Խաչատրյան Արտակ Վլադիմիրի

Խաչատրյան Արտակ Վլադիմիրի
Հայերեն:	Խաչատրյան Արտակ Վլադիմիրի
Ծննդյան տարեթիվը:	20.10.1964
Ծննդավայրը:	ք. Կալինինո (այժմ` Տաշիր), Հայաստանի Հանրապետություն
Մահվան տարեթիվը:	17.04.1993
Մահվան վայրը:	Գյուլիստան գյուղի մոտ, Արցախ
Համառոտ տվյալներ: Վիրաբույժ, ազատամարտիկ:

Կենսագրություն

Ծնվել է 1964թ. հոկտեմբերի 20-ին Հայաստանի Հանրապետության Լոռու մարզի Կալինինո (այժմ` Տաշիր) քաղաքում:

Զոհվել է 1993թ. ապրիլի 17-ին Արցախի Շահումյանի շրջանի Գյուլիստան գյուղի մոտ վիրավոր ազատամարտիկներին Երևան տարհանելիս ուղղաթիռի հրետակոծվելուց: Թաղված է Տաշիրում:

Կրթություն

• 1989թ. ավարտել է Երևանի պետական բժշկական ինստիտուտը:

Աշխատանքային գործունեություն

• 1989-1991թթ.՝ Տաշիրի կենտրոնական շրջանային հիվանդանոցի շտապ բուժօգնության կայանի վարիչ:
• 1991թ.-ի հոկտեմբեր – 1992թ.-ի հունիսին` Շահումյանի շրջանի Վերինշեն գյուղի հիվանդանոցի գլխավոր բժիշկ:

Այլ

• 1992-ի սեպտեմբեր – 1993-ի հունվարին «Եղնիկներ» պարտիզանական ջոկատի կազմում մասնակցել է Շահումյանի, Մարտակերտի ինքնապաշտպանական և ազատագրական մարտերին, բուժօգնություն է ցույց տվել վիրավոր ազատամարտիկների և խաղաղ բնակիչների:
• 1993-ի հունվար-փետրվարին «Սպիտակ» փրկարարական ջոկատի կազմում օգնություն է ցույց տվել Հյուսիսային Օսեթիայում ձնահոսքի տակ մնացած հայ վարորդներին: Նույն թվականի ապրիլի 3-ին վերստին մեկնել է Շահումյան:

Տե՛ս նաև

• Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ: