Ութուճյան Էդուարդ Մկրտչի
| Ութուճյան Էդուարդ Մկրտչի | |
| Утучян Эдуард Мкртичевич | |
| |
| Անգլերեն: | Utujyan Eduard |
| Հայերեն: | Ութուճյան Էդուարդ Մկրտչի |
| Ծննդյան տարեթիվը: | 12.11.1905 |
| Ծննդավայրը: | Կոստանդնուպոլիս, Թուրքիա |
| Մահվան տարեթիվը: | 28.07.1975 |
| Մահվան վայրը: | Շարտր, Ֆրանսիա |
| Համառոտ տվյալներ: Քաղաքաշինարար, ճարտարապետ: | |
Բովանդակություն
Կենսագրություն
Ծնվել է 1905թ. նոյեմբերի 12-ին Թուրքիայի Կոստանդնուպոլիս քաղաքում:
Մահացել է 1975թ. հուլիսի 28-ին Ֆրանսիայի Շարտր քաղաքում:
Կրթություն
- Քաղաքացիական ինժեների կրթությունը ստացել է ամերիկյան Ռոբերտ կոլեջում:
- 1934թ. ավարտել է Փարիզի համալսարանի քաղաքաշինական ճարտարապետության ինստիտուտը:
- 1934-1936թթ. ուսանել է հուշարձանների վերականգնման դասընթացներում:
Աշխատանքային գործունեություն
- 1933թ. Փարիզում կազմակերպվել է Ստորգետնյա քաղաքաշինության ընկերություն, որը 1937թ. վերածվել է միջազգայինի, ընդգրկելով շուրջ 90 երկիր։
- Ընկերության 1937թ., 1948թ. և 1959թ․ համագումարներում Ութուճյանն ընտրվել է քարտուղար:
- 1936թ. հիմնել է «Ստորգետնյա աշխարհ» («Le monde souterrain») մասնագիտական հանդեսը, որի պատասխանատու տնօրենն ու խմբագիրն է եղել մինչև կյանքի վերջը:
- Դասավանդել է Փարիզի տարբեր բարձրագույն դպրոցներում, զբաղվել գիտահետազոտական գործունեությամբ:
Ձեռքբերումներ
- 1937թ.՝ «Մեծ պարգև» (Grand prix) մրցանակ՝ Փարիզի ստորգետնյա տնտեսության նախագծի համար (համաշխարհային ցուցահանդես, Փարիզ):
- Ֆրանսիական Պատվո լեգեոնի շքանշան:
Այլ
- Ութուճյանի նախագծերով Փարիզում և Ֆրանսիայի այլ քաղաքներում կառուցվել են շուրջ 250 կառույցներ:
- Ութուճյանի հեղինակակից է Փարիզի, Բորդոյի, Վերսալի, Ռուանի կոյուղու ջրերի մաքրման կայանների, Բաղդադ և Բասրա քաղաքների հատակագծման նախագծերի:
- Նրա մասնակցությամբ ու նախագծերով վերականգնվել են որոշ հուշարձաններ, այդ թվում՝ Երուսաղեմի մայրավանքի Սբ․ Հակոբ եկեղեցին:
- 1957թ., 1958թ., 1959թ., 1961թ., 1964թ․ եղել է Հայաստանում:
Մատենագիտություն
- Ութուճյան Է.Մ., Հայաստանի IV— XVII դդ․ հուշարձանները, 1967 (ֆրանսերեն):
Տե՛ս նաև
- Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007: