Գեորգ Դպիր Պալատացի

Գեորգ Դպիր Պալատացի
Георг Дпир Палатаци
Այլ անուններ:	Գեորգ Տեր-Հովհաննիսյան
Անգլերեն:	Georg Dpir Palatatsi
Հայերեն:	Գեորգ Դպիր Պալատացի
Ծննդյան տարեթիվը:	1737
Ծննդավայրը:	Կոստանդնուպոլիս, Օսմանյան կայսրություն
Մահվան տարեթիվը:	1812
Մահվան վայրը:	Կոստանդնուպոլիս, Օսմանյան կայսրություն
Համառոտ տվյալներ: Բառարանագիր, պատմաբան, թարգմանիչ:

Բովանդակություն

Կենսագրություն

Ծնվել է 1737թ. Օսմանյան կայսրության մայրաքաղաք Կոստանդնուպոլսում:

Աշխատանքային գործունեություն

• Գրել է բառարաններ:
• Զբաղվել է պատմությամբ:
• Ընդօրինակել է Մովսես Խորենացու և Եղիշեի պատմությունները, XIII դարի գրական հուշարձան «Գիրք վաստակոցը», Եվսեբիոս Կեսարացու «Քրոնիկոնը»:
• Կատարել է թարգմանություններ պարսկերենից, հունարեից:

Այլ

• Տիրապետել է մոտ 10 լեզվի:
• Նրա պարսկերեն-հայերեն բառարանը բացի բառի բացատրությունից, ամփոփ տեղեկություններ է տալիս նաև իրանական դիցաբանության, առասպելաբանության, ժողովրդական սովորույթների ու բարքերի, վիպական հերոսների ու նշանավոր գրողների մասին: Բառարանի վերջում տրված է հայ և պարսկական նման բառերի ցանկ, դրանց ծագումը, փոխառության աղբյուրը:
• Գեորգ Դպիրն առաջին հայ հոմերոսագետն է. «Իլիականի» հայերեն թարգմանության նախաբանում քննում է Հոմերոսին ու նրա պոեմներին վերաբերող բանասիրական ու գրականագիտական մի շարք հարցեր:
• Գեորգ Դպիրի որոշ ձեռագրեր պահվում են Վենետիկի Մխիթարյան, Փարիզի Նուպարյան, Երևանի մատենադարաններում:

Մատենագիտություն

• Գեորգ Դպիր, Հայելի գրոցն Հոմերոսի..., թարգմանություն հունարենից, 1783:
• Գեորգ Դպիր, Գիրք մեծագին և պատուական ականց..., թարգմանություն պարսկերենից, 1807:
• Գեորգ Դպիր, Պարսկերեն-հայերեն բառարան, 1826:
• Գեորգ Դպիր, Գիրք պատմութեան արքայից Օսմանեան զարմին...», անտիպ:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Այվազյան Ա․, Շար հայ կենսագրությանց, հ․ 1, ԿՊ, 1893։
• Աճառյան Հ․, Պատմություն հայոց նոր գրականության, պր․ 1, Նոր Նախիջևան, 1910։
• Աղայան Է․ Բ․, Հայ լեզվաբանության պատմություն, հ․ 1, Ե․, 1958, էջ 135-139։
• Չուգասզյան Բ․ Լ․, Հայ-իրանական գրական առնչություններ (V-XVIII դդ․), Ե․, 1963։
• Գասպարյան Գ․, Հայ բառարանագրության պատմություն, Ե․, 1968, էջ 159-167։