Գալֆայան Սրբուհի Նշանի
| Գալֆայան Սրբուհի Նշանի | |
| Галфаян Српуи Ншановна | |
| |
| Անգլերեն: | Galfayan Srbuhi |
| Հայերեն: | Գալֆայան Սրբուհի Նշանի |
| Ծննդյան տարեթիվը: | 17.02.1822 |
| Ծննդավայրը: | Գարթալ, Թուրքիա |
| Մահվան տարեթիվը: | 04.07.1889 |
| Մահվան վայրը: | Կոստանդնուպոլիս, Թուրքիա |
| Համառոտ տվյալներ: Ժանեկագործ և ասեղնագործ վարպետ: | |
Բովանդակություն
Կենսագրություն
Ծնվել է 1882թ. փետրվարի 17-ին Թուրքիայի Գարթալ գյուղում:
Մահացել է 1889թ. հուլիսի 4-ին Թուրքիայի Կոստանդնուպոլիս քաղաքում:
Աշխատանքային գործունեություն
- 1850թ. Կոստանդնուպոլսում բացել է արհեստանոց, որտեղ հայ երեխաներին ձեռագործ է սովորեցրել:
- 1866թ. հիմնել է Գալֆայան վարժարանը:
Ձեռքբերումներ
- 1865թ.՝ Անտվերպենի (Բելգիա) ցուցահանդեսի առաջին կարգի վկայական:
Այլ
- 12 տարեկան հասակում զրկվել է հորից, փորձել մտնել կուսանոց:
- 1837թ. ծանր հիվանդացել է ժանտախտով: Ապաքինվելուց հետո տեղափոխվում է Կոստանդնուպոլիս հորեղբոր նշանավոր գյուղատնտես, Թուրքիայի փոստ-հեռագրական, ապա և հասարակական շինությունների նախարար Աղաթոն Գրիգորի մոտ:
- Հետագայում, վաղօրոք ունենալով մոր համաձայնությունը, Սրբուհի Գալֆայանը դառնում է մայրապետ, հագնում սև թիկնոց, սև գլխաշորով և քողով ծածկում գլուխն ու դեմքը: Նա Խաս գյուղում կարողանում է հարմար տուն գնել և բացել արհեստանոց երկսեռ երեխաների ուսման և դաստիարակման համար:
Ժանեկագործության և ասեղնագործության իր շնորհքի շնորհիվ նրան հրավիրում են եգիպտական արքունիք, ապա Իտալիա (Նեապոլ, Հռոմ, Ֆլորենցիա, Միլան), մեկ տարի անց նաև Երուսաղեմ և Աթենք: Հունական թագուհի է նրան հրավիրում է պալատ, ծանոթանում նրա աշխատանքներին, հիանում: Պալատական բարձրաստիճան կանայք մեծ գնումներ են կատարում Սրբուհու ձեռագործ աշխատանքներից:
- 1840թ.-ից նվիրվել է հայ աղքատ մանկանց դաստիարակությանը:
- Թաղված է Կոստանդնուպոլսի հայկական եկեղեցու բակում:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
- Մարգարյան Գ., Կենսագրութիւն Սրբուհի մայրապետի Նշան-Գալֆաեան..., ԿՊ, 1892:
- Հայ նշանավոր կանայք - Սրբուհի Գալֆայան:
- Սրբուհի Գալֆայան, Անկախ նորություն:
- Գալֆաեան որբանոց - 21 նոյեմբեր, 1866:
- Հայ նշանավոր կանայք, Սրբուհի Գալֆայան: