Գաբրիելյան Հենրի Գաբրիելի

Գաբրիելյան Հենրի Գաբրիելի
Габриелян Генри Габриелович
Այլ անուններ:	Գաբրիելյան Հարություն
Անգլերեն:	Gabrielyan Henrie
Հայերեն:	Գաբրիելյան Հենրի Գաբրիելի
Ծննդյան տարեթիվը:	03.11.1903
Ծննդավայրը:	Պատականց, Արևմտյան Հայաստան
Մահվան տարեթիվը:	10.04.1981
Մահվան վայրը:	Երևան, Հայաստանի հանրապետություն
Համառոտ տվյալներ: Փիլիսոփա, ԵՊՀ ռեկտոր:

Կենսագրություն

Ծնվել է 1903թ. նոյեմբերի 3(16)-ին Արևմտյան Հայաստանի Վանի նահանգի Գավաշ գավառի Պատականց գյուղում:

Մահացել է 1981թ. ապրիլի 10-ին Հայաստանի Խորհրդային Հանրապետության մայրաքաղաք Երևանում:

Կրթություն

• 1928թ.՝ ավարտել է ԵՊՀ:

Աշխատանքային գործունեություն

• 1921թ.-ից՝ «Ավանգարդի» և «Գրական թերթի» խմբագիր:
• Արմֆանի պատմության և գրականության ինստիտուտի տնօրեն:
• 1933-1935թթ.՝ Լենինականի ՄՏԿ բաժնի պետի տեղակալ:
• 1935-1936թթ.՝ Երևանի մարքսիզմ-լենինիզմի ինստիտուտի տնօրեն:
• 1937թ.՝ ԵՊՀ ռեկտոր:
• 1945-1948, 1955.-ից՝ ԵՊՀ դասախոս:
  • 1945-1948, 1955-1970թթ.՝ փիլիսոփայության ամբիոնի վարիչ:
  • 1970-1975թթ.՝ փիլիսոփայության պատմության և գիտական աթեիզմի ամբիոնի վարիչ:
  • 1975-1978թթ.՝ փիլիսոփայության պատմության ամբիոնի վարիչ:

Ձեռքբերումներ

• 1945թ.՝ փիլիսոփայական գիտությունների դոկտոր:
• 1936թ.՝ պրոֆեսոր:
• 1963թ.՝ ՀԽՍՀ գիտության վաստակավոր գործիչ:
• Աշխատանքային Կարմիր Դրոշի շքանշան:

Այլ

• Հայ փիլիսոփայության ամբողջական պատմության առաջին հետազոտողներից է:
• Աշխատություններում անդրադարձել է նաև գերմանական դասական փիլիսոփայության պատմության, տրամաբանության, ազգերի և ազգային մշակույթների զարգացման հարցերին:
• Մեծ վաստակ ունի փիլիսոփայական կադրերի պատրատման գործում` երկար տարիներ եղել է փիլիսոփայության գծով գիտական աստիճաններ շնորհող խորհրդի նախագահ, ղեկավարել բազմաթիվ ասպիրանտների, նպաստել ԵՊՀ -ում փիլիսոփայության բաժնի, ապա ֆակուլտետի ստեղծմանը:
• Հեղինակ է 100-ից ավելի մենագրությունների, գրքույկների ու գիտական հոդվածների:
• 1937թ., ռեկտոր նշանակվելուց երկու ամիս անց, հեռանում է ԽՄԿԿ շարքերից և ձերբակալվում:

Մատենագիտություն

• Գաբրիելան Հ.Գ., Հեգելի զարգացման ուսմունքը և մարքսիզմ-լենինիզմը, Երևան, 1934:
• Գաբրիելան Հ.Գ., Գիտությունը և նրա դերը (ռուսերեն), Երևան, 1956:
• Գաբրիելան Հ.Գ., Հայ փիլիսոփայության մտքի պատմություն,հ. 1-4, Երևան, 1956-1965:
• Գաբրիելան Հ.Գ., Մարքսիստական տրամաբանությունը որպես դիալեկտիկա և իմացության տեսություն (ռուսերեն), Երևան, 1963:
• Գաբրիելան Հ.Գ., Հայ պատմափիլիսոփայական մտքի քննական տեսություն, Երևան, 1966:
• Գաբրիելան Հ.Գ., Դավիթ Անհաղթ, Երևան, 1980:
• Գաբրիելան Հ.Գ., Փիլիսոփայության հանգուցային հիմնահարցերը միջնադարյան հայ փիլիսոփաների մոտ (ռուսերեն), Երևան, 1981:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Երևանի պետական համալսարանի ռեկտորները, կազմող՝ Լ.Պ. Ղարիբջանյան, Երևանի համալս. հրատ., 1999, 152էջ:
• Պրոֆ. Հ.Գ. Գաբրիելյանի տպագիր աշխատությունների մատենագիտություն, Երևան, 1974:
• Հենրի Գաբրիելյան, ԵՊՀ պաշտոնական կայք:
• ԵՊՀ ռեկտորները, ԵՊՀ պաշտոնական կայք: