Գարանյան Երվանդ Գևորգի

Գարանյան Երվանդ Գևորգի
Гаранян Ерванд Геворгович
Անգլերեն:	Garanyan Yervand
Հայերեն:	Գարանյան Երվանդ Գևորգի
Ծննդյան տարեթիվը:	20.12.1903
Ծննդավայրը:	Կուրշումլի, Արևմտյան Հայաստան
Մահվան տարեթիվը:	24.11.1995
Մահվան վայրը:	Չերեշնյա, Ռուսաստան
Համառոտ տվյալներ: Խորհրդային միության հերոս, գվարդիայի ավագ:

Կենսագրություն

Ծնվել է 1903թ. դեկտեմբերի 20-ին Արևմտյան Հայաստանի Տրապիզոնի նահանգի Սամսունի գավառի Կուրշումլի գյուղում:

Աշխատանքային գործունեություն

• 1937թ.՝ կոլտնտեսության նախագահ:
• 1945-1961թթ.՝ Ադլերի շրջանի գյուղխորհրդի նախագահ:

Ռազմական գործունեություն

• 1942թ. մարտին զորակոչվել է ԶՈւ Գագրայի ՇԶԿ-ի կողմից:
• 1941-1945թթ. Հայրենական պատերազմի ժամանակ մարտնչել է Ստալինգրադի ճակատամարտում, մասնակցել Դոնի, Բրյանսկի, Կենտրոնական, Արևմտյան, 1-ին բելոռուսական ճակատամարտների գործողություններին:
• 1943թ. սեպտեմբերին հատկապես աչքի է ընկել Ուկրաինայի համար մղված մարտերում:
• 1943թ. սեպտեմբերին Չեռնիգով-Պրիպյատսկյան գործողության ընթացքում Չեռնիգով քաղաքի համար մղված մարտերում, ետ մղելով հակառակորդի հակագրոհը, ուղիղ նշանառությամբ ոչնչացրել է երեք կրակակետ՝ ստիպելով դիմել փախուստի:
• 1943թ. սեպտեմբերի 28-ին առաջիններից մեկը կրակի ներքո գետանցել է Դնեպրը գ. Գալկիի (Բրագինսկի շրջ., Գոմելի մարզ, Բելառուս) մոտ, ամրանալով գրաված պլացդարմում` հետ է մղել բոլոր հակագրոհները, օգնել գնդի գետանցմանը և պլացդարմի ընդարձակմանը: Դնեպրի գետանցման, արիության և հերոսության համար 45 մմ թնդանոթների մարտկոցի (215-րդ գվարդիայի Հրաձգային գունդ, 77-րդ գվարդիայի Հրաձգային դիվիզիա, 61-րդ Բանակ, 1-ին Բելառուսական ռազմաճակատ) հրանոթի հրամանատար գվարդիայի ավագ Ե. Գ. Գարանյանին ԽՍՀՄ ԳԽՆ 1944թ. հունվարի 15-ի հրամանագրով շնորհվել է Խորհրդային Միության հերոսի կոչում:

Ձեռքբերումներ

• 1943թ.՝ Կարմիր աստղի շքանշան:
• 1944թ. հունվարի 15՝ Խորհրդային միության հերոս:
• Լենինի շքանշան:
• Հայրենական պատերազմի 1-ին աստիճանի շքանշան:
• «Ոսկե աստղ» մեդալ (N2957):
• «Կովկասի պաշտպանության համար» մեդալ:
• «Ստալինգրադի պաշտպանության համար» մեդալ:
• «1941-1945թթ. Հայրենական Մեծ պատերազմում Գերմանիայի դեմ տարած հաղթանակի» մեդալ:

Այլ

• 1915թ. գաղթել և ընտանիքով հաստատվել է Աբխազիայի Գագրայի շրջանում:

Նկարներ

• 

  «Կովկասի պաշտպանության համար» մեդալ

• 

  «Ստալինգրադի պաշտպանության համար» մեդալ

• 

  Կարմիր աստղի շքանշան

• 

  Հայրենական պատերազմի 1-ին աստիճանի շքանշան

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Амирханян М. Д. Армяне — Герои Советского Союза. Ер., 2005.
• Цкитинишвили К.В, Чинчилакашвмлм Т.Г «Герои Советского Союза из Грузии». Тбилиси, 1981, стр. 98-99.
• Абшилава А.А., «В боях за Родину», Сухуми, 1980, стр. 49-53.
• Герои Советского Союза: Краткий биографический словарь / Пред. ред. коллегии И. Н. Шкадов. М.: Воениздат, 1987. Т. 1 /Абаев — Любичев/. 911 с.
• Գարանյան Երվանդ, Մայր Հայաստան:
• Гаранян Ерванд, Герои страны.
• ГАРАНЯН Е.К.