Թարվերդյան Արշալույս Պողոսի
| Թարվերդյան Արշալույս Պողոսի | |
| Тарвердян Аршалуйс Погосович | |
| |
| Անգլերեն: | Tarverdyan Arshaluys |
| Հայերեն: | Թարվերդյան Արշալույս Պողոսի |
| Ծննդյան տարեթիվը: | 05.10.1945 |
| Ծննդավայրը: | Ելփին, Հայաստանի Հանրապետություն |
| Համառոտ տվյալներ: Մեքենագետ: | |
Բովանդակություն
Կենսագրություն
Ծնվել է 1945թ. հոկտեմբերի 15-ին Հայաստանի Հանրապետության Վայոց ձորի մարզի Ելփին գյուղում:
Կրթություն
- 1962թ. ավարտել է միջնակարգ դպրոցը:
- 1963-1968թթ. սովորել է Հայկական գյուղատնտեսական ինստիտուտի գյուղատնտեսության մեքենայացման ֆակուլտետի ավտոտրանսպորտի բաժնում:
- 1979թ. պաշտպանել է թեկնածուական ատենախոսությունը:
Աշխատանքային գործունեություն
- 1968թ. աշխատանքի է գործուղվել ՀԽՍՀ ավտոտրանսպորտի նախարարություն և նշանակվել տեխնիկական վարչության ինժեներ:
- 1971թ.՝ Հայկական գյուղատնտեսական ինստիտուտի նյութերի դիմադրության ամբիոնի լաբորատորիայի վարիչ:
- 1977թ.՝ Հայկական գյուղատնտեսական ինստիտուտի նյութերի դիմադրության ամբիոնի ասիստենտ:
- 1980թ.՝ Հայկական գյուղատնտեսական ինստիտուտի նախապատրաստական բաժանմունքի վարիչ:
- 1994թ. Հայկական գյուղատնտեսական ակադեմիան կազմավորվելուց հետո նշանակվել է հեռակա ուսուցման դեկան:
- 1997թ.` դեպարտամենտի պետ՝ պրոռեկտորի կարգավիճակով:
- 1998թ.՝ Հայկական գյուղատնտեսական ակադեմիայի (այժմ Հայաստանի ազգային ագրարային համալսարան) ռեկտոր:
- 2007թ. հուլիսին վերընտրվել է ռեկտորի պաշտոնում, աշխատում է առ այսօր:
Ձեռքբերումներ
- 1983թ.՝ դոցենտ:
- 1997թ.՝ տեխնիկական գիտությունների դոկտոր:
- 1997թ.՝ ՀՀ ԳԱ ակադեմիկոս:
- 2002թ.՝ պրոֆեսոր:
- 2006թ.-ից՝ ՀՀ Գիտությունների ազգային ակադեմիայի թղթակից անդամ:
- 2000թ.՝ «Անանիա Շիրակացու» մեդալ:
- 2004թ.` Ռուսաստանի Դաշնության «Տիմիրյազևի» ոսկե մեդալ:
- 2007թ.՝ Սոկրատեսի անվան մրցանակ և մեդալ (Եվրոպական բիզնես ասամբլեայի ազգային կոմիտե՝ EBA Օքսֆորդ, Մեծ Բրիտանիա):
- 2011թ.՝ գիտության վաստակավոր գործչի կոչում ՀՀ նախագահ Սերժ Սարգսյանի հրամանագրով:
- 2011թ.՝ «Արցախի երախտագիտության» մեդալ ԼՂՀ նախագահ Բակո Սահակյանի հրամանագրով:
- ԱՄՆ (2001), Գերմանիայի (2001), ՌԴ (2004), Վրաստանի (2000) ագրարային համալսարանների պատվավոր պրոֆեսոր:
Այլ
- Թարվերդյանի կողմից ուսումնասիրվել են բույսերի կտրող օրգանների (ցողունների) արխիտեկտոնիկան, անատոմիամորֆոլոգիական կառուցվածքային շինարարական-մեխանիկական սկզբունքները, բացահայտվել և ուսումնասիրվել են մի շարք, մինչ այդ անհայտ, օրինաչափություններ, որոնք պաշտպանված են նախկին ԽՍՀՄ հեղինակային արտոնագրով: Դրանք մեծ չափով օգտագործվում են շինարարական և մեքենաշինական կառուցվածքների ու մասերի նախագծման ու հաշվարկների ընթացքում՝ ապահովելով անհրաժեշտ ամրություն ու կոշտություն՝ նյութի նվազագույն ծախսման պայմաններում:
- Մշակել և ստեղծել է հնձիչների և բերքահավաք մեքենաների 6 կտրող ապարատներ:
- 152 գիտական հոդվածների, 131 գիտական աշխատության հեղինակ է, այդ թվում` 5 մենագրության (որոնցից մեկը լույս է տեսել ԳԴՀ-ում` անգլերեն լեզվով), 2 դասագրքի և 20 գյուտի:
- Թարվերդյանի անմիջական ղեկավարությամբ կատարվել և պաշտպանվել են 11 թեկնածուական և 3 դոկտորական ատենախոսություններ:
Նկարներ
Տեսանյութեր
Հրապարակումներ մամուլում
- [http://www.aravot.am/2013/10/15/396465/ Հայաստանի ազգային ագրարային համալսարանի պետական քոլեջը կկոչվի Անտոն Քոչինյանի անվամբ
Առավոտ – Լուրեր Հայաստանից:]
Մատենագիտություն
- Թարվերդյան Ա.Պ., Նյութերի դիմադրություն, բուհական դասագիրք (համահեղինակ):
- Թարվերդյան Ա.Պ., Ջրօգտագործումը կոլտնտեսություններում, Երևան, Հայպետհրատ , 1954:
- Թարվերդյան Ա.Պ., Կերի նախապատրաստման մեքենաներ, Երևան, ՀՊԱՀ, 2006:
- Թարվերդյան Ա.Պ., Տեսական մեխանիկա, Երևան, ՀՊԱՀ, 2006:
- Թարվերդյան Ա.Պ., Հայաստանի պետական ագրարային համալսարանի զարգացման հայեցակարգ և առաջիկա տարիների գործունեության ծրագիր, Երևան, 2007:
- Тарвердян А.П., Изыскание и исследование режушего аппарата для скользяшего резания тонкостебельных злаковых, Ереван, 1979.
- Тарвердян А.П., Технико-технологические основы создания режущих аппаратов уборочных машин и косилок, Ереван, 1996.
- Тарвердян А.П., Основы разработки ротационных режуших аппаратов уборочных машин, Ереван, 2000.
- Tarverdyan A., Essential Principles for Development of Rotary Cutting Devices, Stuttgart, 2004.
Տե՛ս նաև
- Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
- Թարվերդյան Արշալույս Պողոսի - National Academy of ...:
- Թարվերդյան Արշալույս Պողոսի:
- Լուսանկարներ` Գյուղատնտեսության աջակցության հանրապետական կենտրոնից:
- ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ: