Գարդոն Վիկտոր
| Գարդոն Վիկտոր | |
| Гордон Виктор | |
| |
| Այլ անուններ: | Վահրամ Կաքավյան |
| Անգլերեն: | Gardon Viktor |
| Հայերեն: | Գարդոն Վիկտոր |
| Ծննդյան տարեթիվը: | 1903 |
| Ծննդավայրը: | Վան, Արևմտյան Հայաստան |
| Մահվան տարեթիվը: | 1973 |
| Մահվան վայրը: | Փարիզ, Ֆրանսիա |
| Համառոտ տվյալներ: Գրող: | |
Բովանդակություն
Կենսագրություն
Ծնվել է 1903թ. Արևմտյան Հայաստանի Վան քաղաքում:
Կրթություն
- Սովորել է Թիֆլիսի Ներսիսյան ճեմարանում:
- Ավարտել է Կոստանդնուպոլսի Կեդրոնական վարժարանը:
- Սովորել է Սորբոնի համալսարանում:
- Ուսումնասիրել է ինժեներական աշխատանք:
Աշխատանքային գործունեություն
- Կոստանդնուպոլսի Կեդրոնական վարժարանի ուսուցիչ:
Ձեռքբերումներ
- 1947թ.՝ Պատվավոր Լեգիոնի շքանշան (Ֆրանսիա):
- «Վասպուրականի ֆրանսահայերի միության» անդամ:
Այլ
- Գարդոնի հայրը հայկական «Արմենական» քաղաքական կուսակցության համահիմնադիրն էր, և ժողովների մեծ մասն անցնում էր նրանց ընտանիքում: Չնայած ծնողները դեմ էին, Գարդոնը մասնակցում էր բոլոր ժողովներին:
- 1915թ. հայերի ինքնապաշտպանական մարտերի ականատես եղավ: Տարածաշրջանից ռուսական զորքերի հեռանալուց հետո թաքնվեց Թիֆլիսում, որտեղ և ընդունվեց Ներսիսյան ճեմարան: Այստեղ նա ծանոթացավ Անաստաս Միկոյանի հետ:
- 1917թ. անցել է Ռոստով, իսկ 1920թ.՝ Կոստանդնուպոլիս: 1923թ. հաստատվել է Ֆրանսիայում:
- Ֆրանսիայում ամուսնանում է ֆրանսերենի ուսուցչուհի Էլենի հետ և ունենում երկու երեխա: Այս ընթացքում նա համագործակցում է հայկական գաղութի հետ:
- Համաշխարհային պատերազմի սկզբում գերեվարվել է: Նրան հաջողվել է փախչել գերմանական գերությունից երրորդ փորձի ժամանակ: Միացել է ֆրանսիական զինված խմբերին և աշխատել «Վիկտոր Գարդոն» մականունով: Մասնակցել է մի շարք պարտիզանական մարտերի:
- Պատերազմական գործողություններից հետո անցել է Վալ-դե-Մարն, որտեղ նրա կինը նշանակվել է դպրոցի տնօրեն:
- Գարդոնը միանգամից հարմարվեց Փարիզի ինտելեկտուալ հասարակական կյանքին, սկսեց գրել ֆրանսերեն և հայերեն լեզուներով:
- Հիմնել է «Հայկական ծագումով ֆրանսիացիների ֆեդերացիա»:
- Երկար ժամանակ նյութեր է գրել ֆրանսիական և ֆրանսահայ մամուլի համար, հատկապես՝ «Haratch» պարբերականի:
- Հեղինակ է բազմաթիվ փիլիսոփայական հրապարակումների:
- Ֆրանսիայում և այլ երկրներում մասնակցել է մի շարք գիտաժողովների:
- Ֆրանսերերն լույս է տեսել Գարդոնի «Զմրուխտավառ ասպետը», որտեղ ականատեսի աչքերով նկարագրվում է XX դարասկզբի Վանի քաղաքական և սոցիալական իրավիճակը, 1915թ. ինքնապաշտպանական կռիվները:
Նկարներ
Գրքեր
Մատենագիտություն
- Գարդոն Վ., Բոսորավառ հայտնություն, վեպ (ֆրանսերեն):
- Գարդոն Վ., Զմրուխտավառ ասպետը, վեպ, Ե., 1990 (թարգմանություն ֆրանսերենից):
- Գարդոն Վ., Կյանքի կանաչ արևը, վեպ, Ե., 1990 (թարգմանություն ֆրանսերենից:
Ստեղծագործություններ
- Le Vanetsi, une enfance arménienne.
- Le vert soleil de la vie: roman.
- L'Apocalypse écarlate.
- Vartananc.
- Le Chevalier à l'émeraude.
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Վիկտոր Գարդոն (ֆրանսերեն):
- Վիկտոր Գարդոն (ֆրանսերեն):