Հակոբյան Վարդգես Թորգոմի
| Հակոբյան Վարդգես Թորգոմի | |
| Акопян Вардгес Торгомович | |
| |
| Անգլերեն: | Hakobyan Vardges |
| Հայերեն: | Հակոբյան Վարդգես Թորգոմի |
| Ծննդյան տարեթիվը: | 15.08.1932 |
| Ծննդավայրը: | Օրդաքլու, Հայաստանի Հանրապետություն |
| Մահվան տարեթիվը: | 22.04.1975 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Երկրաբան: | |
Բովանդակություն
Կենսագրություն
Ծնվել է 1932թ. օգոստոսի 15-ին Հայաստանի Հանրապետության Գեղարքունիքի մարզի Օրդաքլու (այժմ՝ Լճաշեն) գյուղում:
Մահացել է 1975թ. ապրիլի 22-ին Հայաստանի Հանրապետության մայրաքաղաք Երևանում:
Կրթություն
- 1949թ. ավարտել է Սևանի միջնակարգ դպրոցը:
- 1954թ. ավարտել է ԵՊՀ-ն:
Աշխատանքային գործունեություն
- 1958-1975թթ.՝ ՀԽՍՀ ԳԱ երկրաբանական գիտությունների ինստիտուտի ավագ գիտաշխատող:
Ձեռքբերումներ
- 1973թ.՝ երկրաբանական գիտությունների դոկտոր:
Այլ
- Երկարատև գործուղումների ընթացքում Լենինգրադ (Ս-Պետերբուրգ), նա մեծ դպրոց է անցնում ճանաչված մասնագետներ, ԽՍՀՄ ԳԱ թղթակից անդամ Վ.Պ.Ռենգարտենի, պրոֆեսորներ Վ.Ֆ.Պչելինցևի, Ն.Պ.Լուպպովի, Ա.Ա.Աթաբեկյանի և այլոց մոտ:
- Հակոբյանի Հայաստանի տարածքում կատարված շուրջ 20 տարիների մանրակրկիտ հետազոտությունների արդյունքներն ամփոփվեցին «ՀՍՍՀ վերին կավճի նստվածքների կենսաշերտագրությունը և փորոտանիները» եռահատոր դոկտորական ատենախոսության մեջ, որը նա 1973թ. փայլուն պաշտպանեց Լենինգրադում:
- Համամիութենական գիտահետազոտական երկրաբանական ինստիտուտի (ВСЕГЕИ) գիտական խորհրդի նիստում:
- Ուսումնասիրվել են մոտ 11 հազար բրածո ֆաունայի նմուշներ, նկարագրվել են ուշ կավճի դարաշրջանի փորոտանիների 2387 տեսակ, 74 սեռ և 29 ընտանիք, որոնցից հնէաբանական գրականության մեջ առաջին անգամ առանձնացված և նկարագրված են 69 տեսակ, 30 սեռ և 5 ընտանիք: Իրականացված հիմնարար հետազոտությունները Վ.Հակոբյանին թույլ տվեցին մշակել փորոտանիների նոր դասակարում, առանձնացնել նոր տաքսոններ, առաջարկել մի շարք ընտանիքների զարգացման ֆիլոգենետիկ սխեմաներ և հիմնավորել փորոտանիների 10 տարբեր հասակային համալիրների առկայությունը:
- Աշխատանքները վերաբերում են Հայաստանի տարածքի յուրայի, կավճի ժամանակաշրջանների նստվածքների շերտագրության և ֆաունայի հարցերին:
- Կազմել է ՀԽՍՀ կավճի ժամանակաշրջանի նստվածքների քարտեզը:
- 1974թ. մասնակցել է «ՀՍՍՀ բրածո ֆաունայի ատլասի» կազմման աշխատանքներին։
Նկարներ
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
- ՎԱՐԴԳԵՍ ԹՈՐԳՈՄԻ ՀԱԿՈԲՅԱՆ (ծննդյան 80-ամյակին):