| Գովրիկյան Գրիգոր | |
| Говрикян Григор | |
| |
| Անգլերեն: | Govrikyan Grigor |
| Հայերեն: | Գովրիկյան Գրիգոր |
| Ծննդյան տարեթիվը: | 1840 |
| Ծննդավայրը: | Գեռլա, Ռումինիա |
| Մահվան տարեթիվը: | 1931 |
| Մահվան վայրը: | Վիեննա, Ավստրիա |
| Համառոտ տվյալներ: Պատմաբան, մանկավարժ, եկեղեցական գործիչ: | |
Բովանդակություն
Կենսագրություն
Ծնվել է 1840թ. Ռումինիայի Գեռլա քաղաքում:
Մահացել է 1931թ. Ավստրիայի մայրաքաղաք Վիեննայում:
Կրթություն
- Կրթությունը ստացել է Վիեննայի Մխիթարյան միաբանության վանքում:
Աշխատանքային գործունեություն
- Իբրև մանկավարժ աշխատել է Վիեննայում, Կոստանդնուպոլսում, Գեռլայում, Եղիսաբեթուպոլսում:
- Խ. Սոնգոտյանի հետ ձեռնարկել է «Արմենիա» հունգարական հայագիտական հանդեսի հրատարակումը:
- Պ Ֆերհատյանի հետ կազմել է Գեռլայի հայերեն ձեռագրերի ցուցակը, որի միայն մի մասն է լույս տեսել:
- Հրապարակել է ուսումնասիրություններ «Եվրոպա», «Արևելք», «Արմենիա» և «Հանդես ամսօրյա» պարբերականներում:
- 1909թ. հուլիսի 19-ին ընտրվել է Վիեննայի Մխիթարյան միաբանության ընդհանուր աբբահայր:
Ձեռքբերումներ
- Իզմիրյան գրական մրցանակ («Հայք Եղիսաբեթուպոլիս Տրանսիլվանիո» աշխատության համար):
Այլ
- «Հանդես ամսօրյա» պարբերականում հանդես էր գալիս Ա.Բ., Բ, Հովհան Անեցի, Ա. Փիբաս, Թղթակից կեղծանուններով:
Մատենագիտություն
- Գովրիկյան Գ., Բարձրագույն երկրագրություն, դասագիրք, 1877:
- Գովրիկյան Գ., Համառոտ ընդհանուր պատմություն, դասագիրք, 1879:
- Գովրիկյան Գ., Հայք Եղիսաբեթուպոլիս Տրանսիլվանիո, հատոր Ա, 1893:
- Գովրիկյան Գ., Սոնգոտյան Խ., Գեռլա քաղաքի պատմություն, 1896:
- Գովրիկյան Գ., Տրանսիլվանիո հայոց մետրոպոլիստը, 1896:
- Գովրիկյան Գ., Հայք Եղիսաբեթուպոլիս Տրանսիլվանիո, հատոր Բ, 1899:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- «Հուշարձան» (գրական ժողովածու), Վիեննա, 1911, էջ 15:
- «Հանդես ամսօրյա», 1930, թիվ 11-12 («Գրիգոր Գովրիկյան»):
- Սուրեն Շտիկյան, Հայ նոր գրականության ժամանակագրություն (1801-1850), Ե., ՀՍՍՀ ԳԱ հրատ., 1973, էջ 244:
- Գառնիկ Ստեփանյան, Կենսագրական բառարան, հատոր Ա, Ե., «Հայաստան», 1973, էջ 252:
- Գրիգոր Գովրիկյան, Բանասիրական հանրագիտարան: