| Ենոքյան Գոհար Աղաբեկի | |
| Енокян Гоар Агабековна | |
| |
| Անգլերեն: | Enokyan Gohar |
| Հայերեն: | Ենոքյան Գոհար Աղաբեկի |
| Ծննդյան տարեթիվը: | 25.01.1942 |
| Ծննդավայրը: | Երևան, Հայաստանի Հանրապետություն |
| Համառոտ տվյալներ: Արտադրության կազմակերպիչ, բարերար, հասարակական գործիչ: | |
Բովանդակություն
Կենսագրություն
Ծնվել է 1942թ. հունվարի 25 -ին Հայաստանի Հանրապետության Երևան քաղաքում:
Կրթություն
- 1962թ. ավարտել է Երեւանի թիվ 2 պրոֆտեխուսումնարանը:
- 1975թ. ավարտել է Կիևի թեթև արդյունաբերության տեխնոլոգիական ինստիտուտը:
Աշխատանքային գործունեություն
- 1959թ. աշխատել է Երեւանի պահածոների գործարանում` որպես բանվորուհի:
- 1962-1965թթ.` Երեւանի թիվ 5 կարի ֆաբրիկա` արտադրամասի վարպետ:
- 1965-1975թթ.` Երեւանի սարքաշինական գործարան` ավագ ապրանքագետ, այնուհետեւ արտահանման բաժնի պետ:
- 1975-1979թթ.` Հայաստանի թեթեւ արդյունաբերության նախարարության պլանատնտեսագիտական վարչություն` կարի, կոշիկի եւ կաշվե գալանտերեայի բաժնի գլխավոր տնտեսագետ, բաժնի պետ:
- 1982-1985թթ. նշանակվել է Երեւանի Կլարա Ցետկինի անվան ԿԱՄ «Կրասնի Շվեյնիկ» մասնաճյուղի տնօրեն, իսկ 1985թ. տեղափոխվել Երեւանի «Գարուն» ԿԱՄ գլխավոր տնօրեն:
- 1987-1991թթ. եղել է ՀԽՍՀ շրջանային պատգամավոր, 1989-1992թթ.` ԽՍՀՄ Գերագուն խորհրդի պատգամավոր:
- 1997-2007թթ. ընտրվել է «Գարուն» ԲԲԸ խորհրդի նախագահ եւ գործադիր տնօրեն:
- 2007թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով «Բարգավաճ Հայաստան» կուսակցությունից:
Ձեռքբերումներ
- 1999թ. պարգեւատրվել է ՀՀ արդյունաբերողների եւ գործատուների միության Ոսկե մեդալով:
- 2000թ. արժանացել է ԱՄՆ կենսագրական ինստիտուտի «Դարի մարդ» կոչմանը:
- 2001թ. ԼՂՀ նախագահի կողմից պարգեւատրվել է «Մխիթար Գոշ» մեդալով:
Այլ
- Գ.Ենոքյանը Ստեփանակերտում և ԼՂՀ Հադրութի շրջանի Տող գյուղում հիմնադրել է «Գարուն» արտադրական միավորման մասնաճյուղեր:
- 1989–1991-ին ազատամարտիկների համար Արցախ է առաքել մեծ քանակության ոտքի փաթաթանի կտորեղեն, ձմեռային տաբատներ:
- Լինելով ԽՍՀՄ ժողպատգամավոր (1989–1991)` Ենոքյանը ԽՍՀՄ ԳԽ նիստերում պաշտպանել է արցախահայության արդարացի պահանջը և պահանջել լուծել Լեռնային Ղարաբաղի հարցը:
- 1991-1997թթ. եղել է ՀՀ կանանց համահայկական միության վարչության անդամ, 1993-1997թթ.` Հայ Առաքելական եկեղեցու Արարատյան թեմի վարչության անդամ, 1996-2007թթ.` ՀՀ Արդյունաբերողների եւ գործատուների միության նախագահության անդամ:
Տեսանյութեր
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Parliament.am: