Բաբայան Արաքսի Թովմասի
| Բաբայան Արաքսի Թովմասի | |
| Бабаян Араксия Товмасовна | |
| |
| Անգլերեն: | Babayan Araxi |
| Հայերեն: | Բաբայան Արաքսի Թովմասի |
| Ծննդյան տարեթիվը: | 05.05.1906 |
| Ծննդավայրը: | Երևան, Հայաստան |
| Մահվան տարեթիվը: | 13.02.1993 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Քիմիկոս-օրգանիկ, ՀՍՍՀ գիտության վաստակավոր գործիչ: | |
Բովանդակություն
Կենսագրություն
Ծնվել է 1906թ. մայիսի 5-ին Հայաստանի մայրաքաղաք Երևանում:
Մահացել է 1993թ. փետրվարի 13-ին Հայաստանի Հանրապետության մայրաքաղաք Երևանում:
Կրթություն
1929թ. ավարտել է Երևանի պետական համալսարանի գյուղատնտեսական ֆակուլտետը: 1937թ. Երևանի պոլիտեխնիկական ինստիտուտի քիմիական ֆակուլտետը:
Աշխատանքային գործունեություն
- 1942-1956թթ. աշխատել է Երևանի անասնաբուժական-անասնաբուծական ինստիտուտում,եղել է օրգանական քիմիայի ամբիոնի վարիչ:
- Աշխատել է ՀՍՍՀ ԳԱ քիմիայի ԳՀԻ-ում որպես ամինոմիացությանների լաբորատորիայի վարիչ։
- Զբաղվել է ամինների և չորրորդային ամոնիումային միացությունների հետազոտությամբ։ Սկզբնական շրջանի աշխատանքների արդյունքը եղավ Հոֆմանի ռեակցիայի գործնական կիրառության հնարավորության հայտնաբերումը։ Պարզաբանել է բազմահալոգենալկիլ խումբ պարունակող չորրորդային ամոնիումային աղերի ջրահիմնային ճեղքման ռեակցիայի մեխանիզմը, տվել β, γ և α, β չհագեցած խմբեր պարունակող համապատասխան աղերի վերախմբավորման-ճեղքման ռեակցիաները, որոնք կարող են օգտագործվել կետոնների, կարբոնաթթուների էսթերների և էնամինների սինթեզի համար։
- 1947-59թթ. եղել է ՀՍՍՀ II-IV գումարումների Գերագույն սովետի պատգամավոր։
Ձեռքբերումներ
- 1946թ.՝ՍՄԿԿ անդամ:
- 1956թ.՝ ՀՍՍՀ ԳԱ թղթակից անդամ:
- 1968թ.՝ ՀՍՍՀ ԳԱ ակադեմիկոս:
- 1961թ.՝ՀՍՍՀ գիտության վաստակավոր գործիչ:
- Պարգևատրվել է Աշխատանքային կարմիր դրոշի և «Պատվո նշան» շքանշաններով:
Տե՛ս նաև
- Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան- Ղուշչյան, 2005: