Գրիգոր Ակներցի

Գրիգոր Ակներցի
Григорий Акнерци
Անգլերեն:	Grigor Aknertsi
Հայերեն:	Գրիգոր Ակներցի
Համառոտ տվյալներ: XIII դարի պատմագիր և գրիչ:

Կենսագրություն

Աշխատանքային գործունեություն

• 1265/1266թ. Արևելյան Հայասանից մեկնել է Կիլիկիա և դարձել Ակներ վանքի միաբան:
• 1273թ. ընդօրինակել է Միքայել Ասորու «Ժամանակագրութիւնը»:

Այլ

• Գրիգոր Ակներցու «Պատմութիւն ազգի նետողաց» կամ «Պատմութիւն թաթարաց» երկը (մեզ է հասել բնօրինակով) Հայաստանում մոնղոլական տիրապետության ժամանակաշրջանի կարևոր սկզբնաղբյուր է (ընդգրկում է 1220-1273թթ. իրադարձությունները): Չնայած ժամանակագրական որոշ շփոթին և սահմանափակ ընդգրկմանը՝ այն արժեքավոր տեղեկություններ է հաղորդում ժամանակի տնտեսական և քաղաքական կյանքի, մոնղոլների կրոնական հավատալիքների, կենցաղի և սովորույթների մասին:
• Գրիգոր Ակնեցու երկը սխալմամբ վերագրվել է Վարդան Արևելցուն կամ ոմն Մաղաքիա Աբեղայի: Հետագայում «Պատմության» անգլերեն, վրացերեն և թուրքերեն (զուգահեռ՝ հայերեն բնագրով) թարգմանությունները լույս են տեսել հեղինակի անունով:

Մատենագիտություն

• Գրիգոր Ակներցի, Պատմութիւն թաթարաց, 2 հրտ., Երուսաղեմ, 1974:
• Գրիգոր Ակներցի, Պատմություն նետաձիգների ազգի մասին, արևելահայերեն թարգմանությունը, առաջաբանը և ծանոթագրությունները՝ Գուրգեն Խաչատրյանի և Վանո Եղիազարյանի, Երևան, 2011:
• Robert P. Blake and Richard N. Frye, History of the Nation of the Archers (The Mongols) by Grigor of Akancͺ Hitherto Ascribed to Matakͺia The Monk: The Armenian Text Edited with an English Translation and Notes,- Harvard Journal of Asiatic Studies, Vol. 12, No. 3/4 (Dec., 1949), pp. 269-399.

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Ակինյան Ն., Գրիգոր քահանա Ակներցի, ՀԱ, 1948, համար 7-8:
• Francis Woodman Cleaves, The Mongolian Names and Terms in The History of The Nation of The Archers by Grigor of Akancͺ,- Harvard Journal of Asiatic Studies , Vol. 12, No. 3/4 (Dec., 1949) , pp. 400-443.