանի հասարակական-քաղաքական և մշակութային զարգացման պատմությունը:
• Խոշոր բուրժուազիային համարել է ապազգային, գյուղացիությանը՝ հայության ողնաշարը, ազգային կյանքում բացառիկ տեղ է հատկացրել բանվորներին:
• Պաշտպանել է «կուլտուր-ազգային ինքնավարությունը»՝ հակադրելով ազգերի ինքնորոշման ծրագրին («Ազգային հարցը և դեմոկրատիան» հոդվածաշար), որի համար քննադատվել է Ստեփան Շահումյանի կողմից:
• Կալանավորվել է և մեղադրվել հակասովետական խմբին պատկանելու մեջ: ԽՍՀՄ Միացյալ պետական քաղաքական ղեկավարման նախագահության հատուկ խորհրդով դատապարտվել է և 3 տարով աքսորվել Բաշկորտոստանի ՍՍՀ: Աքսորավայրում կրկին ձերբակալվել է և մեղադրվել հակասովետական քարոզչություն իրականացնելու մեջ: 1939թ. մարտի 14-ին Աստրախանյան շրջանային դատը Դավիթ Անանունին դատապարտում է 8 տարվա ազատազրկման: 1941թ. նույն դատի կողմից դատապարտվում է 10 տարվա ազատազրկման կալանավորների շրջանում հակասովետական քարոզչություն իրականացնելու համար:

Մատենագիտություն

• Անանուն Դավիթ, Ազգային հարցը և դեմոկրատիան (հոդվածաշար), «Նոր հոսանք», N1-2:
• Անանուն Դավիթ, Ռուսահայերի հասարակական զարգացումը, հ. 1-3, 1916,1926:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Армянский вопрос / Под ред. К.С. Худавердяна. Ер., 1991.
• Ерканян В.С. Армянская культура в 1800-1917 гг. / Пер. с арм. К.С. Худавердяна. Ер., 1985
• Саркисян С. Т. Энциклопедия Арцах-Карабаха. Спб., 2005. - 312 с.
• Дадаян Хачатур. Армяне и Баку. Пер. с арм. – Ер., НОФ «НОРАВАНК», 2007.
• Դավիթ Անանուն, ԵՊՀ Հայագիտական հետազոտությունների ինստիտուտի կայք:
• Հուշեր Դավիթ Անանունի մասին (ծննդյան 130-ամյակի առթիվ):